Ibrani 13:23 - Allah Wene Hurumbik Keron

²³ Eke at ninomin Timotius o aphe dahon imbisaruk ambeg epmanowen hele hibiloko wilipfurusa ari hit hiniluk amag ulug-at yig hisihi-o. Eke at etno ebe dulum-at waharuk halug, an ninim-at hinambeg bik hisa wamuhuk-o.

Ibrani 13:23 ပူးပေါင်းရင်းမြစ်များ

Roma 15:25

kidia hag it Allah udaki o Yerusalem werehon epmano yi angge di angge og isiog ulug lahuk-o.

Roma 15:28

Eke uang it ininuksoho umburuson etno obog-at og isa lahukseg, hit welahepke arien o Spanyol waruhuk-o.

Kolose 1:1

Nomini, hit o Kolose welahebon du wai. An Paulusen holal du hinombisaharuk ahi-o. Eke At Allah ahla burukmu, an At Yesus Kristus awene yig isarukon-at welahi-o. Eke at nomin Timotius ninimen holal du bal hisaruk ahe-o.

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Timotius 6:12

Eke it aben buahen laruk etno hag, hat Allah wene demat urukon etno mutlug laruk wilil, hat hiluk welamon etno huliog ulug suruk amin-o. Eke hat hiluk welamon etno holawag ulug, bilin At Allahen wol hearisimu, hat aphe anggolo inil fam An Allah wene demat eberoko waruk ahi-o, ulug irikin-o.

2 Timotius 1:8

Ari halug, At Ninowe awene yig isawon etno nenggali ulug uk fug-o. Eke at Paulus Yesus awene yig isarukmu hele watuson etno nenggali ulug uk fug-o. Ariroho uk sohorep isalug, At Allahen hoag werehep haharuk etno fam, wene fano wene etno apma seberoho welamuk-o.

Filemon 1:1

An Paulus At Yesus Kristus awene yig isil larikikseg fam hele war naptuson etno inim, eke at ninomin Timotius etno inimen, hat ninomin Filemon ninim Allah yabuk suruk aheon etno inim, eke it aphe Allah wene warukon hat hambeg nintul nantul sembahyang ik waharukon epmano inim, eke at ninahaloho inuk Apfia etno inim, eke at Arkhipus, wim aptuk etno ilitoho At Yesus Kristus awene yig isil nurukon etno inim,

Filemon 1:22

Eke misig ari, an noho­ruk ambeg nibam baharik misig fikfag hal naptuk amin-o. Eke hiren an nake sembahyang uruk ahep etno At Allahen esanggo holtug an nebe suhuluk hit hinambeg lahap nabik wamag ulug sembahyang uruk ahi-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.