Ibrani 2:3 - Allah Wene Hurumbik Keron

³ Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 2:3 ပူးပေါင်းရင်းမြစ်များ

Matius 23:33

ulug yig isaruk apareg, eke fobik yig isaruk wilil, ‘Hit hinebe walo neken wilil, walo udaki neken welahebon du wai. Hiren nit o dagma ninombisahuk nowen ulug keroho ninili holalug wilip amuhuk buruk ahep-o?

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Markus 1:14

Eke fobik at Yohanes etno hele waroko kolapfuruk apagma, At Yesus etno o Galilea wapag. Waharuk apareg, Allah wene fanowon etno yig isil nuruk wilil, “Ariroho suhuk ulug hurumbik ebahon etno arat fanggog ehek-o.

Lukas 1:2

Yig isil nurukmu, it ninen holal umburusa-o nomin.

Lukas 1:69

Eke At anggimbu Daud etamu misig etno heako umburuk atisireg, oag weregsoho wilil, nit ninili waruk amag ulug minduhupfirisi-o.

Lukas 24:19

eke At Yesus etnowen yig isaruk wilil, “Keroho surusama ehen-o?” ulug yig isaruk apagma, eke at etnowen yig ituk wilil, “At Yesus Nazaret ap watuson etno farim uruk ahe-o. Eke At ebe etno nabi ap Allah wene yig nisarukon wilil, At Allah il fam inim, eke it aphe inil fam inim sukfugangge suruk wilil, yanggul nisarisi-o.

Yohanes 15:27

Ariroho yig hisaruk aruhu etno hag, hit An ninim bilin welatukukon etnowen inim-at An nawene etno yig isil lahup-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

Roma 11:14

Eke ariroho suruk wilil, it ap an nungguluahon epmano nit hag ninili wawim sirisi-o, ulug inahla bukag ulug suruk ari fam it nin inili wiog ulug suruk ahi-o.

Roma 2:3

it dag suruk-o, ulug inaren baltuk ahen oke, hat ariroho suruk ahenon epmano At Allahen dag seko hombahaku fug ulug buruk ahen ano?

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

1 Tesalonika 5:3

Eke it aphe epmanowen, ninindi aplohok seheg eleg fano welahe-o, ulug awan uruk iseheg hwe udag ahumlarehon yoho endepmin ulug apeleg yuhun-at sil nurukmu, oloken hinel watuk etno hag, at etno hetnogsoho waharuk wilil, it aphe epmano elegsoho imbisil waruhu-o. Ariroho suruk halug, eke it hite wilip am ari hai aruhu-o.

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

Titus 2:11

At Allah indi hunduhuken og nisebahon etno it yi aphe di aphe inili wawag ulug selegma apag-o.

Ibrani 1:1

Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

Ibrani 1:14

Ari halug, it malaikat etno sa ilitoho wereg buruk ahep-o? It inebe ari, aphe inahut neken wilil, At Allah inuk yig isarukon At anggimbu-at wereg-o. Eke it aphe inili holahubon etno inaso welamag ulug At Allahen-at lahap isaruk-o. Ariroho lahap isaruk halug, it ineyabuk ari-at wereg-o.

Ibrani 1:2

eke kidia At Amloho etnowen wene etno yig nisaruk atisi-o. Ariroho yig nisaruk atisi ari, At Allahen Amloho yi angge di angge unde welamag ulug minduhupfebahon etno, At Allahen at inuk fam o ahik ya da wal hebag-o.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 4:1

Ari halug, At Allah ninim kelsaruk ambeg ninim kuhuk ulug ebahon etno nit-at hurumbik yig nisaruk-o. Eke hiren ap niron misig kirisi fug ehe ha nowen ulug hinakoltoho welamuk-o.

Ibrani 4:11

Ari halug, nit ariroho At Allah ninim kelsaruk amuhuken ulug, fanoroho suruk amuk-o. Eke it epmano inesanggo fanoroho holuk sohorep isalug, kebag fug etno hag, nit ariroho kuk sohorep isehe ha nowen-o.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

1 Yohanes 1:1

Wene ninilukep nisaharukon etno yanggul hisiog ulug holal du balhisihi-o. Wene ari, o amuken welapahon etno eke kidia ninesanggo holtuk wilil, ninilanggen haruk ahe-o, eke At wene urukon ari ninilanggen harukuk-o, eke At ebe fag harukuk-o.

Yudas 1:17

Nomini-o, eke misig du yig hisamin-o. At Ninowe Yesus Kristus etnowen omini mondep isebahon epmanowen hurumbik ebahon etno hinindi ebetuk amiek-o.

Wahyu 7:10

Seneg wilil, di misig urusa-o, di etno uruk wilil, “At Ninikni Allah etno inim, eke At Wam Domba Udag etno inimen ninili webag-o,” ulug di etno urusa-o.