Ibrani 3:7 - Allah Wene Hurumbik Keron

⁷ Eke At Roh Kudus etnowen yig nisaruk wilil, “O yoho At Allah une hinesanggo holtuk ahep halug,

Ibrani 3:7 ပူးပေါင်းရင်းမြစ်များ

Matius 17:5

ulug awan yig ituk heheg, hena wikal neken lahaptukon etno sebe inapag.

Matius 22:43

Yig ituk apagma, eke At Yesusen yig isaruk wilil, “Ariroho hinahla buruk ahebon oke, eke At Roh Kudus etnowen Daud yig itukmu, aren At Kristus farim Nowe suon ebag ari, keroho ulug ebag buruk ahep-o? At Daud etnowen yig isaruk wilil,

Markus 12:36

“Eleg-o, At Roh Kudus etno at Daud indimu kuruk apagma, aren yig isaruk wilil, ‘At Ninikni Allah etnowen At Ninowe etno yig ituk wilil, ‘It aphe Hat hinim healeg welahebon ari, Anden Hat hiog apma imbisahukon epmano inaso welaruhunen ninggik bikit fil horie ik ma-o,’ ulug At Allahen An Nowe etno yig erehek,’ ulug at Daud etnowen At Kristus farim Nowe ebahon oke,

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 10:3

Eke at ap misig sok elma aso werehon etnowen sok hut haruk-o. Eke at ap etno kulug anggom domba epmano ininuk inakeleg sik-at wol isaruk halug, it anggom domba epmanowen at une holtuk-o. Une holtuk isalug, at etnowen og inaplug wilik waharuk-o.

Yohanes 5:25

Ari halug, An wene demat uruk amon etno misig yig hisamin-o. Kidia inim, fobik inim, it warehon epmanowen An Allah Amloho nune inesanggo holtuk isalug, iniluk mondog welamuhup-o.

Kisah Para Rasul 1:16

“Nomini-o, at Yudas etno nit ninim At Yesus omin ulug heako minduhupfebahon oke, eke At Roh Kudus etnowen Daud yig itukmu ebag etno hag, at Yudasen fobik At Yesus ebe du at-o, ulug irisi famen, it ap Yesus hele watuson epmano inowe neken atisi ari Roh Kudus etnowen Daud yig itukmu iluk apag etno hag seg atisi-o.

Kisah Para Rasul 28:25

Ariroho suruk atusareg, wilip amuog ulug, at misihen eheg, at misihen eheg surukmu, at Paulusen yig isaruk wilil, “At Yesayaen Roh Kudus fam it ninetamuki yig isebahon etno yig hisamin-o. Ari bilin at Yesayaen yig isaruk wilil,

Kisah Para Rasul 8:29

Wane suruk weregma, At Roh Kudus etnowen Filipus etno yig ituk wilil, “Kereta ari kwalema salkal uruk apmihinteg, hinim wene baltihip-o,” ulug yig epareg fam,

Ibrani 10:15

Ariroho imbisebahon etno At Roh Kudus inimen yig isaruk wilil, “Fobik it aphe etno ninim wene ariroho baltuk amuhukseg, ninim dambuluhuk-o.

Ibrani 3:13

Eke dag sukon etnowen hinindi kahalik waharuk halug, ninindi dahapatehe ha nowen ulug nintul nantul hit hit hinesanggo war war uruk amuk-o. Eke at Alkitab etnowen yig nisaruk wilil, “O yoho At Allah une etno hinesanggo holtuk ahep ulug yig nisebag halug, nintul nantul-at ariroho uruk amuk-o.”

Ibrani 3:15

Eke at Alkitab etnowen yig nisaruk wilil, “O yoho At Allah une hinesanggo holtuk ahep halug, hit bilin hinindi arikepatarikipseg, Allah une ninambit ulug welatikip etno hag welam fug-o,” ulug ariroho yig nisarukon etno ebe heahul-o.

Ibrani 4:7

Ariroho wereg ari, At Allahen fobik dahagsoho yig isaruk wilil, “Hit o yoho At Allah une hinesanggo holtuk ahep-o,” ulug yig isebag etno fam inebe werehon epmano selegma atuk-o. Eke at Daud etnowen wene bilin eheon etno-at fobik ilitoho yig isaruk wilil, “O yoho At Allah une hinesanggo holtuk ahep halug, hit bilin hinindi arikepatalug welatikip etno hag welam fug-o,” ulug yig isebag.

Ibrani 9:8

Ariroho umburuk isalug, o baharik selemon etno wereg heheg, o baharik undamon inuk Mondog Usabaharik etno kuruk ambeg kwalem etno heraho-at wereg ulug, At Roh Kudus etnowen selegmaroho yanggul nisaruk-o, ulug yig hisihion ari, nit kidia welaheon epmano keroho welahe ulug hinahla bukag ulug ilitoho neken-at yig hisihi-o.

2 Petrus 1:21

It bilin hurumbik ebag etno iren ebag fug-o, At Roh Kudusen Allah une yig isarukmu, hurumbik etno ebag-o.

Wahyu 3:20

Eke An nebe sok elma wilil, kik haruk ahi-o. Kik haruk ahion etno ap misihen esanggo holtug hut neahumu, at ibam etno kuhukseg, ninim nahuk-o.