Ibrani 13:8 - Allah Wene Hurumbik Keron

⁸ Eke At Yesus Kristus etno bilin welapareg oke, kidia wereg at-o, eke fobik itog mondog-at welaruhu-o.

Ibrani 13:8 ပူးပေါင်းရင်းမြစ်များ

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

2 Korintus 1:20

Eke At Allahen ariroho suhuk ulug hurumbik ebahon etno At Yesus inuk fam demat ulug yig nisaruk-o. Eke demat ulug yig nisaruk ari fam niren At Allah inuk suontepfuog ulug, demat ulug uruk ahe-o.

Ibrani 1:12

Ari sum hetoho umburuk etno hag, haren wal haruk senahon etno mondog fanoroho heteg neken umbuhun-o. Eke kidia sum misig loloko umbulug, misig wanteheg suruk etno hag, haren yi angge di angge wal haruk senahon epmano obog-at olohore nintoho seg aruhuon oke, Hat hag hitog mondog welahen-o. Ariroho wilil, fobik hanggog aruhun fug-o,” ulug yig epag.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.

Yudas 1:25

At Allah ninili warukon etno, At Ninowe Yesus Kristus inim ininuk suontepfuhuk-o. It etno suon-at weregma, inoag weregsoho wilil, inalon werehon-at initog mondog welamuhup-o. Demat yig hisihi-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 1:8

Eke At Ninikni suon Allah etnowen uruk wilil, ‘An nebe alem neken enggabuk neken an-at welahi-o,’ ulug yig nisaruk ari, At bilin welapahon etno inim, kidia werehon etno inim, fobik welaruhuon etno inim At ebe misig-at wilil yig nisaruk-o,” ulug at Yohanes etnowen holal embebag.