Ibrani 12:25 - Allah Wene Hurumbik Keron

²⁵ Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 12:25 ပူးပေါင်းရင်းမြစ်များ

Matius 17:5

ulug awan yig ituk heheg, hena wikal neken lahaptukon etno sebe inapag.

Matius 8:4

Eleg atuk apagma, At Yesusen yig ituk wilil, “Aphe nin yig isa fug-o. At Allah unde misig etnowen-at heawag ulug lag-o. Eke at Musaen ebag etno ilitoho, it aphe epma inahla bukag ulug, hat fano ahe­non arien At Allah ake imbik lag-o,” ulug yig epag.

Kisah Para Rasul 7:35

Eke fobik it Israel ap epmano inahla buruk wilil yig epag, ‘Hat Musa du sen ninowe welamag ulug minduhup haharisi-o?’ ulug yig ituk apahon oke, At Allahen malaikat etno engga fam hondok ambulpul laharuk ambeg epmano belabik wapagma, at malaikat etnowen Musa yig ituk wilil, ‘At Allahen it Israel ap epmano o Mesiren inili oko wilip isaruk amag ulug minduhup haharisi-o,’ ulug yig epag.

1 Tesalonika 5:15

Eke at ap misig dag suruk halug, onggo dahon-at obam embeheg suruk am fug-o. Eke it hinomini inim, it aphe obog inim, nintul nantul fano inabuog ulug suruk amuk-o.

2 Timotius 4:4

Ariroho suruk amuhup ari fam wene demat urukon etno inesanggo holuk sohorep isalug, we inenggal dindilabug urukon etno-at inesanggo holtuk amuhup-o.

Ibrani 1:1

Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

Ibrani 11:7

Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

Ibrani 12:19

eke binggon suon une etno inim, eke une misig etno inim obog-at hinilanggen haruk eleg wilil, hinesanggo holtuk atikip fug-o. Eke it Israel aphe epmano hag bilin une etno inesanggo holtuk apareg, inakolen fobik inim yig nisa fug-o, ulug uruk apag.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 3:17

Eke At Allah empat puluh tahun wilil winimug yig isebag ari, sandeg winimug yig isebag buruk ahep-o? Ari it aphe dag suruk apareg, o limu epma warapahon etno-at winimug yig isebag-o.

Ibrani 8:5

Eke it ap kweanmon Allah unde epmanowen suruk ari, boholmen suruk heheg, ahut neken-at suruk-o. Ariroho suruk ari, bilin at Musaen sebag etno hag suruk-o. Eke at Musaen sebag etno, o Allah ibam etno faliog ulug suruk heheg, At Allahen yig ituk wilil, “Hat o duroho faliuk ulug bilin o dom fam epmanowen yig hitikikon etno ilitoho-at faliuk-o,” ulug yig epag.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.

Wahyu 22:9

Nut kunuk uruk atikikmu, eke aren yig nituk wilil, “Eleg-o. An hag, hat homini it nabi ap inim, it Allah wene inesanggo holtukon inim, nit obog Allah anggimbu-at wela­he-o. Allah akeleg-at obam sembahyang uruk amuk-o,” ulug yig nitisi-o.