Ibrani 12:28 - Allah Wene Hurumbik Keron

²⁸ Eke nit hag At Allah apma welamon aplohok suk fuhon etno-at og nisaruk ari fam wa ulug uruk amuk-o. Ariroho uruk amuhuk ari, At Allahen ninabua nisaruk wilil, ahmu nisawag ulug ninindi seberoho wilil, ninakoltoho At Allah obam sembahyang uruk amuk-o.

Ibrani 12:28 ပူးပေါင်းရင်းမြစ်များ

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Lukas 1:33

inowe suon welamag ulug At Allahen minduhupfuruk aruhumu, at Yakub udaki epmano inowe suon mondog welaruhu-o. Ariroho wilil, fobik eleg aruhu fug-o,” ulug yig epag.

Roma 11:20

Eke hit hag hinindi demat ulug ebetuk ahep ari fam inubulukmu welahep-o. Eke ariroho welahep ari fam hiren suontepatao sohorep isalug, hinakoltoho welamuk-o.

Efesus 1:6

Eke At Allahen ninabua nisaruk wilil, At Amloho indi hunduhukon etno onggo eleg yuhun-at og nisebareg fam, At Allah wa ulug uruk wilil, inuk suontepfuruk amuk-o.

Efesus 5:10

Eke hit At Allah ahien hawon etno-at suog ulug hinahla buruk amuk-o.

Filipi 4:18

Eke hiren nombaharikibon etno arat og nitisimu, kidia yi angge di angge obog-at wereg-o. Eke hiren yi angge di angge nombaharikibon epmano at Epafroditus etnowen og nirik waharisireg fam, kidia an naharek obog-at wereg-o. Eke hiren an nombaharikibon epmano ambusu amben fanowon neken At Allah ake ulug umburuk atikipseg fam, At Allah ahien hisahu-o.

Ibrani 10:19

Nomini-o, At Yesus etno nit ninake warapareg fam, nit o misig inuk Mondog Usabaharik welapag etno hag werehon etno fam kukag ulug ninasok hut nisebag-o.

Ibrani 13:15

Eke At Yesus etnowen nit ninake suruk apag etno fam, niren At Allah ake di At inuk suontepfukon etno-at uruk amuk-o. Ariroho uruk wilil, ninuneyen nintul nantul At obam wa eheg, inuk suontepfeheg suruk amuk-o.

Ibrani 13:21

Eke hiren At Allah ahla burukon etno ilitoho suruk amuhuben, At Allah aphe obog dambuk inaptukon etnowen yi angge di angge fanowon epmano og hisawag ulug yig hisehe-o. Eke nit ninebe At Yesus Kristus ninim hunduhuk wereg nisalug, At ahla buluhen-at ninindi yabuk suruk aruhureg, ari fam ahien hawag ulug ehe-o. Ari ehe ari, nintul nantul At Kristus inuk-at suontepfuruk amuk-o, ulug demat yig hisehe-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Ibrani 4:16

Ari halug, nit ninoag weregsoho welamuk-o. Ariroho wilil, At Allahen ninabua nisaruk ambeg epma-at laruk amuk-o. Ariroho laruk nisalug, fanoroho yalmag ninabukag ulug ahmu nisawon etno inim, eke ninabua nisawon etno inim obog-at heag sahuk-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

1 Petrus 1:17

Eke hit At Allah obam sembahyang uruk wilil, Ninikni-o ulug yig ituk ahep-o. Ariroho yig ituk ahep ari, At Allahen aphe obog ninaren baltuk weregma, At apma wilil o kweanmen hiniluk wilil dia, At Ninikni une-at holtuk amuk-o, ulug hinindi ebetuk amiek-o.

1 Petrus 2:20

Eke ap misig dag suruk halug, yikangge watuk-o. Eke hit fano suruk ahebon yikangge war hinaptuk isalug, At Allah ahien hinobam umbuhu-o.

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.

Wahyu 1:6

Ariroho ninombisaharuk apareg, nit ninebe At Ikni Allah anggimbu wilil, eyabuk suruk amag ulug minduhup nisahabag-o. Ariroho minduhup nisahabareg fam niren nintul nantul At Yesus Kristus oag werehon etno inuk-at suontepfuruk amuhuk-o. Amin.

Wahyu 15:4

Eke Hat akol hearuk elehon misig wereg ano? Eke Hat hinuk suontepfuruk elehon misig wereg ano? Hat hebe suon hoag werehon-at welahen-o. Eke it yi aphe di aphe inungguluag dombohen Hat fanowon suruk ahenon etno inilanggen hearuk atusareg fam, Hat hambeg waharuk amuhupseg, Hat holohotmen hinuk fam sembahyang uhup-o,” ulug di etno urusa-o.

Wahyu 5:10

Ariroho amburuk senareg fam, it hudaki epmano At Allah anggimbu wilil, eyabuk fanowon etno suruk amag ulug minduhup isaruk senag-o. Ariroho minduhup isaruk senareg fam, o kweanma epmen suon neken-at welamuhup-o,” ulug di misig etno urusa-o.