Ibrani 10:29 - Allah Wene Hurumbik Keron

²⁹ Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

Ibrani 10:29 ပူးပေါင်းရင်းမြစ်များ

Matius 26:28

An namep it yi aphe di aphe anggolo epmanowen dag surukon etno inobam inapelegsoho sohorep isalug At Allah inim fanoroho welamag ulug dambuk hinaptuk ariog ulug An namep deloko wilip aruhuon etno ilitoho du at-o.

Matius 7:6

Eke yi angge di angge fanowon etno it yangge og isa fug-o. Sulanggen fanowon etno wam elma hik ha fug-o. Hik hahunmu fobik wam iohen hondorepfulug dahagsoho libil habuk nowen og isa fug-o,” ulug yig isebag.

Markus 7:2

Wonggalik waharuk apareg, it At omini ininggik sabele hosuk imbisalug yuhun-at orom narukmu inilanggen isebag.

Lukas 12:10

Eke wene dahon An Allahen minduhup naharision etno nobam denggelukag ulug urukon epmano sohorep isalug, inobam inapelegsoho At Allah apma imbisaruk wereg-o. Eke wene dahon At Roh Kudus etno obam denggelukag ulug urukon epmano sohorep isalug, inobam inapelegsoho apma imbisaruk eleg-o.

Yohanes 10:36

Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

Yohanes 17:19

Eke it inebe epmano Hat hudaki demat welamag ulug An nebe etno it inake nonggarehen fuloko ombataruk ahi-o.

Kisah Para Rasul 7:51

Hiniluk heheg oke, urunanggeroho suruk ahep-o. Eke hit ariroho suruk ahep ari, it Allah wene waruk elehonen suruk epmano hag suruk ahep-o. Ariroho suruk wilil, Allah wene etno hinindimu ebetuk eleg wilil, it hinetamukien bilin Roh Kudus sebe suruk apag etno hag, suruk ahep hisihi-o.

Roma 16:20

Eke At Allah nit dambuk ninaptukon etnowen at iblis etno hiniog hendan bisalukag ulug dulum-at hinapma umbuhu-o. Eke At Ninowe Yesus etnowen hinabua hisaruk wilil hinim welamag ulug yig hisihi-o.

1 Korintus 11:27

Eke ari halug, ap misihen At Ninoweyen angge orom roti, ambusu honanggo etno inim, yuhupfahik-o, ulug naruk halug, ap ari At Ninowe ebe wapahon etno inim, eke amep deloko embebahon etno inim alem at obam neken ombataruk-o.

1 Korintus 11:29

Eke At Ninowe obam inindi ebetuk eleg wilil, orom roti inim, ambusu honanggo epmano inim naruk isalug, oag deloko imbisawon etno inonggarehen at imig saruk-o.

1 Korintus 15:25

Eke At inim healeg werehon obog-at iog apma imbisiog ulug suruk aruhureg, At Kristus etno suon wilil, akelehen-at wene sumbut nisaruk aruhu-o.

1 Korintus 15:27

Eke Alkitab fam yig nisaruk wilil “At Allahen yi angge di angge obog seberoho At Kristus iog apma embebag-o,” eke yi angge di angge seberoho embebag-o ulug urukon ari, at yi angge di angge seberoho umburukon etno ebe hag seberoho ombataruk eleg hehe-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Ibrani 10:10

Eke At Yesus Kristus etno At Allahen du suhu ulug ahla bebahon etno ilitoho suruk wilil, At ebe nit obog ninonggo inggik misihim-at Allah ake ombatebag etno fam, niren dag suruk aheon epmano sohorep isalug, ninindi ho ninaptuk-o.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.

Ibrani 6:4

Eke it aphe Allah wene iniluk heheg, mondog sohorep isarukon ari, fobik inim ioba yatuk wilil, nit dag sehe ulug bukalukon etno hai aruhu-o. It aphe ariroho surukon epmano, bilin At Allahen o seleg etno og isarukmu, boholmen og isarukon etno inahientoho waruk isalug, At Roh Kudus etno inindimu kuruk atisi-o.

Ibrani 6:6

It aphe ariroho surukon etnowen At Allah Amloho etno misihim inim e fam lenggaloko umburuk wilil, selegmaroho enggali warepfuruk-o. Ariroho suruk isalug, inebe inili wawon etno hai aruhu-o.

Ibrani 9:13

Eke bilin it wam kambing amep inim, eke sapi kulog amep inim, eke sapi udag hondok yalepfebahon ul epmano inim waruk apareg, it aphe nin inobam amben neken werehon epmano ho amag ulug inobam delik laruk apagma, inobam amben eleg atuk apag etno hag, kidia At Kristus amep etno fam ninindi demat ho ninaptuk-o.

Ibrani 9:20

Deltuk apareg yig isaruk wilil, “Hit At Allahen wene du ilitoho siuk yig nisehekma, ninim dambulehe-o ulug demat hinahla bukag ulug wam amep du hinobam delihi-o,”

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.