Ibrani 5:1 - Allah Wene Hurumbik Keron

¹ Eke it ap nin Allah unde wilil, nit farim Allah yabuk suruk amag ulug, inomini inanggelegmen heako minduhup isaruk-o.

Ibrani 5:1 ပူးပေါင်းရင်းမြစ်များ

Roma 15:17

Eke ari fam, an At Kristus Yesus ninim wilil, Allah yabuk suruk atikik etno fam suontep naharuk-o.

1 Korintus 15:3

Eke an og nebahon alem neken hit og hisaruk seyahon wene etno ebe du at-o, eke nit dag suruk nisalug, wene holal balfahon Alkitab fam wereg etno ilitoho At Kristus ebe nit ninonggo-at warapag-o.

Ibrani 10:11

Eke it Yahudi ap Allah unde epmano o nintul nantul yabuk suruk wilil, ininggik anggoloam-at Allah ake umburuk oke, Allah ake umburuk ari fam it apheyen dag surukon epmano eleg atuk eleg-o.

Ibrani 10:12

It apheyen dag surukon epmano eleg amag ulug At Kristus etnowen misihim-at Allah ake ombataruk wilil, aphe obog inonggo baltuk apareg, At Allah inggik bikit fil horie ik lahabag-o.

Ibrani 11:4

Eke at Habel etno indimu demat ulug ebetuk wilil, Allah ake fanowon epmano umburuk apagma, At Allahen Kainen embebahon epmano sohorep isalug, at Habelen embebahon epmano waruk wilil, ap du hag obabut fano wilil embehek-o ulug ahien hebag. Eke at Habel etno ebe amuk warapahon oke, Aren indi demat ulug ebepahon etnowen yig nisaruk-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 7:27

Eke it ap kweanmon Allah unde suon welapag epmano hag, At Yesus ariroho wereg eleg-o. Eke it ap Allah unde suon werehon etnowen iren dag surukon etno eleg amag ulug bilin Allah ake embeheg, eke it yi aphe di aphe epmanowen dag surukon etno eleg amag ulug fobik Allah ake embeheg nintul nantul suruk etno hag, At Yesus ariroho suruk eleg-o. Eke At ebe etno Allah ake neken wararuhuken ulug onggarehen imig saruk apareg, Allah ake misig etno-at embebag-o.

Ibrani 8:3

Eke it ap Allah unde suon epmano hag, iren yi angge di angge Allah ake embeheg, eke wam waroko At Allah ake ulug hondok yaleheg suruk amag ulug minduhup isaruk-o. Ariroho suruk etno ilitoho nit Ninowe Allah unde suon etnowen angge Allah ake embebahon misig wereg-o.

Ibrani 8:4

Eke it Yahudi aben wene duroho suruk amuk eke duroho suruk am fug ulug ebahon etno wereg heheg, it ap Allah unde etnowen At Allah ake umburuk-o. Ari halug, At nit Ninowe etno o kweanma duma welatlepmen, At ebe Allah unde neken welatlep fug-o.

Ibrani 9:9

Ari, at ap misig Allah obam sembahyang uruk wilil, yi angge di angge Allah ake embeheg, eke wam waroko At Allah ake ulug hondok yaleheg suruk etno fam, indi ho saruk eleg-o.