Ibrani 2:17 - Allah Wene Hurumbik Keron

¹⁷ Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 2:17 ပူးပေါင်းရင်းမြစ်များ

Roma 15:17

Eke ari fam, an At Kristus Yesus ninim wilil, Allah yabuk suruk atikik etno fam suontep naharuk-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Efesus 2:16

Eke At Kristus etno e fam lenggaloko embebagma warapag etno fam it apheyen nambit hambit uruk amon etno elegsoho embebag-o. Eke e salib etno fam it inungguluag birenon epmano misig-at welamag ulug At Allah inim dambuksoho imbisebag-o.

Kolose 1:21

Ari hiren bilin yi dag di dag sukon hinahla buruk wilil, suruk atikipseg fam, huso neken At Allah hinim healeg welatikip-o. Ariroho welatikibon oke, eke kidia At Allah Amloho warapag etno fam, hinebe At Allah udaki atikip-o.

Ibrani 10:21

Eke At Allah unde suon misig At ibam aso werehon etno nit Ninowe-at wereg-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

Ibrani 2:16

Ariroho imbisebag ari, At Yesusen it malaikat etno inilioko imbisiog ulug wapag fug-o, ulug selegma-at yig nisaruk-o. Nin eke misig ari yig nisaruk wilil, “At Abraham udaki etamuki anggolo endag inapahon epmano-at inilioko imbisiog ulug waharuk-o,” ulug yig nisaruk-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

Ibrani 3:2

Eke at Musa etno o Allah ibam wilil, nintul nantul yabuk fanoroho suruk apag etno hag, At Allah Amloho Yesus yabuk du suruk amag ulug fuloko embebahon etnowen arug fanoroho suruk apag-o.

Ibrani 3:5

Eke at Musa etno o Allah ibam wilil, yabuk fanoroho suruk apahon oke, at ebe Allah anggimbu wilil, yi wene di wene Allahen fobik uhu-o, ulug hurumbik-at yig isebag-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.

Ibrani 5:1

Eke it ap nin Allah unde wilil, nit farim Allah yabuk suruk amag ulug, inomini inanggelegmen heako minduhup isaruk-o.

Ibrani 5:10

Inggikmu umburuk apareg, At Allahen yig ituk wilil, “Hat at Melkisedek Allah unde inowe suon wilil, akeleg neken-at welapag etno hag, Hat Allah unde Inowe suon hakeleg neken-at welaruhun-o,” ulug yig ituk apareg, minduhupfebag.

Ibrani 5:2

Minduhup isarukmu, it apheyen dag surukon epmano eleg amag ulug iren Allah ake umburuk-o. Eke it inebe inindi oag eleg neken-at wereg-o.

Ibrani 5:5

Ari ilitoho At Kristus etno onggarehen At Allah unde ninuk suon welaruhuken ulug imig sebag fug-o. Ariroho imig seheg eleg weregma, At Allahen yig ituk wilil, “Hat An Namloho-at welahen-o. Hat hebe etno kidia-at endag habihi-o,” ulug yig ituk apareg,

Ibrani 6:20

At Yesus etno Ninowe Allah unde suon wilil, o At Allah wereg ambeg boholma laharuk apareg, nit ninake suruk-o. Eke bilin at Melkisedek Allah unde akeleg neken-at welapag etno hag, At Yesus Ninowe Allah unde suon akeleg neken-at nintul nantul welaruhu-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

Ibrani 7:28

Eke at Musaen wene duroho suruk amuk eke duroho suruk am fug ulug ebahon etno fam, it ap nin inindi dahon-at oke, Allah unde suon welamag ulug minduhup isebag-o. Ariroho minduhup isebahon oke, at Musaen wene duroho suruk amuk eke duroho suruk am fug ulug ebahon etno bilin ebareg fam, fobik At Allahen Amloho yig ituk wilil, “Hat An ninuk fam demat minduhup hahaki-o,” ulug yig ituk apagma, At etno itog mondog indi fanowon-at wereg-o, ulug yig isebag.

Ibrani 8:1

Eke wene uruk aheon etno alem du at-o: Nit Ninowe Allah unde suon misig etno At Allah suon alon werehon etno horieg wereg ambeg inggik bikit fil horieg wereg-o.

Ibrani 8:3

Eke it ap Allah unde suon epmano hag, iren yi angge di angge Allah ake embeheg, eke wam waroko At Allah ake ulug hondok yaleheg suruk amag ulug minduhup isaruk-o. Ariroho suruk etno ilitoho nit Ninowe Allah unde suon etnowen angge Allah ake embebahon misig wereg-o.

Ibrani 9:11

Ariroho yig nisebahon oke, fobik At Kristus ebe etno Allah unde suon akeleg neken-at wapag-o. At ebe wapag ari, fobik yi angge di angge fanowon og nisahuon etno unde wilil wapag-o. Waharuk apareg, o aren yabuk suruk ambeg epmano suon fanowon-at wereg-o. Ariroho wereg ari, aben falehon neken wereg eleg-o, eke ebe yi angge di angge duma wal hebahon epmano ilitoho wereg eleg-o.