Ibrani 4:12 - Allah Wene Hurumbik Keron

¹² Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

Ibrani 4:12 ပူးပေါင်းရင်းမြစ်များ

Lukas 8:11

Yig isaruk apareg, eke fobik yig isaruk wilil, “Wene ilitoho neken yig hisihion etno kidia ebe yig hisamin-o. Eke i kililfahon etno ari Allah wene at-o.

Yohanes 12:48

Ari halug, it aphe ninen An nobam ebetuk eleg wilil, An nawene ninambit-o, ulug uruk isalug At misihen inoag deloko imbisahu-o. Ariroho imbisahu ari, wene Anden yig isaruk ahion etnowen-at inoag deloko imbisahu-o.

Yohanes 6:51

Eke orom iniluk inaptukon boholmen ambik waharision etno ari An at-o. Eke orom roti iniluk inaptukon etno naruk isalug, iniluk mondog welamuhup-o. Eke orom roti Anden og isahukon ari, it yi aphe di aphe kweanmon obog-at iniluk welamag ulug An nebe etno-at og isahuk-o,” ulug yig isebag.

Kisah Para Rasul 2:37

Yig isaruk apagma, it epmano wi ulug inakol anggolo haruk apareg, at Petrus omini epmano inim yig isaruk wilil, “Halug nit keroho suk-o nomini?” ulug hinog yig isebag.

Kisah Para Rasul 4:31

Sembahyang uruk apagma, o yugul suruk wilil, o it wereg ambeg etno aplohok sebag. Aplohok suruk apagma, it epmano Roh Kudus inindimu kuruk wilil yig isarukmu, Allah wene inakol elegsoho yig isaruk apag.

Kisah Para Rasul 5:33

Yig isaruk apagma, it imam inowesi suon epmano inesanggo holtuk apareg, inasine anggolo haruk wilil, ap du wabuk-o, ulug uruk apag.

Kisah Para Rasul 7:38

Yig isaruk apareg, at etno it ninetamuki Israel ap epmano inim o limu wilil, at malaikat etnowen dom Sinai isinmu epmanowen yig itukmu esanggo holfag. Holtuk apareg, it ninetamuki epmano nit-at og isahuben ulug Allah wene fano wene etno yig isebag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

1 Korintus 1:24

nit At Allahen wol nisarukon epmano, Yahudi ap inim, Yunani ap inim obog-at dambuksohoen, wene ari At Kristus inuk-at yig nisaruk-o, eke At Kristus etnowen Allah oag weregsoho surukon etno inim, eke At Allah indi ilukonen ahla burukon etno inim obog-at dindiloko yig nisaruk-o, ulug ninahla buruk ahe.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Efesus 5:13

Eke herako surukon ari selegmaroho umburuk atlug du dahon ulug bukal atuk-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Efesus 6:17

Eke bisuemanggen fam inunggulasum wanteg wilil inolohore inambian inim hetoho suruk apag etno hag, wene hinili wawon etno eberoko waruk amuk-o. Eke At Roh Kudusen Allah wene wim unggul neken og hisarukon etno holaruk amuk-o

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

Ibrani 13:7

Ariroho uruk wilil, it hinowesi bilin Allah wene yig hisaruson epmano inobam hinindi ebetuk amuk-o. Ari halug, hiren it bilin duroho welatusareg, waratusa ulug inobam hinindi ebetuk wilil, iren inindi demat ulug ebetuk atusa etno hag, hit ariroho-at ebetuk amuk-o.

Ibrani 6:5

Eke it epmanowen Allah wene ari fanowon at-o, ulug inahla buruk wilil, fobik oag weregsoho-at suhuon etno arat iniluk atisi-o. Ariroho sukon etno obog-at iniluk atision oke, fobik fanowon etno sohorep isalug, fobik nit dag sehe ulug ioba yatuk wilil inindi ebebukon etno hai aruhu-o.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

1 Petrus 1:23

Allah wene iniluk inaptukon etno warikip halug, hinebe keron neken endag atikipseg fam, At Ninikni Allah iluk mondog werehon etnowen endag hinaptisi-o.

Wahyu 1:16

Eke soholoal sabiren angge inggik bikit filen senere­heg eke elmen karog enggat femag femag werehon wilipfeheg suruk wilil, At olohore mo yatukon etno ilitoho abikag surukmu ni­langgen harikik-o.

Wahyu 19:15

Waharuk atusama, At etno elmen karog engga­ron misig wilik waharuk atisimu, etno fam it yi aphe di aphe inungguluag dombog apmarep isiug ulug sirisi-o. Ariroho suruk atisireg, ahla buruk wilil, “Sega fam napmarep isa­ruk aruhukseg, e anggur anggen bisaltuk ambeg epmanowen At Allah inuk fam bisaltuk aruhuk-o,” ulug ahla birisi-o.

Wahyu 19:21

Hik isaruk atusa­ma, eke at wam kuda amboloag fam larukon elmen karog wilik wahari­sion etno fam inosi obog war inaptisimu, it sue obog epmanowen it warehon ininu epmano inahumsoho narusa-o.

Wahyu 2:16

Ari halug, hiren dag suruk ahebon epmano sohorep isaruk amuk-o. Eke sohorep isaruk eleg hisalug, hinambeg waharuk aruhukseg, karog nambilikmu werehon etno fam it aphe epmano war inabuhuk-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.

Wahyu 20:4

At iblis hele wareg weregma, it aphe anggolo horie uruk ambeg epmano weregma isarikik-o. Nilanggen isarikikon epmano inebe suon welamag ulug minduhup isarusa-o. Minduhup isarusareg weregma, eke it aphe Allah wene inim, eke At Yesusen yanggul isebahon etno inim aphe yig isebareg fam war inapahon epmano inahurangge inim weregma isarikik-o. Ariroho weregma nilanggen isarikikon epmano walo suon ebe etno inim, eke ebe ilitoho sehon etno inim inobam sembahyang eheg eleg wilil, walo suon inuk inilaho­ag fam ininggik fam holal baleg eleg welatuson etno At Kristus inim wilil, inebe seribu tahun fam suon-at welatusa-o.