Ibrani 13:5 - Allah Wene Hurumbik Keron

⁵ Eke hiren hinaharek erlog wereg heheg, uang nin obam umbukon ulug nindi nindi il nuruk am fug-o. Eke At Allahen yig hisaruk wilil, “Anden sohorep hisaharuk aruhuk fug-o,” ulug ebag etno fam,

Ibrani 13:5 ပူးပေါင်းရင်းမြစ်များ

Matius 6:19

At Yesusen yig isaruk wilil, “Hit yi angge di angge kibo­lal atlug libil atukon epmano inim, ap heraharukon epmano kik watlug inalomnangge warukon inim kweanma anggoloroho balu suk fug-o.

Matius 6:25

Eke ari fam, hiniluk wilil, orom ik kerohon nik-o, ulug seneni ebebuk fug-o. Eke hinebema sum kerohon wansik ulug seneni ebebuk fug-o. Hiniluk wilil halug, naruk angge etno apma-at welahep-o. Eke hinebe anduhunmu neken wilil, hinasum apma-at welamag-o.

Matius 6:34

Eke o sono keroho sik ulug seneni ebebuk fug-o. O sono hiren seneni ebebukon ari sono-at ebebuhup-o. O hari nintul nantul seneni ebetukon ari akeleg sik-at wereg-o,” ulug yig isebag.

Markus 7:22

eke ap inaharek nindi nindi il nurukon etno inim, eke dag surukon etno inim, eke inambolma dahaltukon etno inim, eke dag ban sil nurukon etno inim, eke inindi dahon etno inim, eke inenggal-at inobam denggeltukon etno inim, eke an suon ulug il nurukon etno inim, eke nenek neken sil nurukon etno inim,

Lukas 3:14

Yig isaruk apagma, it ap osi sehen senehon ninen yig ituk wilil, “Eke nit hag, keroho suk-o?” ulug yig ituk apagma, aren yig isaruk wilil, “Hiren hinenggal aphe inobam denggeltuk wilil, hinasineroho aphe inahuang diloko wa fug-o. Uang anggen onggo og nisarukon epmano ilitoho og nisehesa ulug hinahla buruk amiek-o,” ulug yig isebag.

Lukas 8:14

Eke i angge isinggama kililtil lebag etno hag ari it apheyen wene etno inesanggo holtukon oke, fobik inindi yi angge di angge holawon ebetukon etno inim, eke an kweanma dumen keroho fano welaruhuk ulug inindi seneni ebetukon inim, eke inindien yi angge di angge surukon epmano inim, ariroho anggolo ebetil nurukon ari, iren angge anggen yihikon etno wirik atuk eleg-o.

Roma 1:29

Ariroho imbisaruk apagma, dahon inindi kahaltukon etno wilil, yi dag di dag sukon epmano ebereheg, eke inobabut dahon-at welaheg, eke inahlahiroho seheg, eke inindi famen uwa eheg, eke ap wareheg, eke yikangge abeheg, eke inenggal wene eheg, eke inambolma dahaleheg, ariroho suruk-o.

1 Korintus 5:11

Eke ari halug, kidia wene holal du bal hisaruk wilil, “At ap misihen an hinomin welahi ulug yig hisaruk oke, hwe ap uwheon surukon epmano inim, eke obabut dag wilil inggikmu arikon etno inim, eke kwanangge amurli hundutukon etno inim, eke une enggal-at inobam denggeltukon etno inim, eke ambusu nenek surukon etno donggogsoho narukon etno inim, eke komo wene yig isarukon epmano sohorep isalug dil dil angge surukon etno inim, ap ariroho surukon etno hit ninomin ulug hinim welam fug-o. Eke ap arion hinim horie ulug yi angge di angge na fug-o.”

1 Korintus 6:10

Eke it hwe ap uhweon surukon epmano inim, eke kwanangge amurli hundutukon epmano inim, eke it ap ap wanggik surukon epmano inim, eke inalomnangge warukon epmano inim, eke ininggikmu fereleg elehon epmano inim, eke ambusu nenek surukon donggogsoho narukon epmano inim, eke inenggal ap inobam denggeltukon epmano inim, eke komo wene yig isarukon sohorep isalug dil dil angge surukon epmano inim ari, Allah wereg ambeg kukon etno holahup fug-o.

2 Korintus 4:9

Eke it winimug nisarukon ninim healeg welaheon epmano inebe wereg oke, it ninomini sohorep nisaharuk elehon epmano inebe wereg at-o. Eke yikangge waroko yinggip nisaharukon oke, mondog war ninaptuk eleg-o.

Efesus 5:3

Eke hit Allah udaki welahep halug, wanggik surukon etno inim, suk sohorep isawon surukon etno inim, eke yi angge di angge an-at hulik ulug urukon epmano inim, eke hinune mirlog uruk ahebon etno inim, eke aik dahog urukon etno inim, eke nenek neken urukon etno inim, obog-at hit hinanggelegmen suk hai-o.

Efesus 5:5

Eke alem misig du inim yig hisamin-o, it wanggik surukon etno inim, eke it fano suk sohorep isawon surukon etno inim, eke it yi angge di angge an-at hulik ulug uruk wilil, it inaharek ninamonggat ulug suontepfurukon etno inim it obog-at At Kristus Allah inim weregma kuhup fug-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

1 Timotius 3:3

eke ambusu nenek surukon etno naruk elehon halug, eke asine elehon halug, eke indi humbulihon halug, eke indi fanowon halug, eke yikangge aptuk elehon halug, eke yi angge di angge kweanmon nindi ulug heahil sil nuruk elehon halug, it ap aphe inindi aso welamon etno arion-at fuloko imbisawag-o.

2 Petrus 2:14

Eke it epmano hwe dahon inilag warukon etno-at suog ulug heahil nuruk-o. Heahil nuruk wilil, nintul nantul dag suk ulug inahla buruk-o. Inahla buruk wilil, bak yep suruk etno hag, iren aphe inindi elehen epmano dag sukag ulug inindi kahalik waharuk-o. Ariroho suruk wilil, inindi dag mondog-at wereg isalug, fobik At Allahen waramiek yig isahu-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.

Yudas 1:11

It ap epmano at Kain onggalem etno-at laruk-o. Eke alem uang etno fam at Bileam sebag etno hag suruk-o. It ap epmano at Korah uwa ebagma wapag etno hag war inabuhu-o.