Ibrani 12:3 - Allah Wene Hurumbik Keron

³ Eke At Yesus etno it ap dahonen inambit haruk wilil, inune dahon obam embebahon epmano hinindi ebetuk amuk-o. Ariroho ebetuk wilil, hinindi oag weregsoho welamuhuben hinahlahiroho-at welamuk-o.

Ibrani 12:3 ပူးပေါင်းရင်းမြစ်များ

Galatia 6:9

Eke ari halug, fanoroho sukon etno orog-at suruk am fug-o. Eke nintul nantul fanoroho suruk nisalug, fobik o ari sambit anggen fanowon etno-at bal sahuk-o.

2 Korintus 4:16

Eke ari halug, nit ninoag elegsoho orog-at neken suruk ahe fug-o. Eke ninebe ninahap epmano ninanggog atuk wilil sabal atuk aheon oke, ninindi undamon etno nintul nantul keron-at wereg-o.

Wahyu 2:3

Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.

1 Korintus 15:58

Eke ari halug, nomini hit nindi hunduhukon wai. Hit epma hinindi oag weregsoho-at welamuk-o. Eke At Ninowe inuk suon etno eyabuk suruk wilil, o nintul nantul fanoroho suruk amuk-o. Eke hit yabuk sat anggolo suruk ahep ari, At Ninowe suon etno inuk fam eleg aruhu fug etno hit hiniluk-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

2 Korintus 4:1

Eke At Allahen At eyabuk suruk amag ulug minduhup nisaharisireg fam, ninoag elegsoho suruk ahe fug-o.

Yohanes 5:16

Ariroho yig isaruk apagma, it Yahudi ap epmanowen uruk wilil, “At Yesus o hari Sabat fam ap misig fano sehek du ebe muko wilipful-o,” ulug uruk apag.

Ibrani 12:5

Ariroho hinahla buruk atikip fuhon oke, At Allahen hit At udaki epmano hinindi oag weregsoho welamag ulug yig hisebahon etno hinapeleg atikip ano? Eke At Allahen yig hisaruk wilil, “Nudaki-o, Anden winimug hisaruk wilil, hinesanggo holukag ulug yig hisaruk ahion ari, hiren ari hai ulug hinambit nearuk wilil ebebuk fug-o.

Lukas 14:1

Eke fobik At Yesus etno o hari Sabat fam it Farisi ap inowe misig ibamen inim orom nuog ulug waharuk apareg weregma, it apheyen At Yesus etno fikfag wenaharuk apag.

2 Tesalonika 3:13

Eke hit hag, yi angge di angge epmano fanoroho suruk ahep etno hag, hinambit heheg eleg ilitoho-at suruk amuk-o.

Yohanes 18:22

At Yesusen ariroho yig ituk apagma, it ap yaharoho welapahon epmano misig inggik ahulen olohotma fam biso haruk apareg, yig ituk wilil, “Hat at ap Allah unde inowe suon etno hune fanggogsoho yig erehen ari, henggali elehen yig erehen ano?” ulug yig epag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Yohanes 8:59

Ariroho yig isaruk apagma, it etnowen wabuog ulug helep ininggikmu webahon oke, At Yesus ebe onggarehen herag atuk apareg, o Allah ibam epmano sohorep isalug lebag.

Yohanes 8:13

Yig isaruk apagma, eke it Farisi ap etnowen yig ituk wilil, “Kidia Hat hawene etno honggarehen-at yig nisaruk ahen du, ari fam nit ninindi ebebuhuk fug-o,” ulug yig epag.

Yohanes 7:12

Heaharuk iseheg, it yi aphe di aphe obog-at wonggalik wapahon etnowen At abug uruk wilil inune fog fog orog-at uruk apag. Ariroho uruk wilil, it ninen, “Ap ebe obabut fanowon-at hehe-o,” ulug uruk apag, eke it ninen, “Eleg-o, Aren aphe enggal-at yig isaruk-o,” ulug uruk apag.

Lukas 16:14

Yig isaruk apagma, it Farisi ap inesanggo holtuk apareg, uang anggen inindi hunduhuk welapag etno fam At Yesus ahunda yapag.

Lukas 15:2

it Farisi ap inim eke it wene yanggul isarukon epmano inimen inune fog fog uruk wilil, “At ap du it ap dag surukon epmano inim heahi war war uruk ahesareg orom inim naruk-o,” ulug uruk apag.

Lukas 5:21

it ap wene holal baleg unde epmano inim, it Farisi ap epmano inimen uruk wilil, “At ap Allah abug baltuk du sa-o? Nit dag suruk atukukon epmano At Allahen-at sohorep isalug ninobam ninapelegsoho apma ninombisaharukon oke, it apheyen inapma ninombisahuk ari fano behep?” ulug inahla bebag.

Lukas 2:34

Fog suruk apagma, at Simeon etno ahien inobam umburuk apareg, at isina Maria etno yig ituk wilil, “It Israel aphe epmano nin bule ambeheg, nin minaheg sukag ulug At Allahen udag du minduhupfirisireg fam, it apheyen herako inahla burukon epmano selegma amag ulug At Allahen udag du belabik waharision oke, it aphe ninen ninambit ulug uruk amuhup-o.

Matius 22:15

Yig isaruk apagma, it Farisi ap epmano sohorep isalug laruk apareg, At Yesus ambeg hinog warukmu wene inenggal-at obam denggeluog ulug wene balfag.

Matius 21:46

ebe hele waroko umbuog ulug sebareg oke, it aphe obohen At Yesus ari nabi ap Allah wene yig nisarukon-at hehe-o, ulug uruk apag etno fam inakol apag.

Matius 21:23

Eke fobik At Yesus etno iog suhuluk o Allah ibam kuruk apareg, wene yanggul isaruk weregma, it Allah unde inowesi epmano inim, it Yahudi ap inowesi epmano inim ambeg waharuk apareg, yig ituk wilil, “Hat yi angge di angge anggolo suruk ahen ari, keroho ulug suruk ahen-o? Eke sen hinggikmu imbirisimu suruk ahen-o?” ulug yig epag.

Matius 15:2

“It ninetamukien wene duroho suruk amuk eke duroho suruk am fug ulug yig nisebahon etno wereg heheg, eke it Hat homini du weheg eleg wilil, orom nuog ulug ininggik sabele fanoroho ho suruk eleg ari, keroho ulug suruk-o?” ulug yig epag.

Matius 12:24

Uruk apagma, it Farisi ap epmano inesanggo holtuk apareg, yig isaruk wilil, “Setan inowe Beelzebul etnowen oag werehon etno og itukmu, setan lisoko wilip inaptuk-o,” ulug yig isebag.

Matius 11:19

Eke An Allahen minduhup naha­rision etno waharikikseg, ik inim, orom inim naruk wilil weregma, hit obohen, ‘Ap du bik himiek-o, At ebe etno it ap uang onggo kino urukon etno inim, eke it dag surukon epmano inim inomin wilil, orom inim, ik anggur inim inahumsoho naruk-o,’ ulug iri­kip-o. Ariroho irikibon oke, At Allahen ahla burukon etno demat suruk halug, ari fam At Allahen demat yig nisaruk-o ulug inahla buhup-o,” ulug yig ise­bag.

Yohanes 9:40

Yig ituk apagma, eke it Farisi ap nin inim welapahon etno inesanggo holtuk apareg, yig ituk wilil, “Nit inim-at hinilanggen bug welahep ulug yig nisehen ano?” ulug yig ituk apagma,

Yohanes 10:20

Ariroho wilil, it ninen, “Ap du setan indimu wilil, nenek neken urukon du keroho ulug At une holtuk ahep-o,” ulug uruk apagma, eke it ninen, “Eleg-o, At setan indimu welatlepmen, wene ariroho elep fug-o.

1 Petrus 2:23

Eke iren dahon obam embebahon oke, Aren dahon hinobam umbuhuk ulug ebag fug-o. Nikni Allahen oag deloko onggo dagma imbisahu-o, ulug ahla bebag.