Ibrani 2:4 - Allah Wene Hurumbik Keron

⁴ Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.

Ibrani 2:4 ပူးပေါင်းရင်းမြစ်များ

Markus 16:20

Eke it At omini epmano o ahik ya da epmano wene yig isil nuruk wilil, At Ninowe inuk suon etno inim sukfuganggeroho sil nuruk apag. Iren wene yig iseheg, Aren sukfuganggeroho seheg sil nuruk apag etno fam, it aphe epmanowen wene du demat-o ulug uruk apag. Amin.

Markus 6:14

Fano inabil lebareg fam, At Yesus inuk etno o ahik ya da su atuk apagma, at inowe inuk suon Herodes etno inim-at esanggo holfag. Esanggo holtuk apareg, it ninen uruk wilil, “At ap sukfuganggeroho suruk ari, at Yohanes aphe ikma belap inaptukon etno aphe warehon wereg ambehen iluk atlug minatisireg, ariroho suruk haruk ahe-o,” ulug uruk apag.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Yohanes 4:48

Yig ituk apagma, At Yesusen yig ituk wilil, “Hit obohen An elalintoho sukfugangge suruk ahion epmano hinilanggen neahup fug halug, demat ulug ebebuhup fug-o,” ulug yig epag.

Kisah Para Rasul 14:3

Inindi kahaltuk apagma, it mondep isebahon epmano o epma ininggik anggolo inim wilil, At Yesus wene etno inakol elegsoho yig isebag. Yig isaruk iseheg, At Yesus etnowen iren urukon demat inahla bukag ulug inoag weregsoho imbisaruk apagma, elalintoho sukfugangge suruk apag.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 5:32

Eke nit At Roh Kudus etno ninimen wene etno yig hisaruk ahe ari, At Allahen At une warukon epmano Roh Kudus og nisarukmu yig hisaruk ahe-o,” ulug yig isaruk apag.

Efesus 1:5

Eke At Allah indi hunduhuken heako ninombisahabareg, At Yesus Kristus inuk fam At udaki inim welamon heako ninombisahiog ulug fuloko ninombisahabag-o. Ariroho fuloko ninombisahabag ari, At ahien haruk wilil, At akeleg-at ahla buruk apareg, fuloko ninombisahabag-o.

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

Efesus 4:7

Eke At Kristusen indi ebetukon etno ilitoho og nisaruk wilil, nit obog ninakeleg sik nineyabuk misig misig-at og nisarisi-o.

Ibrani 6:4

Eke it aphe Allah wene iniluk heheg, mondog sohorep isarukon ari, fobik inim ioba yatuk wilil, nit dag sehe ulug bukalukon etno hai aruhu-o. It aphe ariroho surukon epmano, bilin At Allahen o seleg etno og isarukmu, boholmen og isarukon etno inahientoho waruk isalug, At Roh Kudus etno inindimu kuruk atisi-o.