Ibrani 8:5 - Allah Wene Hurumbik Keron

⁵ Eke it ap kweanmon Allah unde epmanowen suruk ari, boholmen suruk heheg, ahut neken-at suruk-o. Ariroho suruk ari, bilin at Musaen sebag etno hag suruk-o. Eke at Musaen sebag etno, o Allah ibam etno faliog ulug suruk heheg, At Allahen yig ituk wilil, “Hat o duroho faliuk ulug bilin o dom fam epmanowen yig hitikikon etno ilitoho-at faliuk-o,” ulug yig epag.

Ibrani 8:5 ပူးပေါင်းရင်းမြစ်များ

Matius 2:12

Og ituk apareg, nohoruk­mu, At Allahen yig isaruk wi­lil, “At Herodes weregke hiniog fene la fug-o,” ulug yig isarukmu ini og hebag. Ini og haruk apareg, iniluk atlug kwalem werlek­keyen inibam lebag.

Kisah Para Rasul 7:44

Eke fobik At Allahen Musa etno yig ituk wilil, ‘An nibam ariroho faliuk, ulug yanggul ituk apagma, it ninetamuki Israel ap epmano inim sum fam o etno ilitoho falepfuruk apareg walug sil nuruk apag.

Kolose 2:17

Eke iren yi angge di angge yig hisa waharukon etno, ahut neken-at yig hisa waharuk-o. Eke ebe ari, At Kristus-at wereg-o.

Ibrani 10:1

Eke it Yahudi aben wene duroho suruk amuk eke duroho suruk am fug ulug ebahon etno fobik suhuon ilitoho neken-at ebahon oke, ebe demat fano inaptukon neken eleg-o. Eke yi angge di angge Allah ake ulug umburukon ari, tahun nintul nantul suruk wilil, ilikia hupmu-at umburukon oke, ari fam it aphe At Allah ake imbik waharukon epmano fam inindi fano inaptuk eleg-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 13:10

It bilin o sum fam faleg ambeg Allah unde welapahon epmanowen Allah ake nit og nisebahon epmano nao ari hai-o.

Ibrani 9:9

Ari, at ap misig Allah obam sembahyang uruk wilil, yi angge di angge Allah ake embeheg, eke wam waroko At Allah ake ulug hondok yaleheg suruk etno fam, indi ho saruk eleg-o.

Wahyu 15:5

Di etno uruk atusama, boholma o Allah ibam sok husig weregma nilanggen lahap harikik-o.