Ibrani 10:4 - Allah Wene Hurumbik Keron

⁴ Ariroho umburuk oke, wam kambing amep inim, sapi kulog amep inim etnowen it apheyen dag surukon epmano inobam inapelegsoho elehap inaptuk eleg-o.

Ibrani 10:4 ပူးပေါင်းရင်းမြစ်များ

Markus 12:33

“Eke ninindi inim, eke yiroho sik diroho sik ninahla buruk aheon epmano inim, eke ninindi ebetuk aheon epmano inim, eke ninebe etno inim obog At Allah og itlug At ninim mondog ninindi hunduhuk welamuk-o. Eke nit ninabua saruk ahe etno hag, it ninomini ninim welaheon epmano inabua isaruk am ari fano-o. Ariroho suruk wilil, At Allah ake wam waroko amben ambianma lawag ulug hondok yaluk ari hai-o,” ulug yig epag.

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Roma 11:27

Eke iren dag suruson epmano Anden elegsoho imbisalug, ninim fanoroho welamuog ulug wene etno yig isahuk-o,” ulug yig nisaruk-o.

Ibrani 10:1

Eke it Yahudi aben wene duroho suruk amuk eke duroho suruk am fug ulug ebahon etno fobik suhuon ilitoho neken-at ebahon oke, ebe demat fano inaptukon neken eleg-o. Eke yi angge di angge Allah ake ulug umburukon ari, tahun nintul nantul suruk wilil, ilikia hupmu-at umburukon oke, ari fam it aphe At Allah ake imbik waharukon epmano fam inindi fano inaptuk eleg-o.

Ibrani 10:11

Eke it Yahudi ap Allah unde epmano o nintul nantul yabuk suruk wilil, ininggik anggoloam-at Allah ake umburuk oke, Allah ake umburuk ari fam it apheyen dag surukon epmano eleg atuk eleg-o.

Ibrani 10:8

Ariroho yig epag ari, it apheyen wene duroho suruk amuk eke duroho suruk am fug ulug ebahon etno fam, At Allah ake anggolo-at umburuk iseheg, Aren uruk wilil, “Yi angge di angge Allah ake umbukon etno inim, eke wam waroko Allah ake hondok yaltukon epmano inim hambit haruk wilil, it apheyen dag surukon epmano eleg amag ulug wam waroko hondok yalukon epmano inim-at hambit haruk ahen-o,” ulug yig epag.

Ibrani 9:9

Ari, at ap misig Allah obam sembahyang uruk wilil, yi angge di angge Allah ake embeheg, eke wam waroko At Allah ake ulug hondok yaleheg suruk etno fam, indi ho saruk eleg-o.

1 Yohanes 3:5

Eke At Kristus mondog dag sebag fuhon oke, nit dag suruk aheon epmano ninapelegsoho apma ninombisahukag ulug kweanma ambik wapag-o.