Ibrani 11:37 - Allah Wene Hurumbik Keron

³⁷ eke helep fam war inabeheg eke ininggik hele war inabeheg, eke kege fam inobahare balinabeheg, eke karog fam war inabeheg, eke inebe muko wilip iseheg, eke ariroho war inabuhuk ulug inabug baleheg, eke inobam dag seko imbiseheg, suruk iseheg welapag. Ariroho wilil, inaharek mondog elehen inasum wam kambing domba ahap wanteheg suruk apag.

Ibrani 11:37 ပူးပေါင်းရင်းမြစ်များ

Matius 21:35

Lahabik wapahon etno waharuk apagma, it eyabuk waruk apahon etnowen yikangge warepfuruk apareg, fobik misig werlek wareheg, misig helep fam wareheg sebag-o.

Matius 3:4

Ariroho holal embebareg fam, eke fobik at Yohanes etno wam unta iruk wisaloko sum yiko wanteg welapag. Ariroho wilil, wam ahap deno­ko serlog yihebag eke bulue inim, kin ambusu inim naruk apag.

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Lukas 13:34

Ae, hit Yerusalem ap du hinabua-o. Hiren it nabi ap wene urukon war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul apma balu inaplug seberoho wereg etno hag, hit obog Anden balurep hisahalug, ninggik sen hinapsug wilil heahi war hinabiog ulug sirikikon oke, hiren hinambit nearikip-o.

Kisah Para Rasul 14:19

Sohorep isaruk apagma, it Yahudi ap o Antiokhia, o Ikonium epmanowen waharuk apareg, o Listra etno wapag. Waharuk apareg, aphe obog epmano dahal inaptuk wilil, at Paulus ebe helep fam warepfuruk apareg, ebe mondog waraha ulug inahla buruk wilil, lehet selema fil imbik wilip apag.

Kisah Para Rasul 7:52

Eke it nabi ap epmano hit hinetamuki Allah wene yig isa waharuk apagma, iren muko wilip iseheg, inebe warep iseheg sebag-o. Eke it nabi ap epmano bilin, ‘Allah anggimbu fanowon waruhu,’ ulug hurumbik yig isaruk heheg oke, dahon etno-at inobam embebag. Eke fobik At hinili warukon ari Allah anggimbu fanowon etno hiren senoko watikip-o.

2 Korintus 12:10

Eke ari halug, anden At Kristus inuk fam yi seheg di seheg suruk nealug, noag elehepfeheg, eke inune dahon nobam embeheg, eke yi angge di angge obok welamag ulug elegsoho nombahakeg, eke nebe muko wilip nahakeg, eke yi angge di angge dahon nobam nombahakeg suruk isalug, nahientoho-at welahi-o. Eke an nebe noag eleg nealug, noag werehep naharuk-o.

Ibrani 11:25

an nebe it Allah udaki epmano ninim dahon ninobam umbuk ari fano. Eke ninggik dorat dag suruk wilil, nahien hao ari hai-o, ulug ahla bebag.

Ibrani 13:3

Ari halug, it aphe hele waroko imbisarusa epmano, nit ninim-at hele wareg neken welahe-o, ulug inabua suruk wilil, inobam hinindi ebetuk amuk-o. Eke misig, it aphe nin dahon inobam umburuson epmano nit ninim neken-at ninobam umburusa ulug, inabua suruk wilil, inobam hinindi ebetuk amuk-o.

Wahyu 11:3

Eke it ap biren An nawene yig isaru­kon epmano lahap isahuk-o. Lahap isaruk aruhukmu it ap epmano sum ahe hahon supnig wilil, Allahen hurumbik fobik suhuon etno ininggik seri­bu dua ratus enam puluh fam wilil yig isaruk amuhup-o,” ulug yig nitisi-o.