Ibrani 13:9 - Allah Wene Hurumbik Keron

⁹ Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

Ibrani 13:9 ပူးပေါင်းရင်းမြစ်များ

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 24:4

Yig ituk apagma, At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen hinongga­rehen fanoroho hinindi aso welamuk-o.

Lukas 5:38

Eke wam ahap keron deneg etno fam e anggen ambusu keron etno honangguk fano-o.

Kisah Para Rasul 20:30

Inindi kahalik wamuhupmu, it ap nin hiron-at waharuk amuhupseg, it Allah udaki epmano inindi kahalukag ulug inenggal wene yig hisa wamuhup-o.

Kisah Para Rasul 20:32

Eke kidia anden At Allah hinabua hisarukon etnowen hinaso welamag ulug At apma hinombisaharuk ahi-o. Ariroho hinombisaharukmu, eke Aren hinindi oag werehep hisaharuk wilil, At udaki ahien isaruk etno hag, hit ariroho-at ahien hisahu-o.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 14:2

Eke at misig indi fanoroho ebetukon halug, yi angge di angge obog naruk oke, at indi oag elehon etno yi angge di angge we engga-at naruk-o.

Roma 14:6

Eke at ap misig o du fam yi angge di angge suk usa-o, ulug ahla buruk wilil, At Ninowe inuk suontepfiog ulug suruk-o, eke at ap yi angge di angge obog-at narukon etno hag naruk angge epmano fam Allah wa ulug yig ituk halug, At Allah inuk-at suontepfiog ulug suruk-o. Eke at ap yi angge di angge obog yuhun-at naruk elehon etno At Ninowe etno inuk suontepfiog ulug wilil, Allah wa ulug yig ituk-o.

1 Korintus 6:13

Eke ninaharom ari nit ninahum fam welamon ulug wereg-o. Eke ninahum ari ninaharom yonggatukon-at wereg-o. Ariroho wereg oke, eke fobik At Allahen ninaharom inim, ninahum inim ebe elehapsuhu-o. Eke ninebe etno hwe ap uhweon surukon ulug wereg eleg-o. Eke nit ninebe an At Ninowe inuk suon etno apma neken-at welahe-o. Eke Ninowe inuk suon ari nit ninebe ninake-at wereg-o.

1 Korintus 8:8

Eke nit naruk aheon epmano fam Allah ninim dambultuk ahe fug-o. Eke yi angge di angge nao sohorep isahuk epmano fam ninaharek eleg aruhu fug-o. Eke nahuk etno fam ninaharek anggolo aruhu fug-o.

2 Korintus 1:21

Eke nit ariroho uruk aheon epmano At Kristus ninim ninoag weregsoho ninombisaharuk ari, At Allahen-at-o. Ari halug, At Allahen-at fuloko ninombisaharisireg fam Aren silo neken ninombisaharisi-o.

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.

Efesus 4:14

Eke udag doron neken welaheon epmano ari o filfilen ik lek hondo suruk etno hag, it ap inenggal urukon epmanowen wene yamintal neken yig nisarukmu, nit ariroho ninindi lek hondo suruk nisalug, niren dahan fahan ninindi ebebukag ulug yamintal-at yig nisaruk-o. Eke iren yamintal-at yig nisarukmu, udag doron neken ninesanggo holtuk aheon etno sohorep isahuk-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

Kolose 2:4

Ari halug, ap urunangge neken sil nurukon misihen wene fanowon du at-o ulug hinindi kahalik wam nowen ulug an wene du yig hisaruk ahi-o.

2 Tesalonika 2:2

Eke At Ninowe etno arat waharisi-o, ulug ariroho hinindi dahan fahan ebebuk nowen ulug yig hisihi-o. Eke At Ninowe arat waharisi-o, ulug ap misihen aren-at irisi ano, eke Allah wene neken yig hisarisi ano, eke at Paulusen ariroho holal imbirisi ulug yig hisarisi ano? Eke at ap misihen enggal-at wene yig hisaruk ahi ulug hinindi kahaluk nowen ulug yig hisihi-o.

1 Timotius 6:20

Timotius wai, yi wene di wene hat unde welamag ulug yig hitikikon epmano fanoroho hat seneg welaruhun-o. Eke it aben inune suon uruk wilil, inenggal urukon etno inim, eke it Allah wene inapeleg wilil nit wene keron etno niniluk at-o, ulug yamintal neken urukon etno inim, obog-at sohorep isin-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

Yudas 1:12

It ap epmano inenggali halug eleg hit hinim wilil esoho naruk-o. Epma hinim wilil, nit fano-at welahe-o, ulug inahla buruk-o. Ari it ap epmano orom buron hik isarukon etno ilitoho wereg-o; eke helak me ase aben di surukon etno ilitoho wereg-o.

Yudas 1:3

Nomini-o, alem At Allahen hit hinili warukon etno holal baloko og hisaminen ulug bihireg fam, fobik it inenggal urukon epmano hit hinune yig isahuben ulug holal baloko og hisaminen ulug nahla bihi-o. Wene At Allahen udaki yig isebahon etno waruk wilil welamuhuben ulug yig hisaminen ulug nahla bihi-o.