Ibrani 7:26 - Allah Wene Hurumbik Keron

²⁶ Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

Ibrani 7:26 ပူးပေါင်းရင်းမြစ်များ

Matius 27:18

Ariroho yig isebag ari, iren At Yesus obam inasine haruk apareg, wabukag ulug senoko og itukmu enggag isaruk apareg ariroho yig isebag.

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 23:22

eke at Pilatus etnowen fobik inim yig isaruk wilil, “Aren alem dahon misig nongge sirisimu wabukag ulug uruk ahep-o? At ebe wabukon oke, alem eleg hihireg fam, ebe yikangge akeleg-at warepfulug hele hibiloko imbisamin-o,” ulug yig isebahon oke,

Lukas 23:41

nit biren hag dag surukuk etno fam onggo ulug e fam lenggaloko ninombisahakesa-o. Eke At ap du hag dag sirisi fuhon oke, e fam lenggaloko embehesa-o,” ulug yig ituk apareg,

Lukas 23:47

Waratukmu it ap sehen seneg werehon inowe suon etno obog-at ilanggen haruk apareg, At Allah inuk suontepfuruk wilil, “At ap du demat fanowon welaha-o,” ulug uruk apag.

Lukas 24:26

Eke At Kristus etno Inowe suon welamag ulug, yi angge di angge dahon obam embeheg elegma suon welaruhu-o ulug hinahla buruk ahep ano?” ulug yig isebag.

Lukas 24:46

“An nahurumbik bilin wene embebahon epmano yig hisamin-o. Ari, At Kristus yi angge di angge dahon etno obam umburuk amuhupmu, inggik henahan welatlug iluksoho minduhupfuhu-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 8:29

Eke An nebe At lahap nabik waharision etno ninim welahe-o. Eke Anden At ahien hawon etno-at suruk nealug, aren sohorep naharisi fug-o,”

Kisah Para Rasul 3:14

Eke At ebe obabut mondog fanowon etno at niron eleg ulug uruk atikipseg, at Pilatus yig ituk wilil, ‘At ap watukon etno At Yesus ubulukmu hele hibiloko og nisimin-o,’ ulug yig ituk atikipseg,

Kisah Para Rasul 4:27

it Herodes, Pontius Pilatus inim, it hawene waruk elehon epmano inim, eke it Israel ap inim, it obog dambuksoho wilil, At hanggimbu Yesus Kristus minduhupfirikinon etno watusa-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 2:10

Eke At Allah yi angge di angge obog wal haruk apareg aso werehon etnowen At Yesus inuk suontepfiog ulug, At bilin aphe inake waramag-o, ulug ahla bebag ari, At onggarehen fano-at ahla bebag-o. Ariroho ahla bebag ari, At Yesus udaki obog inim suontep isiog ulug-at ariroho ahla bebag-o. Ari halug, At Yesusen-at og ninaplug ninili wawon etno og nisaruk-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 7:11

Eke it Lewi ap etno Allah unde wereg heheg, At Allah wene duroho suruk amuk eke duroho suruk am fug ulug ebahon etno it Israel aphe yig isebag. Ari halug, it Lewi ap at Harun etamuki epmano Allah unde wilil, ineyabuk obog-at selepmen, at ap Allah unde misig, ungguluag werlekon-at oke, at Melkisedek Allah unde akeleg neken welapag etno hag akeleg neken werehon minatlep fug-o.

Ibrani 8:1

Eke wene uruk aheon etno alem du at-o: Nit Ninowe Allah unde suon misig etno At Allah suon alon werehon etno horieg wereg ambeg inggik bikit fil horieg wereg-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

1 Petrus 1:19

At Kristus obabut mondog fanowon amep onggo ulug embebag etno hit hiniluk-o. Eke At Allahen o kweanma awan wal haruk wilil,

1 Petrus 2:22

At Kristus etno mondog dag seheg eleg wilil, enggal wene uruk apag fug-o. Eke inune dahon obam yig epahon oke Aren une dahon it inobam yig isebag fug-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

1 Yohanes 3:5

Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.