Ibrani 6:19 - Allah Wene Hurumbik Keron

¹⁹ Eke so etno iken walug la nowen ulug hele fam liloko umburuk etno hag, niren demat og nisahu ulug ninahla buruk ahe etno fam, ninindi oag weregsoho welahe-o. Eke bilin At Allah unde suon etno o Allah ibam epmano baharik undama misig sum songsohon etno heal halug, nintul nantul kurukmu, it aphe epmanowen demat nit ninake suruk-o, ulug inahla bebag etno hag,

Ibrani 6:19 ပူးပေါင်းရင်းမြစ်များ

Matius 27:51

Waratuk apagma, sum o Allah ibam undama baharik misig fam supnihon etno atogmen atogma hiroho kahal apag. Kahal atuk apagma, o yugul suruk wilil, kwean aplohok seheg, eke helep suon kahal aheg sebag.

Kisah Para Rasul 23:6

Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 27:29

Wal haruk atusareg, ikma helep misig anggintoho ulug helep liloko ik namutmu belapfurusa. Belapfuruk atusareg, bilin weregma helep du fam ninaso fanggog uruk wilil dag arikon ano? ulug inakolen suruk atusareg o witawag ulug sembahyang urusa; eke so senebukag ulug hele empat so atog filen liloko ikma belapfurusa, belapfuruk atusareg,

Kisah Para Rasul 27:40

Ariroho inahla buruk atusareg, hele so senetukon etno baloko sohorep isalug, eke hele misig so motoho walug larukon ulug lilohon etno loloko umburusa. Loloko umburuk atusareg, hiahneyen so motoho walug lawag ulug sum so ambianma yinggiloko umburuson etno motoho halepfuruk atusareg, so etno fam ik lealeg ambeg etano wamuog ulug surusa.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

Roma 4:18

Eke at Abraham etno onggarehen-at ariroho suhu ulug ahla belepmen, hai atlebon oke, At Allahen ariroho suhuk ulug ebahon etno demat ulug indi ebetuk apareg fam, it o ahik ya da yi aphe di aphe obog inikni neken apag-o. Eke Alkitab etno fam yig nisaruk wilil, “Hat hetamuki inebe mondog anggolo amuhup-o,” ulug ebag etno hag ilitoho seg apag-o.

Roma 5:4

Eke ninindi bugsoho welamon etno fam ninindi oag werehon etno og nisaruk-o. Eke ninindi oag werehon etno fam demat fanoroho ninombisahaku ulug ninahla bukon etno og nisaruk-o.

1 Korintus 13:13

Eke ari halug, ninindi demat ulug ebetuk aheon epmano inim, eke fobik suhu ulug ninahla buruk aheon etno inim, eke ninindi hunduhuk welaheon epmano inim, alem henahan ari mondog wereg-o. Eke ariroho wereg oke, ninindi hunduhuk welaheon epmano alem suon-at wereg-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

Efesus 2:6

Eke nit At Kristus Yesus ninim dambuksoho ninombisaharuk atisireg, nit At Kristus ninim boholmen suon welamag ulug minduhup nisaharisi-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 3:1

Eke ari halug, At Kristus hinim hinilukep hisaharisireg fam, yi angge di angge boholmon epmano-at heahil laruk amuk-o. Eke At Kristus Allah inggik bikit fil boholma-at horieg wereg etno fam, yi angge di angge boholmon-at ebetuk amiek-o.

2 Timotius 2:19

Iren ariroho yig isarukon oke, eke At Allahen o andorli oag werehon imbirision etno aplohok suhu fug-o; eke o andorli etno fam wene holal umburuk wilil, “At Ninowe etnowen nudaki inebe du at-o ulug iluk wereg-o,” eke misig ari, “It apheyen At Ninowe etnowen angge-at welahi-o ulug urukon etno dag surukon etno sohorep isawag-o,” ulug o andorli etno fam wene holal imbirisi-o.

Ibrani 4:16

Ari halug, nit ninoag weregsoho welamuk-o. Ariroho wilil, At Allahen ninabua nisaruk ambeg epma-at laruk amuk-o. Ariroho laruk nisalug, fanoroho yalmag ninabukag ulug ahmu nisawon etno inim, eke ninabua nisawon etno inim obog-at heag sahuk-o.

Ibrani 9:3

Eke baharik misig sum fam huli balehon etno inuk Mondog Usabaharik soalfag.

Ibrani 9:7

Eke baharik undamon sum fam huli balehon etno at ap Allah unde suon etno akeleg-at tahun nintul nantul inggik misihim-at kuruk apag. Etno fam kulug aren dag surukon epmano inim, eke it aphe nin inapeleg neken wilil dag surukon epmano inim eleg amag ulug, wam amep epmano Allah ake embebag-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.