Ibrani 6:2 - Allah Wene Hurumbik Keron

² Eke ikma belap inaptukon wene etno inim, eke aphe inungguluag ininggik sen inaptukon etno inim, eke fobik it aphe warehon minduhup isahuon epmano inim, eke o epma mondog welamag ulug oag del inabuhuon epmano inim, alem ariroho sukon etno obog-at niniluk-o.

Ibrani 6:2 ပူးပေါင်းရင်းမြစ်များ

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Matius 3:14

Laruk apagma, at Yohanes etnowen yig ituk wilil, “Eleg-o, Haren an ikma belap nabuk halug fano eke an nambeg wahen ari, keroho ulug wahen-o?” ulug yig epag.

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Markus 7:4

Eke orom onggo hundutuk ambeg epmanowen watlug, ariroho-at fikfag ininggik sabele horoho naruk apag. Eke bilin it inetamuki epmanowen wene duroho suruk amuk eke duroho suruk am fug ulug yig isebahon etno waruk wilil, ikobag inim, eke iki suon inim, eke sohorluk tembaga fam halehon etno inim, eke nohorukon e belareg etno inim obog-at ik fam ho suruk apag.

Markus 7:8

Yig isaruk apareg, eke fobik yig isaruk wilil, “At Allahen wene duroho suruk amuk eke duroho suruk am fug ulug yig hisebahon etno sohorep isalug, hit hinetamukien inenggal-at suruk amag ulug yig hisebahon epmano obog-at waruk ahep hisihi-o,” ulug yig isebag.

Lukas 11:38

Horie ebareg, orom nuog ulug At Yesus etno inggik ho suruk elegma, at Farisi ap etnowen ilanggen haruk apareg, wi ebag.

Lukas 12:50

Eke iren dahon nobam umbukon etno arat nobam embelepmen fano-o.

Lukas 14:14

Eke it aphe epmanowen onggo esag humon oke, inaharek elegma, At Allah ahien hinobam umbuhu-o. Eke At Allahen it aphe fanowon iniluksoho minduhup isahu ari sambit onggo fanowon epmano og hisahu-o,” ulug At Yesusen yig isebag.

Lukas 3:16

Ariroho inahla buruk apagma, at Yohanesen, “Anden ikma belap hinabihireg oke, eke At an nombolim waruhuon etno At suon, an doron ulug iog eset hele homahowon etno hibiluk an nakol-o. Eke At etnowen fobik Roh Kudus og hisaruk wilil, hondok ambulpul neken hinobam belabik waruhu-o.

Yohanes 1:33

Nilanggen hihireg oke, At ebe du-o ulug napeleg heheg, At Allahen aphe ikma belap inabuhunen ulug lahap nabik waharision etnowen yig nituk wilil, ‘At fobik Roh Kudus inobam belabik waruhuon etno ungguluagma Roh Kudus etno ambik waharukmu hilanggen hamihin-o,’ ulug At Allahen yig nerehekma, nilanggen hihi-o.

Yohanes 5:29

Minatuk amuhupmu, it fano suruk atuson halug, iniluk welamon etno-at holawag ulug minduhup isahuk-o. Eke it dag suruk atuson halug, o dagma welamon etno-at holawag ulug minduhup isahuk-o,” ulug yig isebag.

Kisah Para Rasul 10:47

“It aphe du nit Roh Kudus og nisarisi etno hag, og isehekma uruk du ikma belap inabuk hai buruk ahep?” ulug yig isaruk apareg,

Kisah Para Rasul 13:3

it etano orom nenggeg eleg wilil, inungguluag ininggik senoko sembahyang uruk apareg, lahap isebag.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Kisah Para Rasul 16:33

Yig isaruk atusama, o hubanggo homanoho ilimbul-at oke, at inaso werehon etnowen og inaplug ibam laruk atisireg, inusuruson ukmu epmano aren fanoroho imbisaruk atisimu, at omini inim obog ikma belap inaptusa.

Kisah Para Rasul 17:18

Ariroho suruk atusama, it ap Epikuros wene etno inim Stoa wene etno inim yanggul isarukon epmano inimen inune ayeg waroko uruk wilil, “At ap kimbu angge du nit nongge yig nisiog ulug uruk-o?” ulug uruk atusareg, it nin At Allah ninapelehon ahusa alem etno farim yig nisaruk ano, ulug at Paulusen Yesus Allahen minduhupfirision wene etno yig isarukmu ariroho yig itusa.

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 23:6

Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 24:15

Eke At Allahen aphe fanowon inim, dahon inim iniluksoho minduhup isahuon it Yahudi aben demat ulug inindi ebetuk etno hag, anden ariroho-at ebetuk ahi-o.

Kisah Para Rasul 24:21

Eke misig du it inil fam wilil irikikon etno ari anden, it aphe warehon etno At Allahen minduhup isahu ulug nindi ebetuk nealug naren baltuk ahep,” ulug yig isarikik. Ulug at Paulusen at Feliks etno yig itisi.

Kisah Para Rasul 24:25

Holtuk atusareg weregma, at Paulusen fano surukon etno inim, eke inindi aso welamon etno inim, eke fobik oag deloko imbisawon etno inim dindiloko yig isarukmu, at Feliks etno akol haruk atisireg yig ituk wilil, “Kidia arat ehenteg fam hibam lamihin-o. Fobik wene nesanggo holuk nindi atuk halug, hayonggo umbuhuk-o,”

Kisah Para Rasul 26:8

Eke At Allahen aphe warehon iniluksoho minduhup isarukon epmano hit Yahudi ap keroho ulug waruk ahep fug-o?

Kisah Para Rasul 4:2

Inambeg waharuk apagma, it At Yesus omini mondep isebahon biren etanowen aphe yig isaruk wilil, “At Yesus aphe warehon wereg ambehen iluksoho minduhupfirisi etno hag, fobik it warehon obog iniluksoho minduhup isahu-o,” ulug wene yig isarukmu inambit isaruk apareg,

Kisah Para Rasul 6:6

Heako it mondep isebahon epmano inolohotma imbisaruk apagma, it mondep isebahon epmanowen inungguluag ininggik seneg wilil, sembahyang uruk apareg, minduhup isebag.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

1 Korintus 10:2

Eke it epmano henaen og inaptuk apagma, it obog-at ik obahare baloko lebag etno fam at Musa inim obog-at ikma neken belap inaptuk apag-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

Filipi 3:21

Eke Aren nit ninebe waratuk aheon olohore nintoho seko umbulug, At ebe fanowon itog mondog werehon etno-at ilitoho seko ninombisahaku-o. Eke Aren yi angge di angge obog at apmarepatarukon halug, at oag wereg etno fam ninebe ketoho ninombisahaku-o.

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

2 Timotius 2:18

It epmanowen wene demat ulug ukon etno sohorep isalug, it aphe nin demat ulug ebetukon epmano inindi kahalukag ulug yig isaruk wilil, “Ninebe min ninaptukon etno fobik min ninabuhu fug-o; arat min ninaptisi-o,” ulug yig isaruk-o.

Ibrani 11:35

Eke it hweap nin epmano inindi demat ulug ebetuk iseheg, inudaki iniknisi inisasi war apahon epmano iniluksoho minduhup isaruk apareg, fobik og isebag. Eke it aphe nin epmano hag, ninebe fanoroho minduhup nisahaku ulug inahla buruk iseheg, it ninen hele war inaptuk wilil, “Hinili og hinabuk ano?” ulug yig isaruk apagma, it epmanowen, “Eleg-o,” ulug uruk apareg, warapag.

Ibrani 9:10

Eke ik orom du nao usa ano, eleg ano, ulug urukon etno inim, eke yi angge di angge obog usaroho suruk wilil ho suruk amuk urukon etno inim, ari ahap selemon ahut neken-at yig nisaruk-o. Eke At Allahen wene hurumbik keron etno awan yig isaruk eleg heheg, hurumbik bilinon etno ahut neken-at yig nisebag-o.

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.