Ibrani 11:39 - Allah Wene Hurumbik Keron

³⁹ Eke it obog epmano inindimu demat ulug ebepag etno fam, du Allah udaki at-o ulug selegma apag-o. Ariroho selegma apahon oke, At Allahen ap misig og hisahuk ulug hurumbik yig isebahon etno inilanggen hebag fug-o.

Ibrani 11:39 ပူးပေါင်းရင်းမြစ်များ

Ibrani 10:36

Eke At Allahen og hisahuk ulug ebahon etno huluog ulug hiren At ahla burukon etno suruk amuk-o, ulug hinahla buruk wilil hinindi seberoho-at welamuk-o.

Ibrani 11:13

Eke it aphe epmano inindi demat ulug ebetuk wilil, At Allahen hurumbik yig isebahon etno inilanggen halug eleg-at warapag. Inebe yatmen-at inilanggen yet heheg, eke hurumbik etno inindimu ebetuk wilil, inebe yatmen-at wa eheg suruk apareg, selegmaroho bukaloko uruk wilil, “O kweanma duma ap yatmon wereg etno hag, huso neken-at welahe-o,” ulug uruk apag.

Ibrani 11:2

Eke it o amuk demat ulug inindi ebetuk apag etno fam, At Allahen ahien isaruk apag-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.