Ibrani 7:3 - Allah Wene Hurumbik Keron

³ Ariroho soaleg weregma, at Melkisedek etno ikni isina etamuki ininuk inim, eke at endag apahon etno inim, eke warapahon inim obog ninapeleg-o. Ninapeleg ari famen at ebe Allah amloho ilitoho neken atlug, nintul nantul Allah unde-at wereg-o.

Ibrani 7:3 ပူးပေါင်းရင်းမြစ်များ

Matius 4:3

Orom obok hebareg weregma, At indi kahal­tukon iblis etno ambeg waharuk apareg, yig ituk wilil, “Hat Allah Amlo­ho-at wela­hen halug, helep du orom amagsoho hune yig imin-o,” ulug yig epag.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 7:1

At Melkisedek etno o Salem inowe suon wilil, At Allah itog mondog werehon etno unde welapag. Ariroho weregma, at Abraham etnowen it ap inowesi suon epmano warep isaruk apareg, iog suhuluk waharukmu, at Melkisedek inim salkal uruk apareg, at Melkisedek etnowen Abraham obam ahien embebag.

Ibrani 7:17

Eke bilin Alkitab etno fam At ahurumbik uruk wilil, “At Melkisedek Allah unde akeleg neken welapag etno hag, Hat hebe hitog mondog wilil, nintul nantul Allah unde hakeleg neken welaruhun-o,” ulug ebag etno fam, it bilin Allah unde welapahon epmano inawene oag eleg atlug hai atuk apagma, sohorep isebag-o.

Ibrani 7:2

Ahien obam umburuk apagma, at aharek nomaloen angge weregma, sohoen angge at ombataruk wilil, nomalo etno at Melkisedek og epag. Eke at Melkisedek etno inuk misig Inowe fano inaptukon ulug soaleg wilil o Salem inowe suon welapag etno fam, inuk misig Inowe fohot yaltukon ulug soaleg welapag.

Ibrani 7:6

Ariroho suruk oke, at Melkisedek etno ebe Lewi ap fug oke, at Abrahamen aharek nomalowon etno embebagma, holaruk apareg, at Abraham Allahen abug yig epahon etno obam ahien embebag.