Ibrani 12:23 - Allah Wene Hurumbik Keron

²³ Ariroho waharikip ari, At Allah udaki manggia endohowon, boholma ininuk holal baleg werehon epmano inahien haruk wilil wonggalik waharuk ambeg etno-at waharikip-o. Eke misig, At Allah it yi aphe di aphe inoag del inaptukon epmano inim, eke it aphe fanowon inobabut fano inapahon inahurangge epmano inim wereg ambeg epmano-at waharikip-o.

Ibrani 12:23 ပူးပေါင်းရင်းမြစ်များ

Lukas 10:20

Eke it setanen hinune holtukon ari fam hinahien haruk am fug-o. At boholmen hininuk holal imbirision etno fam hinahien haruk amuk-o,” ulug yig isebag.

Yohanes 5:27

Eke An nebe ari Allah Amloho halug, Anden aphe inoag del inabukon etno unde welamag ulug nobam imbirisi-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

1 Korintus 13:12

Eke nit kidia wukahi etno fam ninahut o hikmu neken haruk aheon oke, fobik o ari sambit ebe ninilanggen hahuk-o. Eke kidia hag dorat niniluk atuk aheon oke, fobik o ari sambit At Allahen an nebe kiroho iluk welapag etno hag an kiroho niluk aruhuk-o.

1 Korintus 15:49

Eke nit hag at kweanmon etno ahut holaruk ahe etno hag, fobik At boholmon ahut etno holahuk-o.

1 Korintus 15:54

Eke filik atukon epmano fobik filik atuk elehon etno neken aruhureg, eke waratukon etnowen waratuk elehon etno neken aruhumu, o ari sambit wene Alkitab holal balfahon du ilitoho seg aruhu-o, “At Ninowe inuk suon etno anduhunmu atisireg fam, waratukon etno elehepfirisi-o.

2 Korintus 5:8

Eke ari halug, ninindi oag weregsoho-at wilil, nit ninebe ninibam duma neken welaheon epmano sohorep isalug, At Ninowe ibam epmano ninim welam ninindien suruk aheon oke,

Efesus 1:22

Eke At Allahen yi angge di angge obog At Kristus iog alma umburuk apareg, yi angge di angge inim, eke yi aphe di aphe inim inowe suon welamag ulug At udaki At awene warukon epmano og isebag-o. Eke At Kristus etno ariroho At ungguluag neken weregma, it At awene warukon epmano At ebe neken wereg-o.

Filipi 4:3

Eke hat nomin ninim Allah yabuk suruk atukukon etnowen it hweap biren eta yalmag inabin-o. Eke it hweap epmano inim, eke at Klemens inim, eke it nomini nin ninim Allah yabuk surukukon epmano iniluk welamag ulug At Allahen holal imbirision etno hit obog-at wene fano wene etno yig isil lawag ulug ninim yabuk sat anggolo surukuk-o.

Kolose 1:12

Eke At Ninikni Allahen hit At udaki inim o seleg wereg ambeg epma hinombisaharisireg fam, hinahien haruk wilil, wa ulug yig ituk amuk-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

1 Timotius 3:5

Eke ap misig at udaki inaso welam hai halug, eke Allah udaki epmano keroho inaso welaruhu-o?

Ibrani 11:4

Eke at Habel etno indimu demat ulug ebetuk wilil, Allah ake fanowon epmano umburuk apagma, At Allahen Kainen embebahon epmano sohorep isalug, at Habelen embebahon epmano waruk wilil, ap du hag obabut fano wilil embehek-o ulug ahien hebag. Eke at Habel etno ebe amuk warapahon oke, Aren indi demat ulug ebepahon etnowen yig nisaruk-o.

Ibrani 11:40

Eke At Allahen at misig ahurumbik yig isebahon etno nit kidia welahe du fam lawag ulug ahla bebag-o. Ariroho ahla bebareg fam, it aphe bilin hurumbik yig isebahon epmano atog neken nit-at welahe-o.

Ibrani 2:12

Eke Aren uruk wilil, “Nikni Allah wai. Haren suruk ahenon etno An nomini yig isalug, it obog wonggaleg weregma inil fam Hat hake di uruk aruhuk-o,” ulug uruk apareg,

Ibrani 9:27

Eke nit yi aphe di aphe obog epmano misihim-at waratuk nisalug, At Allahen oag deloko ninombisaharuk-o.

Yakobus 1:18

Eke nit ninebe epmano At udaki manggia neken welamag ulug, Aren ahla bulug yi wene di wene demat surukon epmano yig nisaruk wilil, endag ninaptuk-o.

1 Petrus 2:23

Eke iren dahon obam embebahon oke, Aren dahon hinobam umbuhuk ulug ebag fug-o. Nikni Allahen oag deloko onggo dagma imbisahu-o, ulug ahla bebag.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 14:4

Inebe seratus empat puluh empat epmano inuhwesi holeheg eleg-at ap elege neken welatusa-o. Ariroho wilil, At Wam Domba Udag etno laruk ambeg epmano-at inim mutlug larusa-o. Ariroho laruk atusareg fam it aphe kweanmon inanggelegmen inili oko, inowesi bilinon neken At Allah inim, eke At Wam Domba Udag etno inim og isarusa-o.

Wahyu 20:15

Nin eke niniluk wela­mon holal embebahon etno fam ininuk elehon halug, hondok olokma imbisarukmu harikik-o.

Wahyu 6:11

Og isaruk atusareg, yig isaruk wilil, “Hit war hinapag epmano hag hinomini nin awan war inabukon etno aso wilil, sat kelsaruk amuhup-o,” ulug yig isarusa-o.

Wahyu 6:9

Lahap isaruk atusama, eke At Wam Domba Udag etnowen holal baleg hele homahowon misig yumbuk sirisi-o. Yumbuk suruk atisimu, eke At Allah ake umburuk ambeg apma epmano it aphe Allah wene eberoko waruk wilil demat ulug yig isaruk apagma war inapahon epmano inahut weregma isarikik-o.