Ibrani 10:34 - Allah Wene Hurumbik Keron

³⁴ Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.

Ibrani 10:34 ပူးပေါင်းရင်းမြစ်များ

Matius 19:21

Yig ituk apagma, At Yesusen yig ituk wilil, “Hat nobabut fanoroho welam hahla buruk wilil halug, hat yi angge di angge anggolo werehon etno fam uang anggen onggo baloko it aphe inaharek elehon epmano sumbut isa lag-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 10:42

sohorep isalug ebe misig hindimu ebebuk fano. Eke at Maria etnowen ebe fanowon etno imihikekseg fam, mondog-at holahu-o,” ulug yig epag.

Lukas 12:33

Eke hinaharek anggolo wereg halug, uang anggen anggolo fam onggo baloko it inaharek elehon epmano og isaruk amiek-o. Eke hinahuang eset fanowon umburuk ahep etno hag, boholma hinaharek ombataruk amiek-o. Epmen hinaharek epmano olohore dag aheg eleg weregma, it ap heraharukon epmanowen diloko herag seheg eleg, bak sumbuen baleheg eleg surukmu, fano mondog wereg-o.

Lukas 9:25

Eke hit o ahik ya da yi angge di angge obog unde welamuhup etno fam fobik hili holalug eleg-at o dagma lao ari fano buruk ahep ano? Ari eleg-o.

Kisah Para Rasul 21:33

Sohorep isaruk atusama, it ap inowe sehen senehon etnowen at Paulus etno senoko hele bisuemanggen biren fam hele wabukag ulug yig isaruk atisareg, hinog uruk wilil, “Ap du inuk sa-o? Aren keroho sehek-o?” ulug hinog og inaptuk atisimu,

Kisah Para Rasul 28:20

Yig isaruk atikikon oke, eke kidia wol hinaptikikseg, hit ninim wilil wene baluog ulug suruk ahe-o. Eke an hele wareg welahion ari, it Yahudi ap At Kristus ahurumbik warukon etno inuk waruk wilil welahi-o,” ulug yig isarisi.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

2 Korintus 5:1

Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 6:20

Eke an nebe kidia hele wareg welahion oke, wene fano wene etno yig isil lawag ulug mondep naharisi-o. Eke anden wene yig isawon etno nakol elegsoho yig isaruk amag ulug hiren nake sembahyang uruk amuk-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

Kolose 1:5

Eke hit o amuken wene fano wene hinesanggo holtikipseg fam, boholmen fano ninabuhu-o, ulug hinindi ebetuk wilil, demat ulug uruk ahep-o.

1 Timotius 6:19

It ariroho fano mondog suruk isalug, iniluk welamon etno holawag ulug kidia o andorli neken umburuk-o. O andorli ari iren fano surukon etno fam fobik iniluk welamon etno holahup-o.

2 Timotius 1:16

Eke at Onesiforus omini inim epmano At Allahen inabua hawag ulug an inake sembahyang uruk ahi-o. At Onesiforus etno an nabua haruk wilil, at Paulus hele wareg wereg ulug akol eleg-at wilil,

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

2 Timotius 4:8

Eke o ari sambit At Allah aphe fanoroho oag del inaptukon etnowen At udaki iniluk welamon etno og niruhu oke, an-at og niruhu fug-o. It aphe inindi At Yesus inim hunduhuk wilil At wamon aso werehon epmano obog-at og nisahu-o.

Ibrani 11:16

Ariroho lelebon oke, it inibam boholmon fanowon etno-at heag suog ulug sebag-o. Ariroho heag suog ulug suruk apagma, At Allahen Hinikni an at-o, ulug yig isaruk wilil, ambit isebag fug-o. Aren it inibam suon etno-at fal inaptuk apag-o.

Ibrani 13:14

Eke o kweanma duma hag nit ninibam mondog neken wereg eleg ari famen, nit o fobik mondog welaruhuon etno-at heahil sil nuruk ahe-o.

Ibrani 13:3

Ari halug, it aphe hele waroko imbisarusa epmano, nit ninim-at hele wareg neken welahe-o, ulug inabua suruk wilil, inobam hinindi ebetuk amuk-o. Eke misig, it aphe nin dahon inobam umburuson epmano nit ninim neken-at ninobam umburusa ulug, inabua suruk wilil, inobam hinindi ebetuk amuk-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

Yakobus 1:2

Nomini, hit dahon hinobam umburuk isalug, hinahientoho welamuk-o.

1 Petrus 1:4

Nit ninebe ketoho ninombisahiog ulug weregma, fobik fanowon etno At udaki og nisahu ulug ninindi ebetuk ahe-o. Og nisahuon etno dag atlug, eleg am nowen ulug, o boholma dugsoho umburuk-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.