Ibrani 2:9 - Allah Wene Hurumbik Keron

⁹ Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

Ibrani 2:9 ပူးပေါင်းရင်းမြစ်များ

Matius 16:28

Eke misig du hinindi ebetuk amiek-o. Hit aphe nin duma welahebon epmano waraheg eleg hiniluk wilil, An Allah Amloho suon waharukmu hinilanggen neahup-o,” ulug yig isebag.

Matius 6:28

Eke hinasum etno hinindi buruk ahep ano? Sabelema e hali hali etno wilip atukmu haruk ahebon. E anggen ari sum yihikeg, sobaleheg suruk eleg-o.

Markus 9:1

Yig isaruk apareg, eke fobik yig isaruk wilil, “Hit aphe nin duma welahebon epmano waraheg eleg hiniluk wilil, At Allah weregmen oag weregsoho suhuon etno hinilanggen hahup-o, ulug An demat yig hisihi-o,” ulug yig isebag.

Lukas 9:27

“Hit aphe nin duma welahebon epmano waraheg eleg hiniluk wilil, At Allah weregmen suhuon etno hinilanggen hahup-o, ulug An demat yig hisihi-o,” ulug yig isebag.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 10:17

Eke An fobik niluk ariog ulug nahla buruk ahi etno fam, At An Nikni etnowen An nebe indi hunduhuk wereg-o.

Yohanes 12:32

Eke An nebe etno o kweanma dumen nombahik laharuk iseheg, Anden it yi aphe di aphe obog-at inayonggo umburuk aruhukseg, og inaplug lahuk-o,” ulug yig isebag.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Roma 5:18

Eke ari halug, alem misig dag sebareg fam, alem dahon it yi aphe di aphe obog-at inobam wereg apag etno hag, alem misig fano sebag etno fam, it yi aphe di aphe obog alem dahon inobam werehon epmano elehepfuruk wilil, inilukep isaruk-o.

Roma 5:8

eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

Roma 8:3

Eke ninebe kweanmon etnowen fano suk ninoag elegma, at wene duroho suruk amuk eke duroho suruk am fug ulug ebahon etnowen fano ninabuk hai atision oke, At Allahen fano ninaptisi-o. Eke At Allahen Amloho etno it ap kweanmon inebe dag surukon epmano ilitoho belabik waharuk wilil, At Kristus obam alem dag surukon epmano onggo umbukag ulug belabik wapareg fam, alem dag surukon epmano oag deloko elehepfebag-o.

Roma 8:32

Eke At Allahen Amloho etno ili wao sohorep isalug, nit obog ninake embebareg fam, At Kristus inim eke yi angge di angge obog inim og nisahu fug buruk ahep ano?

2 Korintus 5:15

Eke ari halug, nit kidia niniluk welaheon epmano nit ninahla buruk aheon sukon epmano sohorep isalug, At ninake warapareg iluksoho minapahon etnowen ahla burukon etno-at niren suruk amag ulug ninake warapag-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

1 Timotius 2:6

Eke At Yesus ari nit yi aphe di aphe obog-at ninonggo warapag-o. Eke At etno bilin warapareg fam, At Allahen aphe obog ninili wiog ulug suruk-o, ulug niniluk atuk-o.

Ibrani 1:9

Eke it fanoroho surukon halug, hahien isaruk ahen-o. Eke it dag surukon halug, hambit isaruk ahen-o. Ari halug, An Hikni Allah etnowen it homini epma sohorep isalug, Hat hag yi angge di angge obog unde welahen etno fam, Hat hahien hahunen ulug, Anden imig haptikik-o,” ulug yig epag.

Ibrani 10:5

Elehap inaptuk eleg etno fam, At Kristus o kweanma duma ambik wariog ulug ahla bebareg, At Allah yig ituk wilil, “Yi angge di angge Allah ake umburukon epmano inim, eke wam waroko Allah ake hondok yalukon epmano inim wao ari hambit haruk ahen oke, eke An nebe etno hag Allah ake ulug nombaharikin-o.

Ibrani 11:5

Eke at Henokh etno hag, indi demat ulug ebetuk apag etno fam, warapag fug-o. Waraheg eleg weregma, At Allahen walug lahabag. Walug lahabareg fam, it apheyen ebe eleg hebag-o. Eke at Alkitab etnowen yig nisaruk wilil, at Henokh etno awan walug lahiog ulug heheg, At Allah ahien neawag ulug suruk apag oke,

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 2:7

Eke Hat Allahen it ap epmano yi angge di angge unde welamag ulug minduhup isaruk senag ulug yig nisarukon etno,

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Ibrani 8:3

Eke it ap Allah unde suon epmano hag, iren yi angge di angge Allah ake embeheg, eke wam waroko At Allah ake ulug hondok yaleheg suruk amag ulug minduhup isaruk-o. Ariroho suruk etno ilitoho nit Ninowe Allah unde suon etnowen angge Allah ake embebahon misig wereg-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.

Wahyu 19:12

Ariroho wilil, At ilanggen hondok ambulpul neken yibatuk atisi-o. Ariroho yibatuk wilil, unggula­sum anggo­lo-at wanteg welatisi-o. Eke At ebe ilahoag fam inuk At ake­leg-at ilukon etno holal baleg welatisi-o.

Wahyu 5:9

Ininggikmu senetuk atusareg, di keron misig uruk wilil, “Hat hag holal baleg etno walug, hele homahowon etno yumbuk suk hoag wereg-o. Hat hebe howatuk apagma, aphe inake waratuk senareg fam, o ahik ya da inune inakeleg sik urukon inim, inungguluag dombog yi aphe di aphe obog inim At Allah og umon in­onggo baliog ulug amburuk senag-o.