Ibrani 12:2 - Allah Wene Hurumbik Keron

² Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 12:2 ပူးပေါင်းရင်းမြစ်များ

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Markus 14:36

Eke Haren yi angge di angge obog-at suruk ahenon etno kidia An ik sihon sohorluk fam honanggoma niog ulug suruk ahion du Haren elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Markus 15:28

Ariroho imbisebag ari, bilin At Yesaya etnowen hurumbik yig isaruk wilil, “At ebe ap dag surukon ulug it ap dag surukon epmano inim-at imbisahup-o,” ulug ebahon etno demat inahla bukag ulug ariroho imbisebag.

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Markus 9:12

Hinog waruk apagma, At etnowen yig isaruk wilil, “Ariroho yig hisaruk ari, at Elia etno bilin waharuk aruhureg, aren yi angge di angge epmano dig dug seko umburuk aruhu, ulug yig hisaruk ari, demat yig hisaruk oke, eke alem misig du hag, An Allahen minduhup naharision etno nobam dag seko embeheg, eke inambit neyeheg suhup, ulug wene baleg wereg ari, keroho ulug wereg buruk ahep-o?” ulug yig isaruk apareg,

Markus 9:24

Yig ituk apagma, at ikni etnowen yig ituk wilil, “An nindi At Allah obam eberiog ulug suruk ahion oke, nindi biren am nowen Hat naso welamin-o,” ulug une suon-at yig epag.

Lukas 17:5

Eke fobik it omini epmanowen At Yesus yig ituk wilil, “Nit demat ulug ninindi ebebuhuken haren oag werehon etno og nisimin-o,” ulug yig epag.

Lukas 23:11

Denggeltuk apagma, at Herodes, osi sehen senehon epmano inimen At Yesus ahunda yatuk apareg, inambilik butuk uruk apag. Uruk wilil, inenggal-at sum fanowon wantepfuruk apareg, suhuluk at Pilatus ambeg lahapfebag.

Lukas 24:26

Eke At Kristus etno Inowe suon welamag ulug, yi angge di angge dahon obam embeheg elegma suon welaruhu-o ulug hinahla buruk ahep ano?” ulug yig isebag.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 12:24

Fanggog uruk ari famen Anden wene demat uruk amon etno yig hisamin-o. Wiyagfut i etno misig-at belapfurukmu, filik aruhu fug halug, anggen misig etno-at welaruhu-o. Eke filik aruhu halug, unggum laharuk aruhureg, anggen anggolo yihiku-o.

Yohanes 12:32

Eke An nebe etno o kweanma dumen nombahik laharuk iseheg, Anden it yi aphe di aphe obog-at inayonggo umburuk aruhukseg, og inaplug lahuk-o,” ulug yig isebag.

Yohanes 13:3

Ariroho indi kahaltuk apagma, eke At Yesus etno ahla buruk wilil, “An noag weregsoho welamag ulug At Niknien yi angge di angge obog-at ninggikmu imbirisi-o. Eke An nebe etno At Allah wereg ambehen ambik waharikik halug, fobik At Allah wereg ambeg-at lahuk-o,” ulug ahla buruk apareg,

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

Yohanes 8:56

Eke hit hinetamu Abraham etno An nebe farim endag aruhu ulug indi ebetuk wilil, ahien hebag-o,” ulug yig isebag.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

1 Korintus 1:18

Eke it aphe dag surukon o dagma lahubon epmanowen at ebe e fam lenggaloko embebahon wene ari we hai neken inahla buruk oke, nit At Allahen ninili og ninaptukon epmanowen wene du fam At Allahen oag weregsoho ninili og ninaptuk ulug ninahla buruk ahe-o.

1 Korintus 1:23

eke nit hag At Kristus Yesus e fam lenggaloko embebagma warapahon wene etno obog-at dindiloko yig isaruk ahe-o. Wene yig isaruk aheon ari fam it Yahudi aben wene du ninambit ulug urukon epmano inim, eke it Yunani aben wene du hai wene uruk ulug urukon etno inim obog-at wereg oke,

Efesus 2:16

Eke At Kristus etno e fam lenggaloko embebagma warapag etno fam it apheyen nambit hambit uruk amon etno elegsoho embebag-o. Eke e salib etno fam it inungguluag birenon epmano misig-at welamag ulug At Allah inim dambuksoho imbisebag-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Filipi 1:6

Eke At Allahen bilin hinindi yabuk fanowon etno atog suruk atisireg, eke fobik At Kristus Yesus waruhu etno fam atog suhu-o ulug, an demat yig hisaruk ahi-o.

Filipi 3:20

Eke it ariroho suruk oke, eke nit hag boholma lahuk ulug welahe-o. Eke At Ninowe Yesus Kristus ninili warukon etno boholmen ambik waruhu ulug aso welahe-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 1:13

Yig ituk apareg, eke At Allahen yig ituk wilil, “E hebe horieg welahenon hapma wereg etno hag, it ap hinim healeg welahebon epmano hiog apma imbisahukon etno aso welaruhunen, Hat hebe ninggik bikit fil duma horie ik ma-o,” ulug it malaikat etno ariroho yig isebag fug.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 10:14

Ari halug, At Kristus etnowen misihim-at Allah ake embebareg fam, Aren it aphe dag surukon etno inindi ho inaptukmu, initog mondog fano welamag ulug imbisebag-o.

Ibrani 10:33

Ariroho welatikipseg fam, fobik aphe obog inil fam selegma-at hinobam denggeleheg, eke dahon nin hinobam embeheg suruson oke, hit hinindi hinahlahiroho wilil, it nin dahon inobam umburuson epmano nit ninim-at ninobam umbukag-o, ulug hinim dambuksoho welatikip-o.

Ibrani 11:36

Eke it nin hag, apheyen inune dahon inobam embeheg, eke hele lambisog fam war inabeheg, eke aphe dahon imbisaruk ambeg kolap iseheg,

Ibrani 12:3

Eke At Yesus etno it ap dahonen inambit haruk wilil, inune dahon obam embebahon epmano hinindi ebetuk amuk-o. Ariroho ebetuk wilil, hinindi oag weregsoho welamuhuben hinahlahiroho-at welamuk-o.

Ibrani 13:13

Eke At ebe etno lehet selema fil wereg ari fam, nit ninebe epmano At ambeg wilip atlug ninim ninenggali haruk amuk-o.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Ibrani 7:19

Ariroho hai apag famen, onggo Aren fano ninabuhu-o ulug wene fanowon etno-at yig nisaruk wilil, og ninaplug At Allah wereg ambeg horogsoho neken ninombisaharuk-o.

Ibrani 8:1

Eke wene uruk aheon etno alem du at-o: Nit Ninowe Allah unde suon misig etno At Allah suon alon werehon etno horieg wereg ambeg inggik bikit fil horieg wereg-o.

Ibrani 9:28

Ariroho suruk etno ilitoho, At Kristus nit yi aphe di aphe obohen dag suruk aheon epmano elehap sukag ulug misihim-At Allah ake waroko embebag-o. Ariroho waroko embebag etno fam, fobik misihim waruhu ari, niren dag suruk aheon elehap siog ulug waruhu fug-o. Nit At wamon aso welaheon epmano ninili wiog ulug-at waruhu-o.

Yakobus 2:1

Nomini-o, hit At Ninowe inuk suon Yesus Kristus udaki welahep halug, ap hiren angge suon etno inuk suontepfeheg, eke ap aharek elehon etno inuk apmarepfeheg suk fug-o.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.

Yudas 1:21

Hit Allah hinim wilil, Hinikni hinindi hunduhuk welamuhup-o. At Yesus Kristus hit hinabuen hiniluk welamon og hisahuon etno-at aso welamuhup-o.

Wahyu 1:11

Holtikik­seg weregma, une urukon etnowen yig nituk wilil, ‘Hat hilanggen hamihinon etno buku fam holal balmihinteg, it aphe jemaat o Asia epmano lahap isahun-o. It aphe jemaat ininuk ari, Efesus-o, Smirna-o, Pergamus-o, Tiatira-o, Sardis-o, Filadelfi­a-o, Laodikia-o, o epma holal baloko lahap isahun-o. Lahap isahun ulug yig hirihion etno, An yi angge di angge alem inim, enggabuk inim unde wereg etnowen-at yig hirihi-o,’ ulug yig nitukmu nesanggo holtikik-o.

Wahyu 1:17

Nilanggen haruk atikikseg, an nebe ware­hon neken At iogmu bule ambirikik-o. Amburuk atikikmu, At ing­gik bikit fil nebe seberoho nombaharisireg, yig nituk wilil, ‘Hat hakol ha fug-o. An alem inim enggabuk inim unde werehon An at-o.

Wahyu 1:8

Eke At Ninikni suon Allah etnowen uruk wilil, ‘An nebe alem neken enggabuk neken an-at welahi-o,’ ulug yig nisaruk ari, At bilin welapahon etno inim, kidia werehon etno inim, fobik welaruhuon etno inim At ebe misig-at wilil yig nisaruk-o,” ulug at Yohanes etnowen holal embebag.

Wahyu 2:8

Eke fobik an yig nituk wilil, “At it jemaat o Smirna aphe inaso werehon etno og emag ulug holal duroho imbimihin-o: At bilin alem neken, eng­gabuk neken wilil warapareg iluk apahon etnowen yig hisaruk wilil, dahon hinobam umburuk etno niluk-o.