Ibrani 5:9 - Allah Wene Hurumbik Keron

⁹ lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Ibrani 5:9 ပူးပေါင်းရင်းမြစ်များ

Matius 17:5

ulug awan yig ituk heheg, hena wikal neken lahaptukon etno sebe inapag.

Lukas 13:32

Yig ituk apagma, eke At Yesus etnowen yig isaruk wilil, “Hit laruk atlihipseg, at yangge asine werehon etno yig ituk wilil, ‘Yoho inim, sono inim At Yesusen it aphe setan inindimu werehon lisoko wilip iseheg, eke it uk warehon fano inabeheg suhu-o. Suruk aruhureg, eke hao famen yabuk arat suhu-o,’ ulug yig irik aliek-o.

Yohanes 19:30

Denggeksepfik laharuk apagma, At Yesus etnowen e anggen ambusu etno naruk apareg uruk wilil, “An yabuk sukon epmano arat-o,” ulug uruk apareg ungguluag kunuk uruk wilil, warapag.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

Kisah Para Rasul 5:32

Eke nit At Roh Kudus etno ninimen wene etno yig hisaruk ahe ari, At Allahen At une warukon epmano Roh Kudus og nisarukmu yig hisaruk ahe-o,” ulug yig isaruk apag.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 10:16

Eke wene fano wene etno yig isil laruk oke, it ninen wene fanowon etno eberoko warusa fug ari fam, at Yesayaen uruk wilil, “Nowe-o, wene yig isarukukon etno at sen hag eberoko warisi-o?” ulug ebag-o.

Roma 15:18

Eke an nune oag weregsoho uruk ahi ari, At Kristusen yig nitukmu-at yabuk suruk atikik ulug yig hisaruk ahi-o. Eke At Kristus ninim yabuk sulug eleg anden-at yabuk sirikik ulug uk ari an nakol-o. Eke At Kristus etno ninim yabuk suruk wilil, it aphe bilin wene inapeleg welatuson epmano Allah wene inesanggo holtuk amag ulug nune yig iseheg, eke yabuk seheg,

Roma 2:8

eke it aphe nin epmano inindimuen suontepataruk wilil, wene demat urukon etno sohorep isalug, dag wene etno, inindi ebetukon ari, At Allah asineyen onggo dag seko imbisahu-o.

Roma 6:17

Eke hiren At Allah wa ulug yig ituk amuk-o. Eke hit o amuk at alem dag surukon etno anggimbu neken welatikibon oke, kidia wene etno warikipseg, wene demat yanggul nisarukon du ninesanggo holtug ilitoho-at suruk amuk-o, ulug hinahientoho ebetuk ahep-o.

2 Korintus 10:5

Eke nit oag werehon og nisarukon etno fam yi angge di angge oag werehon epmano lehet neken mialtuk wilil, inenggal wene urukon epmano sahaloko imbiseheg, eke At Allah ebe niniluksoho welamon seberoho umbuog ulug surukon epmano elegsoho imbiseheg, eke it aphe inahla burukon epmano hele waroko neken imbisalug At Kristus une etno holukag ulug apma imbiseheg suruk ahe-o.

Filipi 2:12

Nomini nindi hunduhukon wai. An hit ninim weregma nune holtuk atikip etno hag, kidia nebe yatma welahi oke, nune holtuk amuk-o. Eke hinili wawon etno huluog ulug hinakoltoho suruk amiek-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 11:40

Eke At Allahen at misig ahurumbik yig isebahon etno nit kidia welahe du fam lawag ulug ahla bebag-o. Ariroho ahla bebareg fam, it aphe bilin hurumbik yig isebahon epmano atog neken nit-at welahe-o.

Ibrani 11:8

Eke at Abraham etno Allahen yig ituk wilil, “Hat hudaki hetamuki unde welamuhup ambeg epmano-at lag-o,” ulug wol haruk apagma, indimuen demat ulug ebetuk apareg, esanggo holfag. Holtuk apareg, o lao ambeg epmano apelehon oke, arat lebag.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 2:10

Eke At Allah yi angge di angge obog wal haruk apareg aso werehon etnowen At Yesus inuk suontepfiog ulug, At bilin aphe inake waramag-o, ulug ahla bebag ari, At onggarehen fano-at ahla bebag-o. Ariroho ahla bebag ari, At Yesus udaki obog inim suontep isiog ulug-at ariroho ahla bebag-o. Ari halug, At Yesusen-at og ninaplug ninili wawon etno og nisaruk-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 9:12

Eke At Kristus ebe o Aren yabuk suruk ambeg epmano kuruk apareg, o bilin inuk Mondog Usabaharik welapag etno hag wereg ambeg epmano inggik misihim-at mondog mondog kebag-o. Kuruk wilil, Aren Allah ake imbiog ulug wam kambing inim, sapi udag inim inamep walug wapag fug-o. At amep etno-at walug waharuk apareg, nit ninebe ninili oko niniluk mondog welamon etno-at og nisebag-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.