Ibrani 6:12 - Allah Wene Hurumbik Keron

¹² Eke hit hinaboraliroho suhup halug, nit ninambit-o. Eke it ap nin, inindimu fanoroho ebetuk wilil, dahon etno inobam umburuk iseheg yuhun-at wereg isalug, At Allahen og hisaruk-o ulug abug ebahon etno holuog ulug wereg etno hag, hit ariroho-at welamag ulug yig hisehe-o.

Ibrani 6:12 ပူးပေါင်းရင်းမြစ်များ

Matius 22:32

‘At Abraham Ikni An at-o. Eke at Ishak Ikni An at-o. Eke at Yakub Ikni An at-o,’ ulug yig epahon etno fam alem du niniluk atuk-o. At Allah ari aphe iniluk werehon epmano Inikni-at wereg-o. Eke it waratukon epmano hag Inikni eleg-o,” ulug yig isebag.

Matius 25:26

Yig ituk apagma, eke at ikni etnowen yig ituk wilil, ‘Hat nanggimbu hobabut dahon wilil, yabuk haboraliroho suruk ahen du wai. Haren an i yag sarisi fug ambeg-at ebe bal seheg, eke i kililtisi fug ambeg inim anggen bal seheg suruk ulug an nobabut suruk ahion etno hat hiluk welahen ano eleg ano?

Lukas 16:22

Naruk iseheg, at Lazarus etno bok welapareg, fobik waratuk apagma, it malaikaren walug, esoho etno nawag ulug At Allah ambeg imbik lahabag-o. Imbik lahabagma, boholma epmano wereg heheg, eke fobik at ap aharek werehon etno warapag-o. Waratuk apagma, ebe kweanma salepfebag-o.

Lukas 8:15

Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Roma 12:11

Eke yabuk hinaboraliroho suruk am sohorep isalug, hinarug fanoroho suruk amuk-o. Eke hinindi hinahientoho wilil, Allah yabuk fanoroho suruk amuk-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

Roma 4:12

Eke it iniyunggul ambilik balehon etno ari fam at Abraham ninikni ulug wereg eleg-o. Eke at ninetamu Abraham iyunggul ambilik awan baleg eleg wilil At Allah obam ebetuk apag etno hag, it iniyunggul ambilik balehon epmano At Allah obam ebetuk isalug, at Abraham ebe inikni neken wereg-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

2 Tesalonika 1:4

it Tesalonika ap fano wereg etno hit hinilanggen isaruk amiek-o, ulug hininuk suontepfuruk wilil, eke it ninen dahon etno hinobam umburuk iseheg, hinindi oag weregsoho welahebon etno inim, eke nintul nantul Allah wene fanoroho waruk wilil, hinindi seberoho welahebon etno inim, it obog-at yig isaruk ahe-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 10:36

Eke At Allahen og hisahuk ulug ebahon etno huluog ulug hiren At ahla burukon etno suruk amuk-o, ulug hinahla buruk wilil hinindi seberoho-at welamuk-o.

Ibrani 11:33

Eke it obog epmano hag inindi demat ulug ebetuk wilil, aphe o ahik suon nin inim wim abil laruk apareg, inebe obog-at seberoho imbisebag. Ariroho imbisaruk apareg, it epmanowen yabuk fanowon etno suruk wilil, At Allahen og hisahuk ebahon etno-at holeheg, eke it nin wam singa induag dokoroho inele abitep iseheg,

Ibrani 12:1

Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

Ibrani 5:11

Eke alem ari fam niren anggolo yig hisawon oke, hit hinindimu orog-at ebetuk ahep etno fam keroho yig hisuk neken ninapeleg atuk-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

Yakobus 1:3

Eke hit hag, dahon fobik hinobam umburukon etno seberepatalug, hinindi fanoroho welamon etno wahup ari, hiniluk-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.

Wahyu 13:10

Ap misig senoko hele wabuhup ulug holal baleg etno wereg halug, fobik hele wabuhup at-o. Eke ap misig karog fam wabuhup ulug, holal baleg etno wereg halug, karog fam wabuhup at-o. Ari halug, hit Allah uda­kion epmano hinindi seberoho wilil, At Yesus inuk eberoko waruk amuk-o.