Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ibrani 12:24 - Allah Wene Hurumbik Keron

24 Eke misig, At Yesusen wene hurumbik keron yig nisaruk wilil, At Allah ninim dambuksoho ninombisahabahon etno inim, eke At amep deloko embebahon etno inim wereg ambeg waharikip-o. Ariroho waharikibon oke, at Habel amep etnowen wene dahon-at yig hisaruk heheg, At Yesus amep etnowen hag wene fanowon-at yig hisaruk-o.

အခန်းကိုကြည့်ပါ။ ကော်ပီ




Ibrani 12:24
24 ပူးပေါင်းရင်းမြစ်များ  

Ariroho suruk amuhup ari fam, it yi ap di ap dag suruk eleg iseheg war inapahon epmano inonggo hit-at war hinabuhu-o. Ariroho suhu ari, alem at Habel dag suruk eleg heheg warepfebahon etno famen, atog at Zakharia, Berekhya amloho o Allah ibam honggoleg, eke At Allah ake umburuk ambeg honggolegma bulmuen watikibon etno fam it inonggo hit war hinabuhu-o.


An namep it yi aphe di aphe anggolo epmanowen dag surukon etno inobam inapelegsoho sohorep isalug At Allah inim fanoroho welamag ulug dambuk hinaptuk ariog ulug An namep deloko wilip aruhuon etno ilitoho du at-o.


Naruk apagma, yig isaruk wilil, “It yi aphe di aphe At Allah inim fanoroho welamag ulug dambuk inaptuk ariog ulug An namep deloko wilip aruhuon etno ilitoho du at-o.


Eke bilin at Habel wapahon etno alem neken weregma, eke enggabuk neken at Zakharia etno wam domba Allah ake embeheg, eke wene eheg suruk ambeg bulmuen warepfebahon etno fam it obog inonggo hit kidia welahebon du war hinabuhu-o,” ulug yig isaruk apareg,


Yig isaruk apagma, it epmano nebag. Arat naruk apagma, eke fobik ik honanggo etno ariroho-at og isaruk apareg, yig isaruk wilil, “Eke fobik hit hurumbik keron etno fam At Allah hinim dambuluhuben ulug, An namep hit hinake deloko umbuhuk etno hag, ambusu honanggo du ilitoho og hisaruk ahi-o,” ulug yig isebag.


Eke wene duroho suruk amuk eke duroho suruk am fug ulug ebahon etno it malaikaren at ap hirohowon etno belap irik wapagma, aren it aphe obog og isebag. Eke it ap wene baltukon epmano it femag fil eleg halug, ap hirohowon etno ebe bulmu wereg eleg-o. Eke At Allah etno ebe misig-at wereg-o.


Eke At Allah etno misig-at wereg-o. Eke At Allah nit aphe ninim dambuk ninaptukon etno ap misig inuk Yesus Kristus etno-at wereg-o.


Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.


Eke at etno indi demat ulug ebetuk wilil, esoho Paskah esebukon etno esetuk amuk-o, ulug abug selegmarepfuruk apareg, at aphe war inaptukon malaikat etnowen it Israel aphe inudaki manggia endohowon epmano war inabuk nowen ulug, hinibam o sok eleke wam amep are siuk-o, ulug yig isebag.


Eke at Habel etno indimu demat ulug ebetuk wilil, Allah ake fanowon epmano umburuk apagma, At Allahen Kainen embebahon epmano sohorep isalug, at Habelen embebahon epmano waruk wilil, ap du hag obabut fano wilil embehek-o ulug ahien hebag. Eke at Habel etno ebe amuk warapahon oke, Aren indi demat ulug ebepahon etnowen yig nisaruk-o.


At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.


Eke Anden Hat hitog mondog wilil nintul nantul Allah unde welaruhunen-o,” ulug yig hirihion ari sohorep isalug, fobik akelehon yig hiruhuk fug, ulug Allahen At inuk fam yig epagma, At Yesus wene hurumbik keron fanowon etno unde wereg etno fam, fobik demat suhu ulug ninahla buruk ahe-o.


Wene keron etno ariroho yig hisahuk ulug yig isebareg fam, At Allahen wene hurumbik amukon etno bilinon ulug sohorep isebag-o.


Ariroho yig epahon oke, it ap kweanmon Allah unde epmanowen suruk ari, doron at-o. Eke At Yesus etno Allah unde suon wilil eyabuk akelehon-at suruk amag ulug minduhupfebag-o. Eke hurumbik amukon yig nisebahon ari doron at-o. Eke hurumbik keron etno hag, At Yesusen it aphe At Allah inim dambuksoho imbisebag etno fam, At Allahen yi angge di angge fanowon-at og hisahuk ulug abug yig nisarukon ari suon-at wereg-o.


Yig niselep fuhon oke, At Allahen it At udaki epmano dag suruk isaruk apareg, uruk wilil, “O fobik An it Israel aphe etno inim, eke it inungguluag Yehudaon etno inim wene hurumbik keron etno ninim uruk amuhukseg, keron neken-at dambuluhuk-o.


Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.


Ariroho dambultuk apahon etno at Musaen wene duroho suruk amuk eke duroho suruk am fug ulug ebahon etno fam it aphe obog-at yig isaruk apareg, wam sapi udag amep etno ik inim dambuksoho umbulug, utdet hahon etno fam yuhuloko walug, wene duroho suruk amuk eke duroho suruk am fug ulug ebahon helep fam holal baleg etno obam inim, it aphe inobam inim obog-at deltuk apag.


ulug yig isaruk apareg, at Musa etnowen At Allah ibam sum fam falfahon etno fam inim, eke Allah yabuk surukon yi angge di angge epmano fam inim obog-at wam amep etno deltil lebag.


At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ