Ibrani 5:7 - Allah Wene Hurumbik Keron

⁷ Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

Ibrani 5:7 ပူးပေါင်းရင်းမြစ်များ

Matius 27:46

Witaruk apagma, jam tiga fam At Yesus une suon uruk wilil, “Eli, Eli lama sabakhtani,” ulug ebag ari, nit ninune fam ‘Nikni-o, keroho ulug sohorep nahaken-o?’ ulug une suon-at ebag.

Matius 27:50

Uruk apagma, At Yesus etno une suon uruk wilil, sat wilipfuruk apareg, arat warapag.

Markus 15:34

O weruk apagma, jam tiga fam At Yesus etno une suon uruk wilil, “Eloi, Eloi lama sabakhtani,” ulug ebag ari, nit ninune fam ‘Nikni-o, keroho ulug sohorep nahaken-o?’ ulug une suon-at ebag.

Markus 15:37

Yig isaruk apagma, At Yesus etno une suon uruk apareg, warapag.

Lukas 23:46

Kahal atuk apagma, At Yesus etno une suon uruk wilil, “Nikni-o, An nahut Haren wimin-o,” ulug uruk apareg, warapag.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 11:35

Yig ituk apagma, At Yesus ioba yapag.

Yohanes 11:42

Hat hesanggo holtuk ahenon etno An niluk oke, it yi aphe di aphe obog wonggalik waheson dumen At Yesus etno Ikni Allahen demat lahabik waharisi ulug inahla buruk wilil eberoko wawag ulug yig hirihi-o,” ulug yig epag.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

1 Timotius 3:16

Eke wene herahowon ninindi ebetlug nit obog uruk aheon etno du at-o, At ebe ap kweanmon neken-at selegma apag-o. Eke At Roh Kudus etnowen ap du demat ulug yig epag-o. Eke it malaikat epmanowen inilanggen hebag-o. Eke At awene etno o ahik ya da yig isa wilip apag-o. Eke o ahik ya da it aphe epmanowen At demat-o ulug inahla buruk apag-o. Eke At ebe o selegma anduhunmu epma imbik lahabag-o, ulug ninindi ebetuk ahe-o.

Ibrani 10:10

Eke At Yesus Kristus etno At Allahen du suhu ulug ahla bebahon etno ilitoho suruk wilil, At ebe nit obog ninonggo inggik misihim-at Allah ake ombatebag etno fam, niren dag suruk aheon epmano sohorep isalug, ninindi ho ninaptuk-o.

Ibrani 10:5

Elehap inaptuk eleg etno fam, At Kristus o kweanma duma ambik wariog ulug ahla bebareg, At Allah yig ituk wilil, “Yi angge di angge Allah ake umburukon epmano inim, eke wam waroko Allah ake hondok yalukon epmano inim wao ari hambit haruk ahen oke, eke An nebe etno hag Allah ake ulug nombaharikin-o.

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

Ibrani 12:28

Eke nit hag At Allah apma welamon aplohok suk fuhon etno-at og nisaruk ari fam wa ulug uruk amuk-o. Ariroho uruk amuhuk ari, At Allahen ninabua nisaruk wilil, ahmu nisawag ulug ninindi seberoho wilil, ninakoltoho At Allah obam sembahyang uruk amuk-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

1 Yohanes 4:3

Ariroho yig hisarukmu, hiniluk aruhu-o. Eke iren At Yesus Kristus kweanma wapag fug ulug uruk isalug, at antikristus At Kristus inim healeg werehon etnowen-at yig isarukmu uruk-o. At antikristus o kweanma waruhu, ulug yig hisaruson etno, kidia arat waruhu-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.