Ibrani 13:16 - Allah Wene Hurumbik Keron

¹⁶ Eke hiren fanoroho suruk amon etno hinapeleg am sohorep isalug, hit hit nabua habua suruk amuk-o. Ariroho suruk wilil, At Allah ake umburuk etno hag suruk hisalug, ahien hisahu-o.

Ibrani 13:16 ပူးပေါင်းရင်းမြစ်များ

Lukas 18:22

Ulug yig ituk apagma, At Yesus etno esanggo holtuk apareg, yig ituk wilil, “Hat wene misig du-at waruk ahen fug hiyihi-o. Wene ebe waruk ahen fuhon ari, hat yi angge di angge anggolo werehon epmano nin uang anggen onggo baloko, it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 9:36

Waruk apareg weregma, eke fobik o Yope epma at hwe Tabita eke it Yunani inune fam Dorkas, ari Wam rusa etno inuk fene soalfahon etnowen yi angge di angge obog fano seheg, inaharek elehon sumbut iseheg, suruk apareg, fobik uk hundoko warapag.

Roma 12:13

Eke it hinomini nin Allah udakion epmano inaharek eleg halug, yi angge di angge fikfag og isaruk amuk-o. Eke ap huso yatmen waharuk isalug fanoroho-at ninim nohulen ulug yig isimuk-o.

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

Galatia 6:6

Eke ap misig at ap misihen Allah wene yanggul itukon halug, at aharek yi angge di angge epmano ap yanggul itukon etno og ituk amag-o.

Efesus 4:28

Eke at ap alomnangge heraharuk atision etno herahuk sohorep isalug, eyabuk holaruk am ari fano-o. Eyabuk holalug, inggik fam yabuk suruk wilil, at aharek wereg aruhumu, it inaharek elehon epmano menag isawon wereg aruhu-o.

Filipi 4:14

Ariroho suruk ahion oke, kidia an yi angge di angge epmano elegma, hiren yalmag naptikip ari fano-at sirikip-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

1 Tesalonika 5:15

Eke at ap misig dag suruk halug, onggo dahon-at obam embeheg suruk am fug-o. Eke it hinomini inim, it aphe obog inim, nintul nantul fano inabuog ulug suruk amuk-o.

2 Tesalonika 3:13

Eke hit hag, yi angge di angge epmano fanoroho suruk ahep etno hag, hinambit heheg eleg ilitoho-at suruk amuk-o.

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

Filemon 1:6

Eke hit obog Allah wene waruk ahebon epmano ninim ninindi misig-at wilil dambuksoho welamuhuken ulug, At Kristus ninim wilil Aren yi angge di angge fanowon epmano og nisarukmu nit obohen fanoroho At obam ebebuhuken ulug sembahy­ang uruk ahi-o.

Ibrani 6:10

Eke At Allahen dahan fahan suruk eleg-o. Ari halug, hit yabuk fanowon suruk atikibon etno inim, eke At Allah hinindi hunduhuk wilil hinomini At Kristus awene warukon epmano inabuen yi angge di angge nintul nantul og isaruk atikibon epmano inim obog-at apeleg aruhu fug-o.

3 Yohanes 1:11

Nomin-o, it dag sil nurukon epmano inahengga senebuk fug-o. Fano sil nurukon epmano halug, inahengga seneriuk-o. Fanoroho surukon halug At Allahen angge-at wereg-o. Dag surukon halug, At Allah apeleg-at wereg-o.