Ibrani 12:1 - Allah Wene Hurumbik Keron

¹ Eke nit hag, it aphe inindimu demat ulug ebetuk apahon epmanowen yig nisaruk isalug, ninonggarehen ninonggalem halepateheg, eke alem dag sukag ulug ninobam waharukon epmano elehepfeheg, eke ninonggalem yanggul nisebahon epmano ninahlahiroho laheg suruk amuk-o.

Ibrani 12:1 ပူးပေါင်းရင်းမြစ်များ

Matius 10:22

Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Matius 24:13

Eke it fikfag seneg welamuhubon epmano o fobik atog arat atuk halug, inili wahu-o.

Markus 10:50

hetnogsoho minatuk apareg, asum selemon etno loloko umbulug At Yesus ambeg lebag.

Lukas 12:15

Yig ituk apareg, eke fobik it obog yig isaruk wilil, “Yi angge di angge nindi nindi uruk wilil huluog ulug surukon epmano hit ariroho sehe ha nowen ulug yaharoho welamiek-o. Eke ap misig aharek yi angge di angge anggolo wereg halug, epmano fam fanoroho welaruhu fug-o,” ulug yig isebag.

Lukas 16:28

An nikni ibam epma nosi fuaben angge wereg etna o hondok olokma an welahi ambeg duma wam nowen at Lazarus ari hurumbik yig isa lawag ulug lahapfin-o,’ ulug yig ituk apagma,

Lukas 21:34

At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Yohanes 3:32

Eke At boholmen ambik waharukon etnowen yi angge di angge ilanggen harukon epmano inim, esanggo holtukon epmano inim obog-at yig isarukon oke, iren At awene etno eberoko waruk eleg-o.

Yohanes 4:39

Yig isaruk apagma, eke it Samaria aphe o epma werehon epmano at hwe etnowen yig isaruk wilil, “Anden bilin yiroho diroho suruk atikikon epmano ap duen obog-at bukaloko yig nerehek-o,” ulug yig isaruk apagma, it obohen At Yesus obam inindi ebepag.

Yohanes 4:44

Waharuk apareg, At Yesus etnowen yig isaruk wilil, “At nabi ap Allah wene hurumbik yig isarukon etno At endag apag ambeg etno it omini epmanowen inuk suontepfuruk eleg-o,” ulug yig isaruk wilil,

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

Galatia 2:2

Eke At Allahen lag ulug yig nitisimu larikik-o. Laruk atikikseg it mondep isebahon epmano ninim wene baltuk wilil, anden it aphe Allah wene inapelehon epmano wene fano wene duroho yig isil larikik ulug bukaloko yig isarikik-o. Eke an kidia wene yig isil laruk ahion etno inim, eke bilin yig isil larikik etno inim, enggal-at yig isil larisi ulug an neyabuk etno hairepfuk nowen ulug, it inowesi epmano obog-at dindiloko yig isarikik-o.

Galatia 5:7

Eke hit bilin At Yesus obam ebetikibon oke, wene demat urukon etno hinesanggo holuk nowen ulug at sen hinindi kahalik waharisi-o?

Efesus 4:25

Eke ari halug, aphe hinenggal yig isawon etno dahon neken loloko imbiuk-o. Ariroho loloko umbulug, eke hit obohen hinomini wene demat yig isaruk amuk-o. Eke nit ninebe obog-At Kristus ebe misig-at welahe-o.

Filipi 1:30

Ariroho dahon epmano hinobam umburuk isalug, hit an nebe ilitoho seg atuk atikipseg, at setan inim wim aptuk ahe etno an ninim-at aptuk ahe-o. Eke amuk an ninim aptuk atukukon epmano hinilanggen haruk atikipseg, kidia ariroho inim aptuk-o, ulug hinesanggo holtuk ahep-o.

Filipi 2:16

eke ariroho nahien haruk wilil, an o kweanmen yabuk sat anggolo suruk wilil werlek-at suruk atikik fug-o, ulug nahla buhuk-o.

2 Timotius 2:4

Eke ap misig anggimbu ari, at iknien yig itukon etno-at ilitoho sik ulug ahla buruk wilil, yi yabuk di yabuk werlekon sohorep isaruk-o.

2 Timotius 4:7

Eke it aben onggo huluog ulug buahen laruk etno hag, an nebe wene demat urukon etno nintul nantul eberoko waruk wilil, neyabuk og nitision etno obog-at suruk atikikseg, kidia onggo fanowon etno huliog ulug suruk ahi-o.

Ibrani 6:15

Yig ituk apagma, at Abraham etno indi seberoho wilil, og umon etno aso weregma, At Allahen abug yig epahon etno arat og epag-o.

Yakobus 1:3

Eke hit hag, dahon fobik hinobam umburukon etno seberepatalug, hinindi fanoroho welamon etno wahup ari, hiniluk-o.

1 Petrus 2:1

Eke ari halug, it apheyen yi dag di dag surukon epmano seberoho sohorep isiek-o. Eke hinenggal urukon inim, nambit hambit urukon etno inim, aphe inobam denggeltukon epmano inim obog-at sohorep isiek-o.

1 Petrus 4:2

Eke ari halug, kidia o kweanma duma wilil, At Allahen komo yig nisebahon etno-at mutlug laruk amuhupseg, kweanmen dag surukon epmano obog seberep isahup-o.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.

2 Petrus 1:6

niniluk amon etno holahukseg, fobik ninobabut fanowon etno holahuk-o, ninobabut fanowon etno holahukseg, ninindi bugsoho welamon etno holahuk-o, ninindi bugsoho welamon etno holahukseg, fobik ninindi fanowon etno holahuk-o,

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 13:10

Ap misig senoko hele wabuhup ulug holal baleg etno wereg halug, fobik hele wabuhup at-o. Eke ap misig karog fam wabuhup ulug, holal baleg etno wereg halug, karog fam wabuhup at-o. Ari halug, hit Allah uda­kion epmano hinindi seberoho wilil, At Yesus inuk eberoko waruk amuk-o.

Wahyu 22:16

An Yesusen yi angge di angge aphe jemaat Allah wene urukon epmano yig isiug ulug nomalaikat etno belabik waharikik-o. Eke An nebe etno at Daud etamu wilil, soholoal wap etno ilitoho-at welahi-o,” ulug irisi-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.