Ibrani 7:15 - Allah Wene Hurumbik Keron

¹⁵ Eke wene alem uruk aheon etno kidia arat seleg atuk-o. Ariroho seleg atuk ari, at Melkisedek akeleg neken welapag etno hag, ap Allah unde misig minapag etno fam seleg atuk-o.

Ibrani 7:15 ပူးပေါင်းရင်းမြစ်များ

Matius 13:21

Ariroho waruk wilil oke, fobik inindimu demat ebetuk eleg wilil, ebe seberepfuruk atlug, nit wene waruk aheon du fam ninusuhup ulug inahla beheg, eke narlog harlog suruk wilil, wene ari ninambit-o ulug sohorep iseheg suruk-o.

Ibrani 5:6

eke fobik yig ituk wilil, “Hat hebe Allah unde mondog-at welaruhun-o. Ariroho welaruhun ari, at Melkisedek bilin At Allah unde wilil akeleg neken welapag etno hag, Hat ariroho-at welaruhun-o,” ulug yig epag.

Ibrani 7:11

Eke it Lewi ap etno Allah unde wereg heheg, At Allah wene duroho suruk amuk eke duroho suruk am fug ulug ebahon etno it Israel aphe yig isebag. Ari halug, it Lewi ap at Harun etamuki epmano Allah unde wilil, ineyabuk obog-at selepmen, at ap Allah unde misig, ungguluag werlekon-at oke, at Melkisedek Allah unde akeleg neken welapag etno hag akeleg neken werehon minatlep fug-o.

Ibrani 7:14

Eke At Ninowe etno ungguluag Yehuda ap neken endag apag ari nit niniluk-o. Eke at Musa etnowen it ap nin Allah unde welamon inawene baltuk wilil, ap misig ungguluag Yehudaon inim welaruhu ulug ebag fug-o.

Ibrani 7:16

Eke At ap Allah unde minapahon ari, it apheyen wene duroho suruk amuk eke duroho suruk am fug ulug uruk etno fam minapag fug-o. Eke At ebe iluk itog mondog wilil oag weregsoho wereg etno fam, Allah unde apag-o.

Ibrani 7:3

Ariroho soaleg weregma, at Melkisedek etno ikni isina etamuki ininuk inim, eke at endag apahon etno inim, eke warapahon inim obog ninapeleg-o. Ninapeleg ari famen at ebe Allah amloho ilitoho neken atlug, nintul nantul Allah unde-at wereg-o.