Ibrani 10:31 - Allah Wene Hurumbik Keron

³¹ Ariroho ebareg fam, At Allah iluk werehon etno inggiken war hinabuk ari hinakol haruk amuk-o.

Ibrani 10:31 ပူးပေါင်းရင်းမြစ်များ

Matius 10:28

It apheyen inebe war inaptuk oke, inahut war inaptuk elehon etno hinakol isa fug-o. Eke At Allahen inebe inim inahut inim o dagma imbisahuon etno hag hinakol haruk amiek-o.

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Lukas 12:5

Hit hinakol hawon etno yanggul hisamin-o. Ari At Allahen aphe inebe warep isalug fobik o hondok olokma imbisahuon etno hag hinakoltoho welamuk-o. At etno-at hinakoltoho welamag ulug An demat yig hisaruk ahi-o.

Lukas 21:11

eke o yugul suon seheg, eke orom obok angge lahakeg surukon epmano inim, uk ahahe etno inim obog-at hinilanggen haruk wilil, boholmen sukfuganggeroho hinakol hawon misig surukmu hahup-o.

Kisah Para Rasul 13:11

At Ninowe inggik fam hebe sen hearuk arikonma, hilanggen bug arikonteg fam, sono hao welatlug-at fenggen aruhun-o,” ulug yig epag. Yig ituk apagma, eke at Elimas etno ilanggen bug apareg wilil, ap misihen ninggik senoko og naplug lawag ulug inggik ya fag heag inabil lebag.

2 Korintus 5:11

Eke At Ninowe ebe ninakoltoho welamon etno niniluk halug, it aphe obog At obam ebebukag ulug yig isaruk ahe-o. Eke At Allahen ninebe obog-at iluk wereg etno hag, hiren nit ninobabut surukon epmano hiniluk wereg ulug nahla buruk ahi-o.

Ibrani 10:27

Ariroho ninombisaharuk eleg halug, nit ninebe o dagma ninombisahaku ulug ninakoltoho welamuk-o. Eke niren dag suruk aheon epmano sohorep isaruk eleg nisalug, it nin At Allah inambit harukon epmano ninim ninoag deloko o hondok olokma-at ninombisahaku-o.

Ibrani 12:29

Eke At Ninikni Allah ari, hondok ninakol haruk ahe etno hag alon werehon-at wereg-o.

Ibrani 3:12

Ari halug, hit hinindi dahon wilil, wene eberoko walug eleg-at At Allah iluk werehon etno sohorep isehe ha nowen ulug hinonggarehen hinindi aso fanoroho welamuk-o.