Ibrani 13:13 - Allah Wene Hurumbik Keron

¹³ Eke At ebe etno lehet selema fil wereg ari fam, nit ninebe epmano At ambeg wilip atlug ninim ninenggali haruk amuk-o.

Ibrani 13:13 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Matius 27:32

Walug larukmu, ap ibam Kireneon misig inuk Simon etno inim salkal uruk apareg, yig ituk wilil, “Hat e du wimin-o,” ulug inune fanggogsoho yig ituk apareg,

Matius 5:11

Eke hiren An ninuk yig isarukmu iren mug hinaplug laruk wilil, hinenggali war hinabeheg, eke hinobam denggeleheg, eke hinabug baleheg suruk isalug, wa.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Lukas 9:23

Yig isaruk apareg, eke fobik it obog yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno nintul nantul hinomalo fam holalug, An ninim-at sil nuruk amuhuk-o.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

2 Korintus 12:10

Eke ari halug, anden At Kristus inuk fam yi seheg di seheg suruk nealug, noag elehepfeheg, eke inune dahon nobam embeheg, eke yi angge di angge obok welamag ulug elegsoho nombahakeg, eke nebe muko wilip nahakeg, eke yi angge di angge dahon nobam nombahakeg suruk isalug, nahientoho-at welahi-o. Eke an nebe noag eleg nealug, noag werehep naharuk-o.

Ibrani 11:26

Ariroho ahla buruk wilil, an At Kristus ahurumbik etno waruk nealug, inune dahon nobam umbuk ari fano oke, eke it Mesir ap epmano inaharek obog holao ari hai-o, ulug ahla buruk wilil, fobik At Allahen og umon etno aso welapag-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 12:3

Eke At Yesus etno it ap dahonen inambit haruk wilil, inune dahon obam embebahon epmano hinindi ebetuk amuk-o. Ariroho ebetuk wilil, hinindi oag weregsoho welamuhuben hinahlahiroho-at welamuk-o.

Ibrani 12:4

Eke hit hinebe etno bilin alem dag surukon epmano hinim wim aptuk wilil, mondog ninusukag ulug hinahla buruk wilil suruk atikip fug-o.

1 Petrus 4:4

It Allah wene waruk elehon epmanowen ari keroho suruk ahep-o, ulug yig hisaruk wilil, hinobam denggeltuk-o.