Ibrani 13:3 - Allah Wene Hurumbik Keron

³ Ari halug, it aphe hele waroko imbisarusa epmano, nit ninim-at hele wareg neken welahe-o, ulug inabua suruk wilil, inobam hinindi ebetuk amuk-o. Eke misig, it aphe nin dahon inobam umburuson epmano nit ninim neken-at ninobam umburusa ulug, inabua suruk wilil, inobam hinindi ebetuk amuk-o.

Ibrani 13:3 ပူးပေါင်းရင်းမြစ်များ

Matius 25:36

Eke An nasum eleg nealug, hiren wantep naharuk atikip-o. Eke An uk wareg nealug, fanoroho naso welatikip-o. Eke An nebe hele waroko wereg nealug, nabua nearuk wilil, bik nea waharikip-o,’ ulug yig isahuk-o.

Matius 25:43

eke ap huso neken waharuk nealug ninim welamulen yig nereheg, eke nasum eleg nealug wantep nahakeg, eke uk wareg nealug naso welaheg, eke hele wareg nealug nabuen seheg suruk atikip fug-o,’ ulug yig isahuk-o.

Kisah Para Rasul 24:23

Yig ituk atisireg, at Paulus aso werehon etno yig ituk wilil, “At ebe hele warehon etno, selonggolongsoho welamag-o. Eke hiren winimug yig isa fug-o. At ominien yi angge di angge og irik wam ari fano at-o,” ulug at Paulus aso werehon etno yig itisi.

Kisah Para Rasul 27:3

Waharuk atukukseg, kwalema so fam noholug, o Sidon etno waharukuk. Waharuk atukukseg weregma, at Yulius etnowen Paulus obam ahien haruk wilil, hat so famen homini inambeg wilip atlug, iren yi angge di angge og hemagsoho lamihin-o ulug yig ituk atisimu, inambeg laruk atisireg, nit at etno ninim fobik so fam kurukuk.

Roma 12:15

Ari halug, it inahien harukon etno hit hinim-at hinahien haruk amuk-o. Eke it ioba yatukon halug, hit hinim-at ioba yatuk amuk-o. Eke hit hit hinomini hinim hinindi misig-at welamuk-o.

1 Korintus 12:26

Eke inebe atog wataruk halug, atog atog obog-at olok atuk-o. Eke it apheyen atog misig suontepfuruk halug, atog atog obog-at inahien suruk-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Kolose 4:18

Eke an Paulusen heahi war hinaptuk ahi-o, ulug holal ari an ninggiken-at balihi-o. Eke an hele wareg welahion etno hinapeleg am fug-o. Eke At Allahen hinabua hisawag ulug yig hisihi-o.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.

Ibrani 11:37

eke helep fam war inabeheg eke ininggik hele war inabeheg, eke kege fam inobahare balinabeheg, eke karog fam war inabeheg, eke inebe muko wilip iseheg, eke ariroho war inabuhuk ulug inabug baleheg, eke inobam dag seko imbiseheg, suruk iseheg welapag. Ariroho wilil, inaharek mondog elehen inasum wam kambing domba ahap wanteheg suruk apag.

1 Petrus 3:8

Eke ari halug, nomini-o, hit hinindi misig-at wilil, hinomini hinim hinindi hunduhuk welamiek-o. An hapma-at welahi-o, ulug at misihen eheg, at misihen eheg uruk amiek-o.