Ibrani 5:11 - Allah Wene Hurumbik Keron

¹¹ Eke alem ari fam niren anggolo yig hisawon oke, hit hinindimu orog-at ebetuk ahep etno fam keroho yig hisuk neken ninapeleg atuk-o.

Ibrani 5:11 ပူးပေါင်းရင်းမြစ်များ

Matius 13:15

Hinahla buruk ahebon etno hai neken-at buruk ahep-o. Eke ariroho buruk wilil, hinesanggo dohurepataruk ahep-o. Eke hinilanggen inim-at buhepataruk ahep-o. Eke At Allahen yig hisaruk wilil, hit hinebe fano-at welatlepmen, hinilanggen fano helep-o. Eke hinesanggo inim fano holtep-o. Eke hinahla inim fanoroho buruk atlep-o. Ariroho suruk wilil, An nawene etno waruk atlep-o. Warukmu, eke Anden fano hinaple-o,’ ulug at Yesaya etnowen yig isebag-o.

Markus 8:21

Yig ituk apagma, At etnowen yig isaruk wilil, “Ari halug, hinahla behep ano, eleg ano?” ulug yig isebag.

Lukas 24:25

Yig ituk apagma, eke At Yesusen yig isaruk wilil, “Hit it nabi ap Allah wene hurumbik ebahon etno hinindimu ebereheg eleg urunangge neken welahep-o.

Yohanes 16:12

Eke Anden kidia yi wene di wene anggolo-at yangguloko yig hiseleon oke, hinindi dag ahareg fam ari, fanoroho ebetlihip fug-o.

Yohanes 6:6

At Yesus duroho simin ulug iluk wilil oke, at Filipus etno unema wiog ulug yig epag.

Kisah Para Rasul 28:27

Hinahla buruk ahebon epmano hai neken-at buruk ahep-o. Eke ariroho buruk wilil, hinesanggo dohurepataruk ahep. Eke hinilanggen inim-at buhepataruk ahep-o. Eke At Allahen yig hisaruk wilil, hit hinebe fano-at welatlepmen, hinilanggen fano helep-o, eke hinesanggo inim fano holtep-o, eke hinahla inim fanoroho buruk atlep-o. Ariroho suruk wilil, an nawene etno waruk atlep-o. Warukmu, eke anden fano hinaple-o,’ ulug at Yesayaen amuk yig isebahon etno yig hisihi-o,”

Ibrani 5:10

Inggikmu umburuk apareg, At Allahen yig ituk wilil, “Hat at Melkisedek Allah unde inowe suon wilil, akeleg neken-at welapag etno hag, Hat Allah unde Inowe suon hakeleg neken-at welaruhun-o,” ulug yig ituk apareg, minduhupfebag.

Ibrani 5:12

Eke hit o amuk At Allah wene waruk atikipseg fam, hinebe yanggul isarukon-at welatlebon oke, at misihen Allah wene ebe alem neken-at yanggul hisahu ari fano-o. Eke hiren naruk angge arikon epmano nelebon oke, hit we ag ambusu neken-at nao ari fano-o.

2 Petrus 3:16

Ari at Paulus Allahen yig itukmu, hurumbik suhuon etno yig nisaruk-o. Hurumbik etno demat uruk oke, it aphe ninen ari keroho uruk-o? ulug inahla buruk wilil, Allah wene holal baleg etno dahapfuruk isalug, inobabut surukon etno famen fobik mondog war inabuhu-o.