Ibrani 2:16 - Allah Wene Hurumbik Keron

¹⁶ Ariroho imbisebag ari, At Yesusen it malaikat etno inilioko imbisiog ulug wapag fug-o, ulug selegma-at yig nisaruk-o. Nin eke misig ari yig nisaruk wilil, “At Abraham udaki etamuki anggolo endag inapahon epmano-at inilioko imbisiog ulug waharuk-o,” ulug yig nisaruk-o.

Ibrani 2:16 ပူးပေါင်းရင်းမြစ်များ

Roma 2:25

Eke hat hiyunggul ambilik balehon du, wene duroho suruk amuk eke duroho suruk am fug ulug ebahon etno ilitoho suruk healug, fano at-o. Eke ilitoho suruk eleg healug, hat hiyunggul ambilik baleg ari werlek-at baleg welahen-o.

Galatia 3:16

Eke amuk At Allahen Abraham etno yig ituk wilil, “Hat hetamu hinim ariroho hinombisahaku-o” ulug hurumbik yig epag etno, etamuki anggolo farim yig epag fug-o. We hetamu ebag ari, at misig Kristus etno farim ebag-o.

Galatia 3:29

Eke hit hinebe At Kristusen angge welahep halug, at Abraham etamuki neken welahep-o. Eke hit at Abraham etamuki neken welahep halug, At Allahen og hisahuk ulug abug yig epahon etno hit-at og hisahu-o.

Ibrani 12:10

Eke nit ninebe udag doron wereg niseheg it niniknisi kweanmon epmanowen yuhun-at inahla buruk wilil yikangge ninusuruson oke, At Allahen ninesanggo war ninaptuk ari, ninobabut fano atlug At ebe fano mondog wereg etno hag ninebe fano welamag ulug-at ninesanggo war ninaptuk-o.

Ibrani 2:15

it aphe waramon etno nintul nantul iniluk wilil inakolen suruk etno fam at iblis anggimbu welapahon etno it inilioko imbisebag-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 6:16

Eke at ap misihen at omin misig demat og hiruhuk ulug abug yig ituk wilil, at owe suon misig inuk fam demat abug yig ituk-o. At owe suon misig inuk fam abug yig ituk halug, at omin etnowen demat og niruhu ulug ahla buruk-o.

1 Petrus 1:20

At Kristus etno hit hinake-at oag deloko umburuk apareg, fobik kweanma belabik wapag.