Ibrani 10:24 - Allah Wene Hurumbik Keron

²⁴ Eke nit nit ninindi hunduhuk wilil, nabua habua suruk aheon etno fanoroho suruk amuhuken ulug, nit nit fanoroho ninesanggo war war uruk amuk-o.

Ibrani 10:24 ပူးပေါင်းရင်းမြစ်များ

Kisah Para Rasul 11:29

Yig isebareg weregma, it Allah wene warukon epmanowen uang it inomini o Yerusalem werehon epmano og isuog ulug balu sebag.

Roma 11:4

At Allahen yig ituk wilil, “It aphe ninen inindibahal yungguksoho at kwanangge Baal suontepfuruk elehon epmano inebe tujuh ribu-at fuloko imbisarikik-o,” ulug yig epahon etno hiniluk-o.

Roma 12:15

Ari halug, it inahien harukon etno hit hinim-at hinahien haruk amuk-o. Eke it ioba yatukon halug, hit hinim-at ioba yatuk amuk-o. Eke hit hit hinomini hinim hinindi misig-at welamuk-o.

1 Korintus 10:33

Eke an yi seheg, di seheg suruk wilil, it ap obohen inahien hawag ulug suruk ahi-o. Eke an yi angge di angge og nemag ulug heahil sil nuruk ahi fug-o. Eke it aphe obog inili holeheg, eke fanowon etno holeheg suruk amag ulug suruk ahi-o.

1 Korintus 9:22

Eke it ap inindi oag elehon epmano an nilahut war inabuhuken ulug, an nebe it ninim nindi oag eleg neken atikik-o. Eke an yi seheg di seheg suruk wilil, ap nin inili og inabukag ulug an nebe it ninim wilil, it wereg epmano ilitoho welatikik-o.

2 Korintus 8:8

Eke ariroho siuk ulug yig hisaruk ahi fuhon oke, it ninen anggolo umburusa ulug yig hisaruk ahi ari, hit hinindi hunduhuk wilil, keroho umbuhup ulug hinaren baliog ulug yig hisihi-o. Eke At Ninowe Yesus Kristus etnowen ahmu nisebag etno hit hiniluk-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

Galatia 5:13

Eke ari halug, nomini-o. Hit hinebe anggimbu neken welamon etno sohorep isalug, ap inindi werehon neken welamag ulug wol hinaptisi-o. Ariroho wol hinaptisireg fam, hinindi weregsoho wilil, kweanmen yuhun-at surukon etno suruk am fug-o. Eke hit hinomini hinindi hunduhuk wilil, hit hit yalmag yalmag suruk amuk-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Galatia 6:1

Nomini-o, at ap misig indi oag eleg wilil, dahan fahan suruk halug, hit Roh Kudus hinindimu werehon etnowen ap etno fikfag moturuk amuk-o. Moturuk wilil hinune fanoroho yig ituk amuk-o. Ariroho wilil, hit hinonggareg inim-at hinindi kahaluk nowen ulug hinindi aso fanoroho welamuk-o.

Kolose 3:16

Eke At Kristusen ebahon wene etno mondog hinindimu ebereg welamag-o. Eke at misihen yanggul hiseheg at misihen yanggul hiseheg, hinindi hiniluksoho wilil, Allah wene uruk amuhup-o. Eke di etno uruk wilil, i-u inim, enggangga inim, hinune fanoroho uruk amuhup-o. Eke At Ninikni Allah wa ulug, hinahla buruk wilil, di uruk amuhup-o.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 5:11

Eke hit suruk ahebon etno ilitoho hinesanggo wataruk wilil, at misihen at misig indi oag werehepfeheg suruk amiek-o.

2 Tesalonika 3:9

Eke hiren yi angge di angge og nisawag ulug yig hisolowon oke, og nisimiek ulug yig hisarukuk fug. Ariroho yig hisarukuk fug ari, hit hinil nisalug ilitoho suruk amag ulug suruk atukuk-o. Ariroho suruk atukukseg, eke hit yig hisaruk wilil,

1 Timotius 6:18

Eke it inaharek werehon ari, fanoroho seheg, eke aphe yi angge di angge og iseheg, eke inobabut fanoroho welaheg suruk amag ulug yig isimin-o.

Titus 2:4

It hweap duhumon etno inahuni inim, inudaki inim inindi hunduhuk welamon etno yanggul isaruk amag ulug, it hweap inanggohon etnowen yi angge di angge demat sukon etno hweap duhumon etno fikfag yanggul isawag-o.

Titus 3:8

Eke yi wene di wene yig hirihion epmano it aphe fikfag yig isawag ulug yig hiri­hi-o. Eke it obog Allah wene demat ulug eberoko warukon epmanowen nintul nantul yi angge di angge fanowon-at suruk arik ulug inahla bukag ulug yig hirihi-o. Eke yi angge di angge fanoroho suruk wilil, inindi fanowon keron-at heag sahup-o.

Ibrani 13:1

Eke hit At Kristus hinim hinindi hunduhuk wilil, it hinomini hinim ariroho-at hinindi hunduhuk welamuk-o.

Ibrani 13:3

Ari halug, it aphe hele waroko imbisarusa epmano, nit ninim-at hele wareg neken welahe-o, ulug inabua suruk wilil, inobam hinindi ebetuk amuk-o. Eke misig, it aphe nin dahon inobam umburuson epmano nit ninim neken-at ninobam umburusa ulug, inabua suruk wilil, inobam hinindi ebetuk amuk-o.

Ibrani 3:13

Eke dag sukon etnowen hinindi kahalik waharuk halug, ninindi dahapatehe ha nowen ulug nintul nantul hit hit hinesanggo war war uruk amuk-o. Eke at Alkitab etnowen yig nisaruk wilil, “O yoho At Allah une etno hinesanggo holtuk ahep ulug yig nisebag halug, nintul nantul-at ariroho uruk amuk-o.”

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.