Ibrani 7:22 - Allah Wene Hurumbik Keron

²² Eke Anden Hat hitog mondog wilil nintul nantul Allah unde welaruhunen-o,” ulug yig hirihion ari sohorep isalug, fobik akelehon yig hiruhuk fug, ulug Allahen At inuk fam yig epagma, At Yesus wene hurumbik keron fanowon etno unde wereg etno fam, fobik demat suhu ulug ninahla buruk ahe-o.

Ibrani 7:22 ပူးပေါင်းရင်းမြစ်များ

Matius 26:28

An namep it yi aphe di aphe anggolo epmanowen dag surukon etno inobam inapelegsoho sohorep isalug At Allah inim fanoroho welamag ulug dambuk hinaptuk ariog ulug An namep deloko wilip aruhuon etno ilitoho du at-o.

Markus 14:24

Naruk apagma, yig isaruk wilil, “It yi aphe di aphe At Allah inim fanoroho welamag ulug dambuk inaptuk ariog ulug An namep deloko wilip aruhuon etno ilitoho du at-o.

Lukas 22:20

Yig isaruk apagma, it epmano nebag. Arat naruk apagma, eke fobik ik honanggo etno ariroho-at og isaruk apareg, yig isaruk wilil, “Eke fobik hit hurumbik keron etno fam At Allah hinim dambuluhuben ulug, An namep hit hinake deloko umbuhuk etno hag, ambusu honanggo du ilitoho og hisaruk ahi-o,” ulug yig isebag.

1 Korintus 11:25

Naruk apareg, fobik ambusu sohorluk fam hononggowon etno waruk apareg, og isaruk wilil, “Kidia An namep fam At Allah hinim dambuk hinabukon etno ebe du at-o. Ambusu ari naruk wilil, An nobam hinindi ebetuk amuhup-o,” ulug yig isebag.

Ibrani 12:24

Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Ibrani 7:23

Eke alem misig du wereg-o, it ap bilin Allah unde welapahon epmano inebe waraheg, ineyabuk eleg aheg suruk wilil, inebe anggolo welapag-o.

Ibrani 8:13

Wene keron etno ariroho yig hisahuk ulug yig isebareg fam, At Allahen wene hurumbik amukon etno bilinon ulug sohorep isebag-o.