Ibrani 7:25 - Allah Wene Hurumbik Keron

²⁵ Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Ibrani 7:25 ပူးပေါင်းရင်းမြစ်များ

Yohanes 14:13

Eke hiren An ninuk fam duroho sin ulug uruk hisalug, suruk aruhuk-o. Ariroho suruk aruhuk ari, An Nikni inuk etno An Amlohoen suontepfiog ulug-at suruk aruhuk-o.

Yohanes 14:16

Ariroho suruk hisalug, At Roh Kudus etno At An Niknien og hisawag ulug obam sembahyang uruk aruhukmu og hisahu-o. Og hisaruk halug, At Roh Kudus Yalmag hinaptukon etno nintul nantul hinim wilil, Aren wene demat uruk amon etno yig hisaruk aruhu-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Roma 8:34

Eke ari halug, ap misihen inoag deloko o dagma imbisahu ano? Ari eleg-o. Eke At Kristus Yesus warapahon oke, fobik iluksoho minduhupfebag etno hag alem suon neken wereg-o. Eke iluksoho minduhupfebareg fam, At Allah inggik bikit fil wereg-o. Ariroho wilil, Aren nit ninake Allah obam sembahyang uruk-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

Efesus 2:18

Eke At Kristusen ariroho yig nisa wapareg fam, nit obog-at it Yahudi inim, eke hit Allah wene hinapeleg welatikibon inim, Roh Kudus misig etno-at ninindimu kurukmu, At Ninikni Allah misig-at obam ebetuk ahe-o.

Efesus 3:12

Eke nit At Kristus ninim wilil, At obam ebetuk nisalug, ninakol elegsoho wilil At Allah apma waharuk ahe-o.

Efesus 3:20

Eke At Allah ninindi yabuk oag weregsoho surukon etno niren kino uruk wilil obam sembahyang uruk nisalug, niren ninindi ebetuk aheon epmano obam seberoho og nisiog ulug ahla buruk-o.

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

1 Timotius 2:5

Eke At Allah etno misig-at wereg-o. Eke At Allah nit aphe ninim dambuk ninaptukon etno ap misig inuk Yesus Kristus etno-at wereg-o.

2 Timotius 1:12

Hele war naptuson oke, nindi At Allah obam-at ebetuk wilil, At Allahen og hiruhuk ulug irision etno At Yesus waruhu sambit og niriog ulug naso wereg-o, ulug an nenggali elegsoho-at welahi-o.

Ibrani 11:6

ap misig indi demat ulug ebetuk eleg halug, At Allah ahien neawag ulug suruk eleg-o. Eke it yi aphe di aphe At Allah ambeg wamuog ulug surukon epmano it obog At Allah demat wereg ulug inindi ebereheg, eke nin ebe heaharuk nisalug, onggo fanowon-at og nisahu ulug inahla beheg suruk amag-o.

Ibrani 13:15

Eke At Yesus etnowen nit ninake suruk apag etno fam, niren At Allah ake di At inuk suontepfukon etno-at uruk amuk-o. Ariroho uruk wilil, ninuneyen nintul nantul At obam wa eheg, inuk suontepfeheg suruk amuk-o.

Ibrani 2:18

Eke it ninen At obam dahon etno umburuk wilil, indi kahaluog ulug suruk apahon oke, indi oag weregsoho welapag etno hag, kidia it aphe inindi kahalik waharuk isalug, inindi oag weregsoho welamag ulug-at yig isaruk-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

Ibrani 7:16

Eke At ap Allah unde minapahon ari, it apheyen wene duroho suruk amuk eke duroho suruk am fug ulug uruk etno fam minapag fug-o. Eke At ebe iluk itog mondog wilil oag weregsoho wereg etno fam, Allah unde apag-o.

Ibrani 7:19

Ariroho hai apag famen, onggo Aren fano ninabuhu-o ulug wene fanowon etno-at yig nisaruk wilil, og ninaplug At Allah wereg ambeg horogsoho neken ninombisaharuk-o.

Ibrani 7:24

Ariroho welapahon oke, At Yesus hag iluk itog mondog welaruhu ari fam, at eyabuk etno at misihen sukag ulug inggikmu umburuk eleg-o.

Ibrani 7:8

Eke it ap Allah unde epmanowen aphe inaharek nomalowon etno holaruk ari, it ap inebe waramuhubon epmanowen-at holaruk-o. Ariroho holaruk oke, at ap Melkisedek etnowen Abraham aharek nomalowon etno holebag ari, at ap iluk werehon etnowen-at holebag ulug, at Alkitab etnowen yig nisaruk-o.

Ibrani 9:24

Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.