Ibrani 4:13 - Allah Wene Hurumbik Keron

¹³ Ariroho suruk heheg, alem misig At Allah ilanggen ha nowen ulug herahapfuk ari hai-o. Yi angge di angge obog wal hebahon epmano At il fam selegma mondog wereg-o. Ariroho wereg famen, niren suruk aheon epmano At Allah il fam obog-at bukaluhuk-o.

Ibrani 4:13 ပူးပေါင်းရင်းမြစ်များ

Matius 6:4

Ari halug, it inaharek elehon og isuog ulug ari herako neken og isao fano-o. Herako og isahup ari fam, At Hinikni herahoma ilanggen harukon etnowen selegma-at onggo fanowon epmano og hisahu-o,” ulug yig isebag.

Yohanes 2:24

Ariroho ebetuk apahon oke, At Yesusen it yi aphe di aphe obog inobabut iniluk wilil, demat nobam ebetuk ulug ahla buruk apag fug.

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Yohanes 4:16

Ariroho yig ituk apagma, At Yesusen yig ituk wilil, “Ari halug, hat hahun ayonggo lamihinteg, suhuluk wapmihin-o,” ulug yig epag.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.