Ibrani 6:17 - Allah Wene Hurumbik Keron

¹⁷ Eke At Allahen ariroho og hisahuk ebahon etno it epmanowen demat og nisahu-o. Aren enggal-at ulug sohorep nisahaku fug-o, ulug inahla bukag ulug aren yig isaruk wilil, “An og hisahuk yig hisihi ari, An ninuk fam demat yig hisihi-o,” ulug yig isebag.

Ibrani 6:17 ပူးပေါင်းရင်းမြစ်များ

Yohanes 10:10

Eke it ap inalomnangge heraharukon etno lehet bog kuruk ari, inalomnangge herahakeg, war inabeheg, muko wilip iseheg suog ulug-at kuruk-o. Eke An hag it nanggom domba epmano iniluk inabeheg, yi angge di angge obog-at og iseheg suruk ariog ulug waharikik-o.

Roma 11:29

Eke At Allahen inebe fuloko imbiseheg eke ahien inobam embeheg sebahon etno dahan fahan suruk eleg-o, mondog ilitoho-at suruk-o.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

Galatia 3:29

Eke hit hinebe At Kristusen angge welahep halug, at Abraham etamuki neken welahep-o. Eke hit at Abraham etamuki neken welahep halug, At Allahen og hisahuk ulug abug yig epahon etno hit-at og hisahu-o.

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

Ibrani 11:9

Eke at etno indi demat ulug ebetuk wilil, o bilin hurumbik yig epag ambeg epmano lebag. Laruk apareg, epma wilil, at ebe huso-at oke, i werehon neken welapag. Eke at udaki Ishak Yakub etno At Allahen hurumbik etno-at yig isebahon oke, inim o sum fam falfag ambeg epmano welapag.

Ibrani 6:12

Eke hit hinaboraliroho suhup halug, nit ninambit-o. Eke it ap nin, inindimu fanoroho ebetuk wilil, dahon etno inobam umburuk iseheg yuhun-at wereg isalug, At Allahen og hisaruk-o ulug abug ebahon etno holuog ulug wereg etno hag, hit ariroho-at welamag ulug yig hisehe-o.

Ibrani 6:16

Eke at ap misihen at omin misig demat og hiruhuk ulug abug yig ituk wilil, at owe suon misig inuk fam demat abug yig ituk-o. At owe suon misig inuk fam abug yig ituk halug, at omin etnowen demat og niruhu ulug ahla buruk-o.

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Petrus 3:7

Eke hit ap etnowen, nuhwe du oag elehon wereg-o, ulug hinahla buruk wilil, hinuhwesi hinim fanoroho wilil, hinahien inobam umburuk amuk-o. Hinuhwesi hinim fano weregma, fobik At Allahen hiniluk welamon etno og hisahu-o. Eke hiren sembahyang uruk wilil, hinindi fanoroho welamuk-o.