Ibrani 13:2 - Allah Wene Hurumbik Keron

² Eke it ap huso hinibam waharuk isalug, hinim fanoroho welamon etno hinapeleg am fug-o. Eke it ap nin bilin welapahon epmanowen ap huso ninambeg waheson du malaikat ulug inapeleg oke, inim fano welapag-o.

Ibrani 13:2 ပူးပေါင်းရင်းမြစ်များ

Matius 25:35

Eke An nebe bilin orom obok wereg nealug, hiren menag nituk atikip-o. Eke An ik oboken suruk nealug, hiren-at menag nituk atikip-o. Eke An nebe ap huso neken waharuk nealug, hit hinibam ninim welamulen ulug yig nituk atikip-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 25:43

eke ap huso neken waharuk nealug ninim welamulen yig nereheg, eke nasum eleg nealug wantep nahakeg, eke uk wareg nealug naso welaheg, eke hele wareg nealug nabuen seheg suruk atikip fug-o,’ ulug yig isahuk-o.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

Roma 16:23

Eke at Gayus, an nebe inim, eke it Allah udaki obog inim ibam og ninaplug kurukon etnowen inim-at heahi war hinaptuk-o. Eke at Erastus o duma uang unde werehon etno inim, eke at ninomin Kwartus etno inimen heahi war hinaptuk-o.

1 Timotius 3:2

Eke it ap aphe inindi aso welamon ari, aphe inune at obam umburuk elehon halug, eke hwe misig-at ohowon halug, eke onggarehen indi aso wereg halug, eke indi seberoho werehon halug, eke fanoroho surukon halug, eke ap huso waharukim fanoroho inim nohorukon halug, eke aphe fanoroho yanggul inaptukon halug,

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

Titus 1:8

Eke ap etno indi arik elehon inim, eke asine elehon inim, eke ambusu nenek surukon etno donggogsoho naruk elehon etno inim, eke yi angge di angge yu­hun-at hulik ulug ahla buruk elehon etno inim, eke ap huso waharukmu fikfag inabua surukon etno inim, eke fano sukon nindi ulug ahla buru­kon etno inim, eke indi humbulihon etno inim, eke obabut fano­won etno inim,

1 Petrus 4:9

Eke it hinomini hinambeg waharuk isalug, ninim orom nalug nohulen-o ulug hinindi hinahientoho wilil hinim welamuk-o.

3 Yohanes 1:5

Nomin-o, it Allah udaki epmano hambeg waharukmu, yalmako og inaptuk atikin ari fano-at suruk atikin-o. It ap huso-at ma, yalmag isaruk atikin-o.