Ibrani 6:5 - Allah Wene Hurumbik Keron

⁵ Eke it epmanowen Allah wene ari fanowon at-o, ulug inahla buruk wilil, fobik oag weregsoho-at suhuon etno arat iniluk atisi-o. Ariroho sukon etno obog-at iniluk atision oke, fobik fanowon etno sohorep isalug, fobik nit dag sehe ulug ioba yatuk wilil inindi ebebukon etno hai aruhu-o.

Ibrani 6:5 ပူးပေါင်းရင်းမြစ်များ

Matius 12:32

Eke it ninen wene dahon An Allahen minduhup naharision etno nobam umburuk isalug, At Allahen inobam inapelegsoho sohorep isalug, apma imbisahu oke, eke it ninen wene dahon At Roh Kudus obam umburuk isalug, At Allahen kidia inim, fobik inim inobam inape­legsoho apma imbisahu fug-o,” ulug yig isebag.

Markus 6:20

at Herodes etnowen ahla buruk wilil, at Yohanes obabut fano mondog surukon etno ebe nakol-o, ulug ili waruk apareg, wabuk fug-o ulug maha embebag. Maha umburuk apareg, at une esanggo holfag etno fam, yi angge di angge suruk wilil, at Yohanes une esanggo holiog ulug welapag.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Efesus 6:17

Eke bisuemanggen fam inunggulasum wanteg wilil inolohore inambian inim hetoho suruk apag etno hag, wene hinili wawon etno eberoko waruk amuk-o. Eke At Roh Kudusen Allah wene wim unggul neken og hisarukon etno holaruk amuk-o

Ibrani 11:3

Eke bohol inim kwean inim At Allahen bilin wene uruk apareg, wal hebahon etno inim, eke Aren wal hebareg fam yi angge di angge haruk ahe fuhon epmanowen eke it yi angge di angge haruk aheon epmano werehepfebahon epmano inim niren demat ulug ninindi ebetuk ahe etno fam niniluk atuk-o.

Ibrani 2:5

At Allahen o duma niren uruk aheon etno wal haruk-o, ulug ahla buruk apareg, it malaikat epmano unde welamag ulug minduhup isebag fug-o.

Ibrani 4:12

Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

1 Petrus 1:25

Amburuk oke, eke At Ninikni Allah wene etno hag iluk mondog welaruhu-o,” ulug wene holal embebahon etno weregma, wene fano wene ulug yig hisarusa-o.

1 Petrus 2:3

Eke wene duroho ebahon etno hiniluk-o, “At Allah yonggon hinaptukon etnowen ahmu hisarukmu harikip-o,” ulug holal umburukmu ebahon etno hit hiniluk-o.

2 Petrus 2:20

Eke at ap misig o kweanmen surukon etno sohorep isalug, At Ninowe Yesus Kristus une urukon esanggo holtug halug, fobiken iog suhuluk kwalem dahon etno laruk wilil, dahon etno obam ombataruk-o.