Ibrani 12:22 - Allah Wene Hurumbik Keron

²² Eke hit hag dom Sinai alma epmano laruk atikip fuhon oke, dom Sion ari At Allah iluk mondog werehon etno ibam, o Yerusalem boholmon, it malaikat inebe anggolo beribu-ribu wereg ambeg epmano hag horogsoho waharikip-o.

Ibrani 12:22 ပူးပေါင်းရင်းမြစ်များ

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 5:35

Eke kweanma Allah iog umbu­ruk ambeg etno inuk fam uk fug-­o. Eke o Yeru­salem at inowe suon Raja ibam wereg ambeg etno inuk fam ariroho uk fug-­o.

Roma 11:26

Eke alem ari fam Alkitab wene holal baleg etnowen yig nisaruk wilil, “At ninili warukon etno o Sion epmen waharuk aruhureg, it Yakub udakien dag suruk atuson epmano elegsoho umburuk aruhureg, fano inabuhu-o.

Roma 9:26

Eke hinebe Allah udaki welahep fug ulug yig isaruk ambeg epmanowen At Allahen ilukon etno udaki welahep ulug yig isaruk amuhup-o,” ulug at Hosea etno yig epag.

Galatia 4:26

Eke o Yerusalem boholmon etno fanowon suon neken wilil, nit ninisina neken wereg-o.

Efesus 2:19

Eke ari halug, hit Allah wene hinapeleg welatikibon epmano kidia huso neken welahep fug-o. At Allah udaki hinim hinungguluag misig-at welahep-o. Eke At Allah udaki epmano hinim o yuwi misig-at neken welahep-o. Eke it Allah wene hurumbik yig isarukon epmano inim,

Filipi 3:20

Eke it ariroho suruk oke, eke nit hag boholma lahuk ulug welahe-o. Eke At Ninowe Yesus Kristus ninili warukon etno boholmen ambik waruhu ulug aso welahe-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

2 Timotius 4:18

Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

Ibrani 10:31

Ariroho ebareg fam, At Allah iluk werehon etno inggiken war hinabuk ari hinakol haruk amuk-o.

Ibrani 11:10

Eke inibam sum fam falfareg oke, o suon andorli oag weregsoho falegma welamon At Allah akelehen indi kahaloko faluhu ambeg epmano-at welamuhuk-o, ulug ahla buruk wilil, aso welapag.

Ibrani 11:16

Ariroho lelebon oke, it inibam boholmon fanowon etno-at heag suog ulug sebag-o. Ariroho heag suog ulug suruk apagma, At Allahen Hinikni an at-o, ulug yig isaruk wilil, ambit isebag fug-o. Aren it inibam suon etno-at fal inaptuk apag-o.

Ibrani 13:14

Eke o kweanma duma hag nit ninibam mondog neken wereg eleg ari famen, nit o fobik mondog welaruhuon etno-at heahil sil nuruk ahe-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 9:14

Eke At Kristus etno At ahut itog mondog werehon etno fam At ebe Allah ake warariog ulug imig sebag-o. Ari halug, niren usaroho suruk atukukon epmano sohorep isalug, At Allah iluk werehon etno anggimbu wilil At eyabuk-at suruk amag ulug, At Yesus amep fam ninindi horoho ninobabut keron neken ninombisaharuk-o.

Yudas 1:14

It ap epmano inawene at Adam etamu Henokh etnowen uruk wilil, “At Allah omalaikat beribi-ribu epmano inim aphe oag del inabuog ulug og inaplug inim wamuhup-o.

Wahyu 14:1

Eke fobik an nilanggen haruk atikikmu, At Wam Domba Udag etno dom Sion etno fam minduhuk welatisi-o. Epma minduhuk wi­lil, it inebe seratus empat puluh empat ribu epmano At inuk inim, eke At Ikni inuk etno inim inilahoag fam holal baleg werehon epmano inim minduhuk weregma, an nilanggen isarikik-o.

Wahyu 21:10

Ariroho yig nituk atisimu, At Roh Kudus malaikat etnowen og naplug, dom yaron isin fam nombahik laharisi-o. Nombahik laharuk atisireg, o Yerusalem keron etno At Allah boholmen belabik waharukmu yanggul nitisi-o.

Wahyu 21:2

Nilanggen harikikon etno, o Yerusalem suon keron etno At Allah boholmen belabik waharukmu harikik-o. Ari hwe duhum fanowon etno hag, o Yerusalem keron etno belabik waharuk­mu nilanggen harikik-o.

Wahyu 22:19

Eke at misihen hurumbik wene holal du fam wereg heheg, wene misig heraharuk halug, ap etno o suon keron kuruk atlug e ilu­kon anggen na nowen ulug At Allahen buku iniluk welamon etno fam inuk lolepfuhu-o.

Wahyu 3:12

Eke it inoag weregsoho anduhunmu neken welamuhubon halug, At Allah weregma o wut oag neken minduhup isahukmu, wilip amuhup fug-o. Eke At Nikni Allah inuk inim, eke o Yerusalem keron At Allahen boholmen belabik waruhu­on etno inuk inim inilahoag fam holal umbuhuk-o. Eke it ininuk keron soal inabuhukon etno inim-at inilahoag fam holal umbu­huk-o.

Wahyu 7:2

Seneg weregma, at malaikat misi­hen it aphe du At Allah iluk werehon etno udaki at-o, ulug fuloko imbisiog ulug waharuk atisireg, eke it malaikat inebe empat o kweanma inim, ikma inim, dahapsukag ulug At Allahen minduhup isarision etano at malaikat misig etnowen yig isaruk wilil,