Ibrani 12:15 - Allah Wene Hurumbik Keron

¹⁵ Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

Ibrani 12:15 ပူးပေါင်းရင်းမြစ်များ

Lukas 22:32

Simon wai. Ariroho suhu ari fam, hat hindimuen demat ulug ebetuk ehenon etno eleg am nowen ulug hake sembahyang irikik ari fam hindi wereg atuk halug, haren it homini inindi werehep isahun-o,” ulug yig epag.

1 Korintus 10:12

Eke ari halug, ap misihen, an suon minduhuk welahi-o, ulug ahla burukon ari dag surukim indi aso welamag-o.

1 Korintus 13:8

Eke at ap misig aphe inim indi hunduhuk werehon ari eleg aruhu fug-o. Eke wene indimuen walug aphe yig isarukon ari hag eleg aruhu-o. Eke it aphe inune akelehon urukon ari inim eleg aruhu-o. Eke yi angge di angge alem iniluk atukon ari obog-at eleg aruhu-o.

1 Korintus 15:33

Ari halug, eke hit hinindi kahalik wam nowen-o. Eke wene dahon epmano mutlug laruk nisalug, ninobabut fanowon epmano mondog eleg aruhu-o.

1 Korintus 5:6

Eke hiren an suon hat suon uruk atikip etno famen fano sirikip fug-o. Eke roti su amag ulug dorat deloko belapfurukon etno fam obog-at su atuk etno hit hinapeleg neken welatikip ano?

2 Korintus 13:5

Eke hit hag, nit demat Yesus obam ebetuk ahe ano ulug hinonggarehen hinahla buruk wilil, hinaren bal saruk amuk-o. Eke hit hinobabut dag suruk eleg hisalug, At Kristus Yesus hinindimu wereg etno hit hinapelehen suruk ahep ano?

2 Korintus 6:1

Eke At Allah ninim eyabuk suruk aheon epmanowen yig hisaruk ahe-o, “Eke hit At Allahen hinabua hisarisimu, At obam eberoko warikibon ari werlek-at warukuk ulug ehep ha nowen,” ulug yig hisehe-o.

Galatia 2:13

At Petrusen ariroho imbisaruk atisimu, it ninomini Yahudi ap epmano aren sirisi etno ilitoho inenggal suruk atusama, eke fobik at Barnabas etno ariroho enggal-at sirisi-o.

Galatia 5:4

Eke hit ninen it Yahudi aben wene duroho suruk amuk eke duroho suruk am fug ulug ebahon etno ilitoho suruk wilil, At Allahen alem dahon hinobam werehon epmano elehepfukag ulug suruk ahebon halug, At Kristus hinim healsaruk ahep-o. Ariroho suruk ahep ari, At Allahen hinabua hisawon etno elegsoho imbisaruk ahep-o.

Efesus 5:3

Eke hit Allah udaki welahep halug, wanggik surukon etno inim, suk sohorep isawon surukon etno inim, eke yi angge di angge an-at hulik ulug urukon epmano inim, eke hinune mirlog uruk ahebon etno inim, eke aik dahog urukon etno inim, eke nenek neken urukon etno inim, obog-at hit hinanggelegmen suk hai-o.

Kolose 3:5

Eke ari halug, kweanmen dahon suruk ahebon epmano hinapelegsoho sohorep isiek-o. Eke dahon ari, ap uhweon inalomnangge surukon etno inim, it ap ap wanggik surukon etno inim eke inobam ahahe laharukon etno inim eke dag suk ulug inahla burukon etno inim eke nindi nindi il nurukon etno inim eke kwanangge nindi ulug seneg werehon etno inim,

Titus 1:15

Eke it ap inindi fanowon halug yi angge di angge obog-at nao ari fano at-o. Eke it ninen Allah wene ebetuk eleg wilil, inindi dahon halug, yi angge di angge nawon etno usa ulug uruk-o. Eke it ariroho urukon epmano inahla burukon inim, eke inobabut surukon inim obog-at sabele neken denggelepatalug wereg-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.

Ibrani 4:1

Ari halug, At Allah ninim kelsaruk ambeg ninim kuhuk ulug ebahon etno nit-at hurumbik yig nisaruk-o. Eke hiren ap niron misig kirisi fug ehe ha nowen ulug hinakoltoho welamuk-o.

Ibrani 4:11

Ari halug, nit ariroho At Allah ninim kelsaruk amuhuken ulug, fanoroho suruk amuk-o. Eke it epmano inesanggo fanoroho holuk sohorep isalug, kebag fug etno hag, nit ariroho kuk sohorep isehe ha nowen-o.

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

2 Petrus 2:18

It inenggal neken urunanggeroho urukon ari kweanmen surukon etno ninindi-o, uruk isalug, iren aphe inindi ebetuk elehon epmano og inaplug o dagma epma imbisuog ulug inindi kahalik waharuk-o.

2 Petrus 3:11

Yi angge di angge obog ariroho-at eleg atuk halug, hit ap sandeg neken welamuhup-o?

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

2 Yohanes 1:8

Ari halug, hit onggo fanowon og hisawon eleg am nowen, hit hinindi yaharoho welamiek-o. Hit yabuk fano sirikipseg fam, onggo holahubon etno welamag-o.