Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ibrani 7:28 - Allah Wene Hurumbik Keron

28 Eke at Musaen wene duroho suruk amuk eke duroho suruk am fug ulug ebahon etno fam, it ap nin inindi dahon-at oke, Allah unde suon welamag ulug minduhup isebag-o. Ariroho minduhup isebahon oke, at Musaen wene duroho suruk amuk eke duroho suruk am fug ulug ebahon etno bilin ebareg fam, fobik At Allahen Amloho yig ituk wilil, “Hat An ninuk fam demat minduhup hahaki-o,” ulug yig ituk apagma, At etno itog mondog indi fanowon-at wereg-o, ulug yig isebag.

အခန်းကိုကြည့်ပါ။ ကော်ပီ




Ibrani 7:28
17 ပူးပေါင်းရင်းမြစ်များ  

Yig ituk apagma, eke At Yesus etnowen yig isaruk wilil, “Hit laruk atlihipseg, at yangge asine werehon etno yig ituk wilil, ‘Yoho inim, sono inim At Yesusen it aphe setan inindimu werehon lisoko wilip iseheg, eke it uk warehon fano inabeheg suhu-o. Suruk aruhureg, eke hao famen yabuk arat suhu-o,’ ulug yig irik aliek-o.


Denggeksepfik laharuk apagma, At Yesus etnowen e anggen ambusu etno naruk apareg uruk wilil, “An yabuk sukon epmano arat-o,” ulug uruk apareg ungguluag kunuk uruk wilil, warapag.


eke kidia At Amloho etnowen wene etno yig nisaruk atisi-o. Ariroho yig nisaruk atisi ari, At Allahen Amloho yi angge di angge unde welamag ulug minduhupfebahon etno, At Allahen at inuk fam o ahik ya da wal hebag-o.


Eke At Allah yi angge di angge obog wal haruk apareg aso werehon etnowen At Yesus inuk suontepfiog ulug, At bilin aphe inake waramag-o, ulug ahla bebag ari, At onggarehen fano-at ahla bebag-o. Ariroho ahla bebag ari, At Yesus udaki obog inim suontep isiog ulug-at ariroho ahla bebag-o. Ari halug, At Yesusen-at og ninaplug ninili wawon etno og nisaruk-o.


Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.


Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.


Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.


Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.


Ari ilitoho At Kristus etno onggarehen At Allah unde ninuk suon welaruhuken ulug imig sebag fug-o. Ariroho imig seheg eleg weregma, At Allahen yig ituk wilil, “Hat An Namloho-at welahen-o. Hat hebe etno kidia-at endag habihi-o,” ulug yig ituk apareg,


At Yesus etno Allah unde welamag ulug minduhupfiog ulug, At Allahen yig ituk wilil, “An Hikni Allah ninuk fam demat ulug yig hituk ahi-o.


Ariroho welapahon oke, At Yesus hag iluk itog mondog welaruhu ari fam, at eyabuk etno at misihen sukag ulug inggikmu umburuk eleg-o.


Ariroho soaleg weregma, at Melkisedek etno ikni isina etamuki ininuk inim, eke at endag apahon etno inim, eke warapahon inim obog ninapeleg-o. Ninapeleg ari famen at ebe Allah amloho ilitoho neken atlug, nintul nantul Allah unde-at wereg-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ