Ibrani 3:1 - Allah Wene Hurumbik Keron

¹ Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 3:1 ပူးပေါင်းရင်းမြစ်များ

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 20:27

Yig isaruk apareg, eke at Tomas etno yig ituk wilil, “Ninggik ahul nahambut duma hilanggen bikharuk apmihinteg, hinggik kolabin-o. Eke nombandu nahambut elma epma hinggik-dot undamaroho kolapfin-o. Ariroho kolapfuruk apmihinteg, hindi biren welahenon etno sohorep isalug, demat ulug An nobam hindi ebetuk amin-o,” ulug yig epag.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

Roma 15:27

inonggarehen-at ariroho inahla burusa oke, it inaharek elehon epmano og isuog ulug nomat neken inobam wereg-o. Eke it aphe bilin Allah wene inapeleg welatuson epmanowen wene fano wene etno wawag ulug it Yahudi aben yig isarusareg fam, kidia it aphe bilin Allah wene inapeleg welatuson epmanowen inaharek yi angge di angge epmano it Yahudi ap og isao ari fano at-o.

Roma 15:8

Eke At Kristus it Yahudi ap iniyunggul ambilik balehon epmano inanggimbu neken apareg wilil, At Allahen ebahon etno demat ebag inahla bukag ulug seheg, eke At Allahen it inetamuki hurumbik yig isebahon epmano demat sirisi ulug iniluksoho seheg,

Roma 9:24

Eke ariroho inebe suontep isahuk ulug fuloko imbisebareg fam, it Yahudi ap inim, it bilin Allah wene inapeleg welatuson epmano inim obog-at wol nisarisi-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 10:17

Eke orom roti ebe misig-at oke, nit obog orom roti ari dot dot menag nisarukmu naruk ahe-o. Eke nit aphe anggolo-at oke, ninebe misig-at welahe-o.

1 Korintus 9:23

Wene fano wene du ninim eberoko wahuken ulug, yi angge di angge ariroho-at suruk ahi-o.

2 Korintus 1:7

Eke ari halug, hit hinoag weregsoho welamuhup ulug ninahla buruk ahe-o, eke nit dahon ninobam umburuk epmano hag, hit hinobam umburukon oke, eke nit ninahlahiroho welamag ulug yig nisaruk etno hag hit yig hisaruk ari niniluk-o.

2 Korintus 9:13

Eke hiren ariroho og isaruk amuhup etno fam iren hinaren balepfulug uruk wilil, it du At Kristus awene fanowon etno eberoko waruk ahe ulug inune uruk wilil ilitoho suruk du fam niren Allah wa ulug hinuk suontepfuruk ahe-o. Eke iren nit inim, it aphe obog inim sumburoko og nisaruk ari fam wa ulug urukmu isahup-o.

Efesus 3:6

Eke wene misig heraho welapahon bukaloko yig isarision etno duroho yig isarisi-o, bilin it Yahudi ap At Allah ahien inobam embebahon oke, kidia wene fano wene yig isil lawon etno fam it bilin Allah wene inapeleg welatuson epmano inim-at ahien inobam umburuk-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 4:4

Eke At Roh Kudus ebe misig-at wereg ari hag, it Allah udaki etno inebe misig-at wereg-o. Eke At Allahen fanowon etno og hisahuk ulug abug yig hisarisi halug, misig etno-at huluog ulug welahep-o.

Filipi 3:14

Ariroho suruk wilil, onggo fanowon etno huliog ulug bikit-at laruk ahi-o. Ariroho laruk ahi ari, At Allahen onggo fanowon etno og hisahuk ulug wol nisaruk etno fam laruk ahi-o. Eke onggo fanowon ari, At Kristus Yesus ninonggo balfag etno fam boholmen ninim niniluk welamon etno og nisahu-o.

Kolose 1:12

Eke At Ninikni Allahen hit At udaki inim o seleg wereg ambeg epma hinombisaharisireg fam, hinahien haruk wilil, wa ulug yig ituk amuk-o.

Kolose 1:22

Hinebe At udaki atikipseg fam, hinindi dahon sohorep isalug, hinobabut motoho hinombisaharuk atisireg, at olohotma hinombisaharisi-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

1 Tesalonika 2:12

Eke hinesanggo wareheg, eke yonggon hinabeheg suruk wilil, At Allahen an weregma ninim suon welamuhuken ulug wol hinaptuk-o ulug ariroho yig hisaruk wilil, At Allah ahien hisawagsoho hit Allah wene etno ilitoho suruk amiek-o, ulug yig hisaruk atukuk-o.

1 Tesalonika 5:27

Eke holal du it ninomini obog inil fam wane sukag ulug, At Ninowe inuk fam nune oag weregsoho yig hisaruk ahi-o.

2 Tesalonika 1:11

Eke ari halug, nintul nantul hinake sembahyang uruk ahe-o. Eke At Allahen wol hinaptisireg fam hiniluk welamon etno holawag ulug fanorep hisahakeg, eke hiren nit fanowon etno suk ninindi-o, ulug uruk hisalug, oag weregsoho og hiseheg, eke At awene demat ulug ebebukon atog imbirision etno atog og hiseheg, suruk amag ulug At Allah obam sembahyang kino uruk ahe-o.

2 Tesalonika 2:14

Eke niren wene fano wene yig hisarukukon etno fam At Allahen wol hinaptisi-o. Eke At Ninowe Yesus Kristus etno inim suon welamag ulug wol hinaptisi-o.

1 Timotius 6:12

Eke it aben buahen laruk etno hag, hat Allah wene demat urukon etno mutlug laruk wilil, hat hiluk welamon etno huliog ulug suruk amin-o. Eke hat hiluk welamon etno holawag ulug, bilin At Allahen wol hearisimu, hat aphe anggolo inil fam An Allah wene demat eberoko waruk ahi-o, ulug irikin-o.

1 Timotius 6:2

Eke iniknisi arien Allah wene waruk isalug, it inanggimbu etnowen, an nikni ninim hunduhuk weregma, fanowon etno-at og niruhu etno fam kidia at eyabuk fanoroho at suruk aruhuk-o, ulug inahla bukag-o, ulug anden yi wene di wene yig hirihion etno it aphe obog-at yanggul isaruk amuk-o.

2 Timotius 1:9

Eke At Allahen ninili warisireg, hit an nudaki welamuhuben ulug wol ninaptisi-o. Wol ninaptisi ari, niren fano suruk nisalug, wol ninaptisi fug-o. Eke At ahla bulug-at ninabua nisaruk wilil, wol ninaptisi-o. Eke o kweanma duma awan wal haruk eleg wilil, At Yesus Kristus inuk fam ninabua nisebahon oke,

2 Timotius 2:7

Eke yi wene di wene yig hituk ahion epmano At Ninowe etnowen ebe du farim irisi ulug yanggul hemagsoho hindimu fanoroho ebetuk amin-o.

Ibrani 10:19

Nomini-o, At Yesus etno nit ninake warapareg fam, nit o misig inuk Mondog Usabaharik welapag etno hag werehon etno fam kukag ulug ninasok hut nisebag-o.

Ibrani 10:21

Eke At Allah unde suon misig At ibam aso werehon etno nit Ninowe-at wereg-o.

Ibrani 10:23

Eke At Allahen og hisahuk ulug ebahon etno demat og nisahu ulug ninahla buruk wilil, fanowon og nisahu ulug uruk aheon etno ninindi eberegsoho welamuk-o.

Ibrani 13:22

Nomini-o, hit hinindi oag wereg amag ulug an wene yig hisihion du hinindi seberoho wilil, hinesanggo fanoroho holtuk amag ulug yig hisihi-o. Eke an holal ari ebe yaron neken bal hisihi fug-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Ibrani 6:20

At Yesus etno Ninowe Allah unde suon wilil, o At Allah wereg ambeg boholma laharuk apareg, nit ninake suruk-o. Eke bilin at Melkisedek Allah unde akeleg neken-at welapag etno hag, At Yesus Ninowe Allah unde suon akeleg neken-at nintul nantul welaruhu-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

Ibrani 7:28

Eke at Musaen wene duroho suruk amuk eke duroho suruk am fug ulug ebahon etno fam, it ap nin inindi dahon-at oke, Allah unde suon welamag ulug minduhup isebag-o. Ariroho minduhup isebahon oke, at Musaen wene duroho suruk amuk eke duroho suruk am fug ulug ebahon etno bilin ebareg fam, fobik At Allahen Amloho yig ituk wilil, “Hat An ninuk fam demat minduhup hahaki-o,” ulug yig ituk apagma, At etno itog mondog indi fanowon-at wereg-o, ulug yig isebag.

Ibrani 9:11

Ariroho yig nisebahon oke, fobik At Kristus ebe etno Allah unde suon akeleg neken-at wapag-o. At ebe wapag ari, fobik yi angge di angge fanowon og nisahuon etno unde wilil wapag-o. Waharuk apareg, o aren yabuk suruk ambeg epmano suon fanowon-at wereg-o. Ariroho wereg ari, aben falehon neken wereg eleg-o, eke ebe yi angge di angge duma wal hebahon epmano ilitoho wereg eleg-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.

1 Petrus 3:5

Eke ariroho it hweap amuk Allah wene webahon epmano suruk apag; inobabut fano amag ulug, inahuni inune holtuk apag-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.