Ibrani 11:7 - Allah Wene Hurumbik Keron

⁷ Eke at Nuh etno hag, indi demat ulug ebetuk wilil, At Allahen fobik war inabuhuk-o ulug ebahon etno ilanggen hebag fuhon oke, esanggo holfag-o. At Allahen ebahon etno esanggo holtuk apareg, aren so etno o ilitoho falfag. Falepfuruk apareg, at uhwe udaki inim so fam epmano kebareg weregma, inili webag-o. Inili webareg fam, aren it aphe kweanma obog inili oko imbisebag-o. Eke at indi demat ulug ebepag etno fam, At Allahen ap du obabut fano hihi ulug ahien obam embebag-o.

Ibrani 11:7 ပူးပေါင်းရင်းမြစ်များ

Matius 2:12

Og ituk apareg, nohoruk­mu, At Allahen yig isaruk wi­lil, “At Herodes weregke hiniog fene la fug-o,” ulug yig isarukmu ini og hebag. Ini og haruk apareg, iniluk atlug kwalem werlek­keyen inibam lebag.

Matius 24:15

Eke fobik At Yesus etnowen yig isaruk wilil, “Hit An yig hisaruk ahion du, wene baleg fam bikharuk wilil, hinindi ebetuk amiek-o. Eke o amuk at nabi Allah wene yig isaruk apahon inuk Daniel etnowen hurumbik ebag etno hag, o fano wereg ambeg epma dahon etno kik waharuk hinilanggen haruk amuhupseg, ea ninakol-o ulug uruk amuhupseg,

Matius 24:25

Hinesanggo fanoroho holtuk amiek-o. Ebe sukon etno awan suruk eleg heheg, An hurumbik arat yig hisihi-o.

Matius 24:38

It bilin ik suon etnowen awan war inaptuk eleg heheg, it aphe epmano inaharom nenggeg, inahik nenggeg, eke it aben hwe holeheg nintul nantul suruk apagma, at Nuh etno aren so falfahon etno fam kebag-o.

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Lukas 17:26

Eke it apheyen at Nuh weregma suruk apag etno hag, An Allahen minduhup naharision waruhuk ari sambit suhup-o.

Roma 1:17

Eke o amuk wene holal balfahon etno fam yig nisaruk wilil, “It aphe inindi werehon epmano At Allah obam ebetuk isalug, alem dahon inobam werehon etno elehepfulug fanoroho ninim welamuhuken ulug dambuk inabuhu-o,” ulug wene holal balfag etno ilitoho, kidia, “It aphe wene fano wene etno eberoko waruk isalug, ari fam At Allahen alem dahon inobam werehon epmano elehepfulug fanoroho imbisahu-o,” ulug wene fano wene etnowen bukaloko yig nisaruk-o.

Roma 10:6

“Hit hinindi famen at sa hag boholma lahaku-o? ulug uruk am fug-o,” ulug ariroho ebag ari, it apheyen At Kristus ebe boholmen walug ambik wam nowen ulug ebag-o.

Roma 3:22

it apheyen inindi At Yesus Kristus obam ebetuk isalug, At Allahen it alem dahon inobam werehon epmano elehepfuruk-o. Eke it yi aphe di aphe obog At Kristus obam ebetuk isalug, At Allahen alem dahon etno ilitoho-at elehep isaruk-o. Ariroho suruk wilil, at misig alem dahon obam werehon epmano elehepfeheg, eke at misig sohorep iseheg suruk eleg-o.

Roma 4:11

Ariroho inim dambultuk apareg, fobik-at iyunggul ambilik balfag-o. Eke at Abraham etno iyunggul ambilik awan baleg eleg wilil, At Allah obam ebetuk apareg fam, At Allahen ninim fanoroho welamuhuken ulug inim dambulfag-o. Ariroho ninim dambulehe ari demat-o ulug ahla bukag ulug iyunggul ambilik balfag-o. Eke it yi ap di ap iniyunggul ambilik baleg elehon epmanowen At Allah obam ebetuk isalug, aren ninim fanoroho welamuhuken ulug dambuk inaptukon etno at Abraham inikni neken wereg-o.

Roma 4:13

Eke At Allahen hat Abraham hetamuki hinim o kweanma duma unde welamuhuben ulug og hisahuk-o, ulug abug yig epag etno, at Abrahamen wene duroho suruk amuk eke duroho suruk am fug ulug ebahon etno ilitoho surukmu yig epag fug-o. Eke at Abraham Allah obam ebetuk halug, inim dambulfag etno fam yig epag-o.

Roma 9:30

Eke ari halug, keroho uk buruk ahep-o? Ari wene ebe duroho uk-o. Eke it aphe bilin Allah wene inapeleg welatuson epmanowen At Allah inim dambuluog ulug surusa fuhon oke, At Allah obam ebetuk isalug, aren alem dahon inobam werehon epmano elehep isalug, ninim fanoroho welamuhuken ulug dambuk inaptisi-o.

Galatia 5:5

Eke nit hag At Kristus obam ebetuk nisalug, At Allahen alem dahon ninobam werehon epmano elehepfuhu ulug ninindi ebetuk ahe-o. Eke At Roh Kudus etnowen yig nisarukmu, Aren alem dahon elehepfukon etno aso welahe-o.

Filipi 3:9

an nebe fanowon-at welahi-o, ulug uruk etno hag, an nonggarehen nebe fanowon welahi ulug uruk ahi fug-o. Eke ariroho uruk eleg wilil, At Kristus inuk eberoko warikik etno fam At Allahen an nindi fanoroho welamon etno og nitisimu, At Kristus inuk fam an fanowon welahi-o ulug uruk ahi-o.

Ibrani 11:1

Eke yi angge di angge fanoroho suhu ulug ninahla buruk aheon epmano inim, yi angge di angge haruk ahe fuhon epmano inim, niren demat ulug ninindi ebetuk ahe etno fam obog-at niniluk atuk-o.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

Ibrani 8:5

Eke it ap kweanmon Allah unde epmanowen suruk ari, boholmen suruk heheg, ahut neken-at suruk-o. Ariroho suruk ari, bilin at Musaen sebag etno hag suruk-o. Eke at Musaen sebag etno, o Allah ibam etno faliog ulug suruk heheg, At Allahen yig ituk wilil, “Hat o duroho faliuk ulug bilin o dom fam epmanowen yig hitikikon etno ilitoho-at faliuk-o,” ulug yig epag.

1 Petrus 3:20

Yig isa lebag etno it amuk Allah une holtuk apag fuhon etno-at yig isa lebag. Ari at Nuh etno so faltukmu, At Allahen aphe obog inaso welapareg, fobik inebe sirehen angge-at iken war inabuk nowen ulug inili webag.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

2 Petrus 2:5

Ari sebag etno ilitoho, it aphe amuk dag sebahon epmano At Allahen inili weheg eleg ik suon etno fam war inapag-o. It epmano obog-at war inaptuk wilil oke, eke at Nuh udaki sabiren angge inim wene fano wene waruk apag etno fam, inili webag-o.

2 Petrus 3:6

Wal haruk apareg, fobik ik etno fam o kweanma seberoho war inapag-o.